أرجوا من جميع الأخوات الدخول للضروره .

شلونكم خواتي العزيزات

حبيت أطرح هذا الموضوع حتى تعم الفائده للجميع وأولهم أنا

بغيت تقولون تجاربكم وتجارب من تعرفون في محفزات الولاده

يعني لو ياج الطلق شنو إلي تسوينه من شرب أعشاب وأشياء تسرع فتح الرحم

وتحسين يابت نتيجه معاج

أرجو من الكل المشاركه حتى تعم الفائده وشكراً

أختكم
عــــ أم ـــــــامر

أما على الأخت إلي تقول تبوله زينه أنتي كم طفتي على موعد الولاده

أنا كتبت هذا الموضوع لأني شفته مهم لنا (( نحن الحوامل ))

وأدري أن التساهيل من رب العالمين لــــــــــــكــــــــــــــــــن أنا وحده من الحريم ما ينفتح عندي الرحم بسهوله

وإن فتح أطول يالله أولد بسبب عندي عنق الرحم سميك (يعني أحمل ما أولد )

وأنا ولدت ثلاث مرات قبل جذي مرتين طبيعي ووحده قيصريه ولا أكون مطوفه على موعد الولاده وأروح للمستشفى

ما فيني ولاده بس لأني أكون طايفه فيدخلوني ويبدون شغلهم

وتعالي عاد متى أولد أدخل الصبح ما أوولد إلا باليل متأخر حتى الواحد تلوع جبده من الولاده وودى يبطل

وبصراحه أنا ألحين حامل بآخر الخامس وشايله هم هذا الموضوع وايد من ألحين فأبي كل وحده لما ينفتح عندها الرحم

شنو تسوي أو تشرب حتى يحمى عندها الطلق لأني أبي أولد طبيعي ما بي عمليه وحدي خايفه لأن سبب العمليه الأخيره

أني مطوفه شهري والرحم مفتوح وحطولي طلق صناعي مرتين بس ما كان هناك طلق

فأرجوكم رجاء حــــــــــــــــــــــاااااار أن كل من تقرأ موضوعي وتعرف شي مجرب تقول ولا تبخل