منو تعرف علاج الحامل اذا دخلها برد

السلام عليكم ورحمة الله وبركاته

انا حامل ودشيت شهري واحس بالم نفس السكين شي يغزني من تحت قالولي برد لانه بحدتي وبطني كله الم وبظهري بس مو الم الطلق شنو اسوي ول شنو اشرب؟؟

ياليت الي تعرف تفيدني

والله الصراحه ماعندي فكره سامحيني كان ودي افيدج
بس شدراج مو طلق اخاف بدايه طلوق وانتي ما تدرين لان انا بولادتي الاخيره اول ما بداني الطلق كنت اقول حق امي داشني برد لووول

والله حبيبتي يمكن يكون طلق مو برد وجربي تبخري إذا برد يروح وإذا طلق يزيده أنا يدتي جذي إتقولي إذا يايني عوار

يعطيكم العافيه على الردود

بس شنو اسوي اروح الطبيب يعني ؟؟

وبشنو اتبخر؟؟بشي معين؟؟

والله ما عندي فكرة يا عمري بس انشاءالله ربي يسهل عليج و تولدين بالسلامه

الله يسهل عليج

جزاكم الله الف خير على المشاركه

انا صار فيني نفسج وشربت طبيخة وارتحت

والطبيخة اذا ما عرفتيها تنباع بالجمعيات برف ماي اللقاح وماي الزهر وهالسوالف

ماتشووفين شر حبيبتي,,

والله يسهل عليج الطلق يااارب,,,

اهم شي تتدفين حيل حيل حيل

وعقب تشربيلج ماي لقاح او شي يطلع هالبرد منج

ويمكن يكون بدايه الطلق يالغاليه

وربي يسهل عليج يارب

حبيبتي انتي بشهرج يعني اكيد هذي طلوق خفيفه…
بس ماراح يضرج اذا تدفيتي عدل وشربتي اشياء دافيه والبسي دلاقات …
وربي يسهل عليج يارب…

تبخري بياوي اذا هوا راح يروح بسرعه

الله يعينج شربي دارسين اذا هوا يطلع اذا طلق يزيده

أنتي بأي شهر اذا مو شهرج لا تتبخرين موزين

ماتشوفين شر حبيبتي