منو بالخامس ادش

انا بالشهر الخامس بالاسبوع 20 ما احس وايد ابحركه البيبي

لما كنت بالخامس نفس حالتج ما احس وايد بحركة الياهل يمكن علشان كنت اتعب نفسي حيل بالدوام

بس دشيت السادس الياهل دوخني بالترفس

انتي ريحي نفسج وماكو الا كل خير

حبيبتي بس بتخلصين الاسبوع ال20 شوفي الترفس انا نفسج كنت اوسوس واحاتي والحين تعالي بس خل افكر انام اشوف البيبي يرافس

عادي لاتحاتين

الياهل يتحرك لاتحاتين انشالله بس مو بطريقة ملاحظة ,, لان ليلحين صغير
بس باول السادس انشالله راح تحسين فيه و يمكن الحين لما تنسدحين و تسترخين تحسين بحركة خفيفه حيييل شي
يرفرف ببطنج هذا اهو

الله يطمنج عليه

انا بالخامس ومثلج ما احس بحركه البيبي وايد

عادي حبيبتي لاتشيلين هم انا ولدي البجر لي السابع ومااحس فيه وبعدين بداء يرافس والحين انا باالرابع ومااحس بغير اوجاع والام شديده اكثر من الام الدوره لاكن مافيه حركه للطفل

ماتحسين نفس النبض في بطنج على قولت الدكتوره نفس البتر فلاي

انا الحمدلله تعديت الخامس

بس حبيت افيدج لا تحاتين يمكن فيج بنوتة وانتي بكرية ..

الحركة ماتحسين فيها الا بعد الـ 22 اسبوع بأذن الله

وبالتوفيق

ادري انا هالمره يالله بالسادس حسيت فيه

عادي لا تحاتين هذا شي طبيعي,,,
آنا اللحين بالاسبوع 18 وما احس باي حركة
بس بالسونار شفت البيبي يتحرك ويلعب وسمعت نبضات القلب وتطمنت
فهذا شي طبيعي ,,,والله يطمنج على اللي في بطنج

انا حسيت بالحركه باول السابع …

عااااااااااااااادي … لا اتحاتين … انا نفسج قبل يوم كنت بالخامس مت من الخوووف و كل اسبوع ودي اسوي سونار ما احس بالحركه كلش ملش … بس ان شاءالله بالسادس بعد يمكن نص السادس راح اتحسين فيها عدل

انا اتفق مع حلا و ذوق … الظاهر اللي فيج بنت

ارتاحي و لا اتوسوسين … و ادعي ربج انه يثبته و يسهل حمله و ولادته و يقر عينج و عين زوجج فيه ان شاءالله

أنا حسيت بشي غررريب فجأ حسيت ان شي برز من بطني وان البيبي اتقلب قلبتين ومن بعدها ماحسيت بسه وايد بس على الاطراف جي لمسات ونااادر

عادي لا تحاتين هذا شي طبيعي,,,
آنا اللحين بالاسبوع 18 وما احس باي حركة
بس بالسونار شفت البيبي يتحرك ويلعب وسمعت نبضات القلب وتطمنت
فهذا شي طبيعي ,,,والله يطمنج على اللي في بطنج…لان ليلحين صغير
ارتاحي و لا اتوسوسين …التعب مو زين حق البيبي و ادعي ربج انه يثبته و يسهل حمله و ولادته و يقر عينج و عين زوجج فيه ان شاءالله