نفسيتي حيل تعبانه خايفه من الولاده

بنااات
شلونكم ؟ ان شاء الله تمام
هذي ثاني مره انزل موضوع عن خرعه الولاده
شسوي بنات انا في بجر ومادري شالطبخه حدي حديييي خايفه وامس يوم كنت بالمدرسه كل ساعه تييلي عوار مو طبيعي جنه عوار دورتي ايام العزوبيه
و ظهري وبطني يعوروني و بطني يااابس جنه صخره و اسوي روحي مو خايفه لان اخاف اسمع طاري الولاده
الحين ما بقى شي يعني تقريبا هالاسبوعين يمكن اولد و إلي صرقعني اكثر .. قبل شوي كنت مراجعه عند دكتورتي جان تسويلي سونار وقالت اشوه راس البيبي منقلب يعني تحت بس ليلحين بالحوض ما نزل عدل
جان تقولي لازم امشي كليوم ساعه واذا ما نزل ترى فتح بطن و شربي كليوم قلاص دارسين
واااي مابي قيصريه اخااااف
ودي ولاده طبيعيه و بعدين شلوون اخاف من الولاده ولا تقولون تعوذي من ابليس و اقري ادعيه ومادري شنو لان قريت ومازلت بس خااااااااااايفه

حبيبتي بعد عمري حالتج نفس حالتي ، الله يعينج ياقلبي ، هم انا نفسج بجر وولادتي شهر 1وكله اقص على نفسي واقول بيني وبين نفسي انشالله كلها يوم وبعدين بنسى كل شي ميخالف لازم نتعب ، وبهل تعب راح تاخذين أجر انشالله ، انا من كثر ما انا دلوعة اذا بلاعيمي تعورني اقعد ابجي فمابالج بالولادة شنو راح اسوي ؟بس هالشي لابد منه فانتي لا اتعبين نفسج قبل الولادة ، وحزة الحزة ربج بيكون معاج ويهونها عليج ياربوالله يقومج بالسلامة ويفرح قلبج بالبيبي ..

بغد عمري شسوي نفسيتي حيييل تعبانه خاايفه و بالذات من القيصريه و لان البيبي ليلحين بالحوض فشلوون اخاف قيصري

حبيبتي كولوراديه انا وياج نفس الشي بس سابقتج بجم يوم وانا راجعت دكتورتي يوم السبت فحصتني الله لا يوريج الخرعه بس تصدقين ماحسيت انه بتطلع روحي من الفحص عاادي بس من الخوف شوي بجيت مع انه ماعورتني العوار اللي في بعض البنات اوصفوه لي وقالتلي امشي بعد كل يوم واليوم وانا بالدوام ياني عوااار بطني وظهري شفتااات استئذنت رديت البيت شربت دارسين بس راح العوااار واحس بطني مرتفع مو نازل … لازم تمشين ويقولون الجماع مهم بهالفترة لانه يساعد بعد واكلي تمر كثر ما تقدرين والله يسهل علينا يـــــــــا رب وعقبال مانكتب قصص ولادتنا ان شاءالله

اي حتى انا بطني مو نازل ليلحين مرتفع
الحين الدارسين مو إييب الطلق ؟
اخاف اييني طلق و اولد :

اي يقولون اييب الطلق بس ما ياني اي شي يمكن العواار اللي يانا هو التجاديم ( بروفه حق الطلق

لووووووووووووووووووووول حطمتني البروفه
انا ياني من امس شي مو طبيعي وااي جنه عوار دورتي قبل وحدي تسبهت وانثولت بس قاعده اتبوسم و إلي بالقسم معاي يقولون ويهج اسود !!! طلعي شمقعدج وانا اقولهم يبه عادي شفيكم : ومن داخلي اطقطق

كولووووور ياقلبي ماتدرين كل شي يتغير حزة الولادة ياما قالولهم الدكاترة قيصري ويولدون طبيعي والعكس صحيح..
انا ببجري كنت اتمنى طبيعي والله ماكتب بس خيرة لي وللبيبي لاني حدي اخاف واتوقع طبيعي ماكنت اقدراساعدهم..
والحين قيصري بعد بس الله كاتبلي جذي الف الحمدالله والشكر..
ابذلي الاسباب ونفذي نصايح دكتورتج..وتوكلي على الله وادعي ربج يكتبلج الخير..

اي ترى دكتورتي يوم شافتني خايفه وبجيت من الفحص تقولي هذا فحص صار فيج جذي عيل شلون بتولدين اذا خوافه راح اضطر اعطيج ابرة ظهر قلتلها مااااابي والله يستر وقت الولادة اتخيل نفسي اترجاها على ابرة الظهر

ان شاء الله
ياااااارب ينزاح هالخوووف ليمن اولد

يعنى مو بس انا اللى خايفه من الولاده انا بعد بجر وحدى خايفه واحس انى من الخوف بموت تكفون بنات ابى احد يطمنى وربى كل مايمر شهر احس ان موتى قرب انا من الابره اخاف شلون بولد تكفون احد يرد على

ان شاء الله .. الله يسهل علينا اتوقع وقت الصجيه راح يصير واحد من الشيين : 1- انه اتقوى واضغط على نفسي عشان افتك . 2- اممموت من الخرعه ويطردوني من المستشفى

ماكو شغل يطردونج لوووووووووووووووووووووووووووووووووووول
يااارب نتقوى و يهون علينا وما نحس بالعوار <– تقص على روحها

اي اي ودي اصدق نفسي واصدقج والله حدنا مطقطقين وااااي الله يستررررررررررر ابي انام واقعد ويقولون لي ولدتي يـــــــــا ســــــــــلام احلى ولادة

لوووووووووووووووووول كولور وعواش الظاهرسويتوا تجمع الخوف من الولادة اهني