|
|
السلام عليكم بنات ،،،
أول شي بسأل عن الولادة يصير أولد طبيعي إذا كل شي أوكية وإلا لازم عملية قيصرية؟؟؟؟
وإذا بسوي مجلس طبي عشان مأداوم وانا حامل عن طريق الحقن المجهري والحمدالله حملي إذا الله تمم علي طبيعي لاني حامل بواحد لازم واسطة وإلا يوقعونه عادي لاني خايفه أخذ طبيات ومايقبلون المجلس لان ماعندي واسطة .
قاعدة أداوم وانا على اعصابي خايفه لاافقد الالي بطني من اي مجهود وموعدي آخر أكتوبر
وجزاها الله خير كل من ترد علي
أنا سألت دكتورتي أذا بسوي الحقن لازم قيصري
قالتلي لا موشرط وايد بنات
حمل بأطفال أنابيب ولدوا طبيعي
وبخصوص الأجازه إن شالله البنات يساعدونج
الله يتمم عليج وثبت جنينج يارب
الله يرزقج يا رب
وتفرحين بالبيبي ان شاءالله
الحمل بالانابيب يحق لها المجلس وما يبيله واسطة انا خذيته بكل سهولة والحمدلله
تراجعين اقرب مستشفى عندج انتي تابعة له بعد ما اتييلج ورقة مجلس طبي عن طريق الدوام
وتقولين للطبيب باللجنة انج حامل بهالطريقة وبيشوفج ويشوف تقاريرج اذا عندج خذيهم معاج
وبيوقع لج على الراحة وما راح يمانعون لانه هالحالة معرووووفة صعبة
والولادة يقلبي عادية حسب وضع الجنين مو حسب طريقة الحمال
انا يبت بنتي باول 8 وقعدت بالشيشة 20 يوم كانت نتتتتفة تخرع هههههههههههههههههه
بس كاهي الحمدلله دخلت الروضة هالسنة وميننتنا كلنا فديتها
توكلي على الله
وسويها حبيبتي ولا تحاتين الدوام ترى يحق لج المجلس
والله يفرحج ولا يضيع لج تعب
وبشرينا
مذهله والله يخليلج بنتج وتفرحين فيها ويرزقج انشاالله خوان وخوات لها
بالنسبة للمجلس الطبي بسهوله تاخذينه خصوصا انه بعلاج و بعد فترة
انا اخذت مجلس طبي و الحمدلله حسبوها اجازة براتب كامل