الدكتور سامر الريس . رويال حياه

السلام عليكم
بنات بس بغيت اسالكم منو تعرف الدكتور سامر وشرايكم في ؟؟؟
انا قاع اراجع عنده بس مادري ليش وايد ناس ما امدحولي اياه وانا قايله انشالله بولد عنده بس مادري شفيني خايفه

انا اراجع عنده واهو اللي فتحلي الربط وولدني وتوني راده من عنده كان عندي مراجعة بعد الولادة

والله خوش دكتور وايد زين وشاطر ويطمن مو من الدكاترة اللي يخرعون ويكبرون المسائل ووايد محترم ووقت الولادة وايد عطوف وزين
اصلا يوم ولادتي كانت معاي ثنتين بعد ولدهم وحدة قبلي قيصرية وانا وبعدين الثالثة

انا ارتحتله وااايد والله
من قبل رحت راجعت عن دلال السالم ونجيبة القطان واشرف الجمل وعادل الزهير
بس ارتحت عند الدكتور سامر اكثر

وانتي شوفي اذا مرتاحه عنده ماعليج من كلام الحريم ترى انا رحتله من غير محد يقولي عنه زين او شين رحت على الله والحمدلله

الله يسهل عليج حبيبتي

يالا الحمدالله على سلامتج ومبروك ماياج… والله انا وايد مرتاحتله بس الناس اذوني وخروعني
اشوه حبيبتي طمنتيني لان انا بالشهر السابع وماباقي شي على ولادتي انشالله يعني مايسوا اخر شهرين اغير الدكتور

بس حبيبتي بغيت اسالج جم خذا الدكتور سامر منج حق الولاده ؟ 250 ولا 300

هلا حبيبتي ايي توكلي على الله وماعليج من كلام الحريم مثل ما قلتلج

فطفوطة اخذ 309 لان ولادة متعسرة غير ابرة الظهر ب 100 دينار

الله يسهل عليج ولادتج
زمثل ماقالت لج الاخت توكلي على الله
انا ولدت عنده مرتين وااااااااايد حبوب وحنون وعطوف وقت الولاده ويمطن مايخرع
ونفسه حلوه

شوفي حبيبتي الرد لللأمانة وكل كلمة أقولها صحيحة وهذا نصيحة وتحذير لوجه الله تعالي
أنا صديقتي لبنانية كانت مسكينة لها 5 سنوات تعالج علشان تحمل وراحت لبنان سوت طفل انابيب والحمدلله حملت
المهم ريلها من فرحته قالها شوفي أغلى مستشفى روحي عشان تراجعين وتولدين فيها واهما حرام على قد حالهم وايد
المهم راحت وولدت في رويال حياة عند دكتور سامرالريس وكانت ولادتها برمضان شهر 12 من سنتين تقريبا
والنتيجة الحبيب ولدها وسافر لأنها كانت ليلة عيد الفطر
حتى ما شافها لما طلعت من العملية
على نص الليل زادت معاها الحرارة وصلت للأربعين وماكو ولا دكتور قادر يسوي لها شي عندهم
راح ريلها طلعها من المستشفى على مسؤوليته وركض فيها على الصباح وتدرون شنو كان السبب؟
الدكتور على العجلة ولدها ومخلي فيها قطع من المشيمة داخل وزين المرة ما ماتت
وبهذلوها الدكاترة بالصباح وزفوها زف وشافت الموت وسوت تنظيف واهي بعدها والدة
والله العظيم من عقبها ردت سوت مرتين بعد عمليات تنظيف بمستشفى رويال حياة على حسابهم لأن ريلها سوى مشكلة كبيرة مع ادارة المستشفى
والدكتور قالها ممنوع تعاشر ريلها لمدة 6 اشهر من سبة العمليات وكله بسبب غلطة بسيطة مل يرتكبها دكتور صغير
ومن يومها المسكينة تعقدت وقالت توبة بعد إذا قلت أبي عيال من البهذلة اللي شافتها
أنا حبيت أحذرج والله العظيم عشان ما يصير فيج نفس صديقتي
وسألي حتى اللي تعرفينها ترى هالدكتور سمعته مو زينه
انا كنت أراجع عند دكتورة روعة بانترناشونال كلينيك اسمها سالي محسن تهبل بس طلعت ما تولدت ورفيجتي تشتغل بمستشفى السلام ووايد امدحتلي دكتور اسمه عمرو عصام بس انا ليلحين ما رحتله فما أدري
اتمنى أكون افدتج

رفيجتج راحتله مره ثانيه ؟؟ قالتله ان صار فيها جذي ؟

حبيبتي مشكوره عالرد والله انا بعد شايفته حنون وحبوب بس شوفي اتقول ناسي قطع مشيمه بالبنت خرعتني بس انا اقول اللي ربي كاتبه بيصير والسهاله من رب العالمين

بنات بعد منو فيكم اتراجع عند الدكتور سامر وولدها؟؟