اسئله بخصوص الحمال خصوصا بالاشهر الاولى

مرحــــــبا بنات شلونكم !؟

عندي سؤال ( او اكثر من سؤال ) الحين الله يسلمكم الحمدالله انا حامل توني ما صارلي شهر وعندي بيبي ربي يحفضلي اياه عمره سنه و اسم الله عليه شويه دلوع ( البجر شنو نسويله

) فهل خطر اني اشيله ؟؟ يعني مرات من مكان لي مكان ؟؟؟

وشغله ثانيه عادي السواقة ؟ و الكعب اقوله مع السلامه

و سلامتكم ^+^

اذا اسم الله عليه ثقيل مالازم تشيلينه والسواقه عادى ما تضر الا اذا بالاشهر الاخيره ( ولو ان فى ناس وايد يسوقون حتى الشهر الاخير)
واكيد لازم تلبسين واطى لان الكعب يضر والله يتمم عليج انشاء الله .

السواقه عادي
مدامج حامل بالثاني طلبي خدامه علشان تساعدج
لان الاشهر الأولي يبيلها
راحه
والكعب موزين

حطي بالج من الكعب كان يكسر ظهري

انا احس كل شي عااادي
وتفرق من وحده لوحده انا كنت بايعتها افر غرفتي واهلك نفسي بالشغل جد الله ستر علي ويمكن العوار اللي فيني من اللي سويته اول حمالي
والسوووواقه عااادي
الكعب لااااااااااااااااااااااااااااا والف لاااااااااااااااااااااااااا
لانه يكسر الظهر

السواقه عادي بس شيلة اليهال والله انا عن نفسي لي التاسع اكون مشنقله الياهل على جتفي

الله يتمم عليج

الله يتمم لك على خير وكل مسلم…
بالنسبه للشيل كبير سنه اللع يحفظه صعبه تشيلينه وانتي توك بالاشهر الاولى لان بهالفتره نسبة الاجهاض كبيره يعني لا شيل تشيلين ولا تدفعين شيء ثقيل او خفيف برجلك لان كثير يسون هالحركه ويسقطون مجرد انهم يشوتون شيء خفيف…
بالنسبه للكعب لا لا لا تلبسينه واذا مره تحتاجين تلبسينه خليه بالسياره للمكان اللي بتروحين له والبسيه بس يكون المكان مافيه حركه يعني اكثر شيء قعده…
والسواقه في واجد يسوقون لين الشهر الاخير بس الافضل لاتسوقين بالاخير يعني اللحين عادي دامك بالشهور الاولى….وان شاء الله تلقين كل خير…

مثل ماقالو اذا كبير لا تشيلينه وانسي الكعب العالي

مبروووك الحماال وان شالله الله يتمم عليج .. حبيبتي شلون حامل ماكملتي شهر ودي افهمهاا لان اللي اعرفه ان الشهر ينحسب من اول يووم دوره وهني الوحده تعرف اذا حامل والا لا..
والسوااااقه عادي
الكعب مفروووغ منه ماله داعي مع الحمااال حتى الويدج ممكن يضر .. هذا كلااام قريته بسايتات لان يقووولج ممكن يضر