|
|
السلام عليكم
طبعا الي بيتابع مواضيعي بيشوف كيف كنت انتظر احمل بفارغ الصبر
والحمدلله ربي ما خيبني وحملت 
المهم انا اتفقت مع زوجي محد يدري لين يثبت الحمل بس هو اصر الا اهلي واهله يدرون
واهله من درو – امه وخواته – حسيتهم مو ذيك الفرحة بس ابوه الله يذكره بالخير طاير من الفرحة
وانا ادري الي منغص عليهم انه بنتهم تزوجت قبل بست شهور وللحين ما حملت الله يرزقها
ومن حملت وانا مو مترقعة منهم
يوم يبون ورق عنب 
يوم يبون كبة
يوم يبون فطاير
غير الايام الي عمتي تتحجج فيها وما تطبخ وتقط الطباخ علي – ساكنين في بيت واحد وما عندي مطبخ واضطر آكل معاهم –
والمشكلة ما يتطلبون علي الا كل شي يكسر الظهر وامي من درت وهي حالتها حالة ومتضايقة مرة تقول مو زين لي لا الوقفة ولا القعدة وكسار الظهر بس هم ولا هم حاسين
لين امس العصر نزل علي مرة وحدة دم احمر كأنه ماي وفاتحينه
وعلى طول رحت المستشفى وسوو لي اشعة وقالت لي الجنين عمره 6 اسابيع ويوم والنبض قوي الحمدلله وفحصولي الرحم اذا مفتوح او لا وقالت لي الدكتورة احتمال كبير انذار بالاجهاض وقالت ارجع الصبح اكمل تحاليل وتعطيني الخبر الاكيد
رجعت اليوم وأكدت كلامها وكانت عاطتني مثبت – دوفاتسون – من الليلة الي قبلها والحمدلله خف الدم وااااجد وباقي بس افرازات بنية وكل هذا ومحد يدري وطبعا قالت لي ممنوعة من الحركة منعاً باتاً حتى الصلاة لو اصليها وانا في سريري احسن لي تقول
المهم لما طلعت النتايج وكل شي انا قلت لامي وزوجي قال لعمتي وحسيتها عاااادي الموضوع عندها
الا تقول انا بعد لما حملت بزوجك وقت الدورة ينزل علي دم
قلت لها ايه مو الدكتورة سألتني هذا وقت دورتي او لا وشافت اذا واجد ينخاف منه او لا
وزي الي مو عاجبها الوضع
سكتت دقيقتين الا تقول لي ما بتروحي عرس فلانة اليوم ؟؟ انا وجهي صار كذا .gif "Eh S(1)")
بعد هالكلام تسألني بروح عروس بعد
قال لها زوجي وش فيج ما تفهمين وش قلت ؟؟ سكتت عنه
شوي وتشوفني مرة ثانية وتسألني نفس السؤال قلت لها لا ما بروح
شوي الا تجيني حماتي وتسأل نفس السؤال مع انها سمعت كل الي صار من اول للاخير
وانا خلاص طاقتني البوهة يعني لهالدرجة شي مو مهم الي فيني !!
قلت لها بعد لا ما بروح
شوي الا تجيني حماتي اصغر وحدة تقول لي امي تقول بما انج ما بتطلعين اجيب صديقاتي نلعب في البيت وانتي تقعدين معانا تنتبهين لنا !
انا خلاص جاتني الغبنة وامي كانت على الخط وسمعت وعصبت
تقول يعني لهالدرجة ما فيه احساس
كسرو ظهرج بطلباتهم والحين ولا هامهم صحتج
ومصرة الا اروح اقعد عندهم في البيت ! وزوجي مو راضي يقول على هالسالفة كان تزوجت مسيار اريح لي اذا كل وحدة بتحمل بتقعد عند اهلها
والحين انا خايفة ومو عارفة وش اسوي
ان قعدت في بيت عيالي بتتعب نفسيتي من هالحركات هذي ولا اقدر اعصي زوجي واروح بيت اهلي بعد
وفي نفس الوقت خايفة على الي في بطني ولا عارفة وش المفروض اسوي وهلا وضعي يعتبر مرررة خطير والا كيف ؟؟؟
والغلط منج يعني قولي مااقدر وماااقدر اطبخ ليش ساكته يعني
والله انا اقول اهتمي بنفسك محد نافعك منتي ملزومة تسوي وتطبخي ترا مو عيب اذا قلتي انا تعبانه
محد نافعك لاسقطتي الله لايقول
وانتي حرة
ويثبت اللي في بطنج
المفروض ترتاحين
وحاولي مع ريلج بس هاليومين على الاقل
بس اذا عند سكتي وارتاحي واي احد منهم يطلب منج شي قولي مااقدر تعبانه ولازم مااتحرك من السرير
وقولي لريلج مااقدر على طلبات اهللك
بس بمسايس وعلى طبع ريلج
او قولي له من يطلع يوديج عند اهلج ولما يرجع ياخذج منهم
والله يسهل امورج ويكتب لج الخير
استحي والله
يعني ما اتخيل اقول لعمتي لا
وش بيكون ردة فعلها ونظرتها لي
يعني هي ام وفاهمة ومجربة
