صج هالكلام عن مستشفى هادي ؟!؟!؟!؟!

سمعت من اسبوع ان مستشفى هادي تغير و الناس ما صارت تمدحه و الكل ينحاش ما يولد فيه اللي تقولي ان حاشتها حساسية عانت منها طول فترة النفاس من طبيب لي طبيب

و هم ماكو فايده لي يومنا هاذا تعاني من الحساسية و اللي تقول انها شافت زهيوية بغرفة الولاده و اللي تقول انها دشت تعبانه فيها ولاده و السستر تزفها و الفراش مال الولاده مبقع وصخ و تقولهم غيروه و يقولون لها بس يالله انسدحي و اللي تقول….. و اللي تقول…….. و اللي تقول…….. ……………..

اشرايكم باللي سمعتوه ؟؟ انا عن نفسي تأثرت بس البعض يقولون لي مالج شغل كلام حريم فاضي لا يودي و لا اييب و المستشفى تمام و ما عليه كلام ……

والله مادري انا ولدت اب دار الشفا رفيجني ولدت فيه ما تمدحه

حجي فاضي يا عمري, انا والده عندهم من سنه و اربع شهور بغرفه برنسس سعني بروحي و العنايه اتهبل و النظافه ممتازة و السسساتر ولا احلى و الكمام روعه و خياطي ما حسيت فيه كانو يغيرون لي كل اربع ساعات مكان الخياط يعقمون و يحطون كريم ميبو و كل اشوي دكتورة مارة عليج و هذا عن تجربه

شكرا ورده بنفسجيه على الرد بس ما تمدحه من اي ناحيه انا دكتورتي انشاءالله من بره المستشفى ؟

شكرا يا عمري على الرد

ماعندي فكره

حياتي لا تتأثرين بكلام الناس

لان كل وحده وظروفها

والصراحة آنا احب الهادي وولاداتي كل فيه

جربى رويال حياة وايد حلو

آنه والله ماجربته بس في وحده من اهل زوجي كله تولد فيه و دايماً قيصرية بس انه آخر ولادة يابو لها الياهل عساس خالتها اتشوفه و يايبين مع الياهل الحليب على اساس وقت رضعته و الخالة قعد اترضع الياهل ولاتنصدم تاريخ الصلاحية منتهي و تين الام وتقعد عقبها الياهل اترجع و طبعاً قالو حق مسؤولين المستشفى و ااي سوووه انه اعتذرو و قالو انعوضكم بانه نعطيكم اكبر غرفة بالمستشفى حق الام جنه هل سالفة ينفع معاها تعويظ المهم بعد ما تطمنت الم انه البنت مافيها شي قالت لا غرفة ولا بطيخ آنه ماراح ادفع ولا فلس و الولادة و كل المصاريف عليكم و رضو بس الله لا اقول لو صاير بالياهل شي مسكينة

لو بتسمعين كلام الناس ماراح تخلصين الناس بكل شي تذم وبعدين بكل مكان له عيوبه وله مميزاته

انا والده فيه ابجري عند د بهواني وهالمره انشالله ناويه اولد فيه عند نفس الدكتوره ماشفت منه شي انتي صلي استخاره والله يقومج بالسلامه

حبيبتي انا توني والده فيه وما شفت فيه شي وما عليج من كلام الناس

بصراحة حلو عنايتهم بالمرضى وعيب المستشفى انه زحمة وباب الزوار والطوارئ واحد انا قبل سنة ونص ولدت فية وشحلاتة ودكتورتي من برة وان شاء الله راح اولد فية هالمرة

وكلة كلام حريم وبعض الحريم يهول بالمستشفيات وبعضهم يالف قصص على كيفهم وعلى فكرة كل المستشفيات الخاصة والحكومة فيها عيوب وفيها مميزات وكل يدور راحته

اهه اهه

انا رحت فيني طلق وولاده ردتني تقولي انتي باجر تولدين ماكان لها خلقي من جذي ماحبيتهم بس دكاترتهم زينيين بس حظي بالولاده سيئ

حبيبيت قلبي لا تردين على احد صلي استخاره و انشاء الله بالتوفيق و انا ناويه اولد فيه

انا توني والده فيه قبل 44 يوم حيييل حلو ونظيف والعناية تهبل ومو أول مرة أولد في هذي ثاني مرة ما أشوف فيه عيب بس الزحمه شوي