|
|
السلام عليكم
اشلونكم شخباركم
الحمدلله انا ولدت وربي رزقني بولد
والله يسهل على كل الحوامل انشالله بالولاده السهله انشالله ويرزق كل محروم انشالله بالذريه الصالحه
عندي استفسار
بعد الولاده قالتلي الدكتوره اراجعها بعد اسبوع والمفروض اليوم اروح لها
يمكن تبي تشيل لخياط وانا خاايفه
فبعرف شيلت لخياط تعور والا لاااا ؟؟؟؟؟؟
ما جربت الخياط كله قيصريه
هذا اول حمال لي 
راح تحسين بنغزة خفيفة والشغلة ماراح تتعدى ثواني لان الغرز شوية مو وايد
سلامتج ما تشوفين شر ان شاء الله
اي في خياط يطيح بروحه وفي خياط الدكتوره تشيله
وانا اهيا تشيله فخايفه يكون يعور :
ام علي … صج ريحتينيييي لاني حدي خايفه وكل يوم اقول باجر اروح من الخوف لول
توكلي على الله وروحي
وترى الخياط شيلتة اتعور صج بس اذا اخذتي نفس عميق وما زفرتي يعني غمتي نفسج ماراح تحسين ابألم
الله يسلمج انشالله .. والحمدلله كانت سهاله من رب العالمين
وااي ليش تخرعيني : انا استانست يوم قالو مايعور
زين عواره مثل شنو ؟ مثل الفحص قبل الولاده والا اخف منه بوايد ؟
<—– خوافه حدها لوووول
انا من زمان فاقدتج لان اذكرج اخر مره تقولين انا شكلي ابي اولد خلاص
المهم حمدالله عالسلامه …………والخياط الكل يقول مايعور انا كل رفيجاتي يقولون عادي
بس وين ولدتي وشلون عطينا التفاصيل خل نستفيد.انا على وش ولاده
يامعوده تحملتي الفحص الداخلي اللي اقشر من الولاده بتحملين نغزات خفيفه ان شاءالله هذا بعد اذا حسيتي فيها
عاد علمينا شنو صار وياج حسيتي بالخياط او لا
وانا على اللي سمعته ان ترش لج بخاخ بعد عالمكان يخدر!!
الحمدلله زين طمنتوني يعني ماكو عوار
اي والله صاجه استحملت الفحص ما استحمل هذا
مو المشكله انا من النوع الي احاتي يعني حتى لو مايعور بقعد افكر فيه
وللاسف اليوم دفيت على العياده عشان اخذ موعد قبل لا اروح والا مصكرين لانه الدكتوره باجازه لمدت 10 تيام :
حدي توهقت مادري شسوي
هلا زينانه– اي يوم اخر مره اقول شكلي بولد رحت المستشفى والصبح ولدت والحمدلله كلها سهالات من رب العالمين
ولدت بمستشفى الهادي وكان كمامهم كلمت عجيييييييب اشويه عليه صج رحمه هل كمام