تحاميل البيتادين

السلام عليكم ياحلوين

انا والده من اسبوعين والحين الدكتورة اوصفتلي تحاميل البيتادين احطها بالليل 5 ايام

بس انا مستغربة مو جنه مبجر احطهم الحين؟؟

اللي جربت هالتحاميل متى حطتهم بعد الولادة؟؟ بليز ردو علي

هلا حبيبتي
انا استعملتهم آخر عشر ايام بالنفاس يوم وترك
والحين عقب كل دوره

أنا استخدمتها بعد شهر أسبوع كل ليلة وصفتها لي الدكتورة

مشكووورين حبايبي عيل بنطر شوية لين يصيرلي شهر

انا استعملتها باخر اسبوع من الا40 كل يوم تحميله بس قالي اذا نزل دم وقفي استعمالهم

مافد استخدمتها

بس ناويه ان شاء الله هالمرة استخدمها
من كثر مايمدحونها

للرفع

انا استخدمتها باخر 10 ايام من النفاس وصج صج ماشاء الله وايد فرقت معاي .. امبيه ماشاء الله تنزل وايد ماي نكرمون وتضيجج يعني راح تنصدمين بالفرق انشاء الله

بنات انا عندي التحاميل عندي سؤال عادي استخدمها بدون العود إلي حاطينه شكله يخرع خخخخخ

اخر 10 ايام من الدوره
يوصفونها مبجر لانه على موعدج مو معناتها حطيهم الحين
وتهبل ونصيحه بلليها شوي ماي عشان تدش بسرعه
وحطيهم بالليل

ميلك قلبي انا احطهم بالعود احسن لاتخافين مايجرح بس عشان تضمنين يوصل الى الرحم مباشره