|
|
حبيت اني اذكر هالشغله لكم وانصحكم ولاني عادتكم مثل خواتي بقولها لكم
عندنا وحده من الجماعه
ماشاء الله عليها
الكل يحسدها بعيالها من جابتهم واهم المثل الاعلى
البنات سمعه طيبه واخلاق وتربيه ولا اروع
وفوق هذا مناااااصب
وعيالها كلهم كلهم مناصب وقمة الاخلاق
وفوق هذا رحمتهم في والدينهم مووووووووووطبيعيه
يعني شقولكم دين واخلاق وجمال ومناصب
ومافيهم احد تقولين فيه عيب
كاملين والكامل الله
عاد الام في عداد امي وبنفس العمر
فا الكل دايم يضرب في عيالها المثل
ودايما نسمع في العايله هالكلمه
(ياااااااااااااريت واحد من عيالي يطلع مثل عيال ام فلان)
(ولا ياريت وحده من بناتي تطلع مثل بنات ام فلااااااااااان)
والرياجيل ما عندهم غير سالفت عيال ابو فلان ياريت يطقون بابنا وياخذون من بناتنا والله لنزوجهم من غير مهر
المهم دار في بالي وقلت
يعني امهم اميه وابوهم امي
والعيال والبنات درسو بمدارس حكوميه لا خاصه ولا انجليزيه
وكانو ساكنيين في الفريج اللي احنا فيه
ويلعبون مع عيال حارتنا
وش اللي ميزهم عناااااااااااااااا
المهم دار هذا الحجي براسي وقلت لابد فيه سر في التربيه هذي
والله يا بنات
شي في قلبي يقرقع ودي اسالها
المهم عاد اليوم قبل جم يوم وديت عيالي المدارس وهم في مراحل مختلفه فيهم من في الابتدائي وفيهم من في الروضه
وعقب ما خلصت مريت بيت الوالده ورحنا انا وياها نشرب جاي الضحى عند ام فلاااااان<<اللي سولفتلكم عنها
المهم
وبين السوالف
سالتها
وقلت لها يا ام فلان في سالفه في بالي تقرقع
قالت امري
قلت لها شنو سر تربيتج في عيالج يعني اهم في نفس الشارع اللي تربينا فيه وكنا نلعب مع بناتج وعيالج يعلبون مع عيالنا بس
شلي طلعهم جذيه ماشاء الله
قالت والله والله اني طول فترة حملي
<<<<شيكووووووووو شقالت
تقول طوووووول فترة حملي ادعي هذا الدعاء
اقرووووو دعائهااااااااااااااا
(اللهم ارع جنيني برعايتك واكلأه بحفظك اللهم أتم فرحتنا به وفرح نظرتنا به وأتنا به سليما طيبا معافا حيا قرة عين لنا ولأمته
اللهم احفظه وإخوانه وأخواته من كل عيب وبلاء وارزقهم الصحة والعافية واجعلهم في كل شيئ أسوياء اللهم حسن خلقهم وخلقهم وارزقهم الجمال البديع والخلق الرفيع والأدب الجم وحبب إليهم الإيمان والعلم والتقوى وزينها في قلوبهم وجنبهم الإثم والبغي والفواحش وسيء الأخلاق اللهم امنن عليهم بحفظ القران وهم صغارا واجعلهم ممن حفظ حروفه وحدوده وأعذهم أن يقيموا حروفه ويضيعوا حدوده اللهم اجعلهم من عبادك المخلصين المتبعين سنة رسولك صلى الله عليه وسلم على الوجه الذي يرضيك ويقربهم إليك اللهم أطعمني وأباهم برهم وشفقتهم وحبهم وهم صغارا وكبارا ونحن أحياء وميتين اللهم اجعلهم يتربون جميعا في عزي أنا وأبيهم وقوتنا وعافيتنا وإقبالنا عليهم واجعلنا أسبابا مباركة عليهم وهم أسبابا مباركة علينا اللهم احفظهم جميعا من العين والسحر ومن كل سوء ومكروه ومن شر من به شر ومن سيء الأسقام
اللهم هون علي الولادة واجعلها ولادة طبيعية يسيرة سهلة سريعة غير متأخره اللهم هونها وهون علي الطلق والخياطة والرضاعة والنفاس كله واجعلني أقوم وجنيني بالسلامة والعافية التامة اللهم ولي علي الأخيار الشفقاء الرحماء الأكفاء من النساء واجعل كلا منا سببا مباركا على الآخر )
وهذا دعائها طبعا من حبي لها وحسيت من نبرة صوتها كلها دين وصدق قلت لازم اكتب دعائها واقوله في فتره حملي
عاد ما حبيت ابخل عليكم في هالنصيحه
ومابي احد يطلع من غير رد
علشان يرتفع الموضوع والكل يستفيد منه
واااااااااي قريت الدعاء وحسيت بشي مادري شنو
حسيت براحه من هالدعاء
عسى الله يتمم علينا حملنا ويقومنا بالسلامه
مشكورة حياتي
خوش دعاء والله محتاجينه حيييل في هالايام هذي صراحه