وهاليومين والله صايرة نكدية اتشكى لزوجي واقول له باللي يصير
بس طبيعي انه مستحي من حركاتهم ولا عارف يتصرف يعني مهما كان ما يبي اهله يطلعون بهالشكل قدامي
يعني اليوم عمتي نامت للظهر وقعدت اتصلت فيني عشان اطبخ وانا اصلا توني راجعة من المستشفى تعبانة
طلع لها زوجي بس ما ادري وش صار بينهم المهم انه بعدين جاب غدا من برا
لأنه لا انا ولا هو نبي المشاكل تصير ويقول لهم زوجتي قالت او اشتكت
يعني على حسب الموضوع يحاول يوصل لهم انه تصرفهم مو مقبول بدون ما يشكون فيني اني مشتكية
بس الحين سؤالي وصفت لي الدكتورة بعد فوليك اسيد 5 ملغ بدون تحاليل من امس ,, حبة في اليوم
على اي اساس توصفه لي كذا ؟؟ ما يصير خطر لو صارت الجرعة حقي اكثر من ما احتاج ؟؟
بصراحه عورتي قلبي … خصوصا ان في السعوديه وضعكم غير عن الكويت
حبيبتي الحل المفروض يكون قاطع ومن زوجج مو منج انتي
يعني يعتمد على شخصية زوجج .. هل يتقبل منج انتقاد وشكاوي ولا لا؟
اذا لا .. هل اهو من النوع اللي لازم تكلمين ابوج علشان يكلمة أو عالاقل أمج؟
يعني انتي أدرى فيه
بس بالنهاية لازم يعرف ان هالشي خطر عليج إنتي قبل مايكون على الجنين
ونصيحه لا تهملين روحج … لأن الرجال ماعندهم مشكله يتزوجون مره ومرتين وأربع
أما انتي اذا راحت صحتج شتسوين؟ فكري بروحج … وحاولي تتصرفين على هالاساس … وبدون لا تسببين مشاكل
خليج ذكيه … وكسبي زوجج … بس هم خليه يهتم فيج …
الله يصبرج حبي
بالنسبة حق الدوى اللي الدكتوره عطتج اياه … اخذيه اكيد مااراح نعرف احسن منها بحالتج
وعسى ربي يثبت اللي في بطنج … ويفرحج فيه ويفرج عليج همج
وحاولي ترتاحين وبدام ان زوجج فاهم ان اهله غلطانين فلاتتشكين وايد
بس حاولي بين فتره والثانيه تروحين بيت اهلج ترتاحين ويرد ياخذج بليل
مشكورين على ردودكم
والحمدلله ريلي متفهم الوضع وعارف بتصرفاتهم حتى ايام تصير بينهم مشاكل ليش انه خواته خايبين وما يعتمد عليهم في شي
ومن قبل ما ادخل عليهم البيت وهم قاطين كل الشغل على امهم – بس الطباخ طبعا والباقي الخدامة تشتغل فيه –
وانا من جيت وشافتني عادي عندي اطبخ وهي صارت زي بناتها ما تبي تدخل المطبخ والصراحة انا عادي ما عمري تشكيت اني اقوم اطبخ بس الظروف الحين هي الي منعتني
وانا ما اتشكى الا اذا شفت روحي في وضع محرج واستحيت اتصرف اقول له وهو يتصرف وما يحتاج لا ادخل امي ولا ابوي في السالفة
وعلى سالفة اروح بيت اهلي هو ما عنده مانع اروح لهم بين كم يوم ويوم
وخاصة ان البيت مرررة قريب بالسيارة مو اكثير من 4 او 5 دقايق لو ما الاشارات
بس العيب في زوجي بيتوووووتي
وما يجب يقعد لحاله يعني قال لي من البداية 90% من قراره انه يتزوج يبي احد يقعد معاه !! يعني مستحيل اطلع وهو في البيت الا اذا على عزومة او شي ما يتفوت
بس انه هو قاعد في البيت اقول له بروح بيت اهلي يوديني بس يتضايق بروحه
يعني الفرج ما يجيني الا اذا اصحابه سحبوه يوديني بيت اهلي وهو طالع اما غيرها مقابلين بعض
ويحفظ الي في بطنج ياربي
ولازم ريلج يفهم اهله الوضع واذا ماتقبلو واهو مو راضي تقعدين عند اهلج خلي الدكتوره تكتب لج جم يوم تنويم بالمستشفى لين ترتاحين ويتطمنون على البيبي
كله ولا المستشفى
الحمدلله عمري ما تنومت ما اتخيل روحي اتنوم فيه كم يوم
انا احاتي لما اولد كيف اقعد مو تقولي انا اطلب اتنوم بعد
والا هي الدكتورة ما عندها مانع مستشفى خاص ومن فايدتهم
والله عارفة ان العين حق
حتى امي اكي شغالة تقرا لي على ماي زمزم
المشكلة حماتي للحين ما حملت وفوق كذا حطو عينهم علي انه ما فيني شي يبين اني حامل لا وحام ولا غيره
ومنها ما ترقعت
و ريلج بعد لازم يتحجى من البداية مو يوم شافج تعورتي و نزفتي توا يتكلم