|
قوه حوااااامل
اشلونكم شخباركم عساكم بخيير
بغيت استفسر عن شغله حق لستقبال
الاستكانات والفناييل واقلاصات العصير من وين تشترونهم ؟؟
بغيت شي ناااااعم وحلو بنفس الوقت ومايكون غالي
انا بعد افكر اييب خدمه اهيا تييب معاها هل سوالف لانه الصراحه قاعده اقول حرام اشتريهم بعدين شسوي فيهم ؟؟؟؟
فانتو شرايكم ؟؟
اذا تقولون اشتري احسن قولولي من ويييين ؟
واذا الخدمه احسن هم عطوني ارقام اماكن حق هل سوالف ويكون شغلهم حلوو ؟
بس شايفه عند الشلاحي اللي بالاوقاف سكانات وفناجيل وقلاصات ملونه اللون اللي تبينه حلوه وتصلح للاستقبال
معقوله محد يعرف !!!
زين اختي ماتعرفين رقم محل برستيج اللي بالمثنى عشان ادق عليهم ؟
وااااي بسبوسه ابي اكلج شهيتيني ابي بسبوسه بس شرط مالت مصر :
اي بنات ياريت تقولون لنا اشلون اسعار ابرستيج وجم رقمهم
بس قلت اذا احد زارني في البيت انتي ما تضمنين ان الكل اييج بالاستقبال فينفعون مو حرام
وتلاقين بالشلاحي مثل ما قالوا البنات وياكثر الاستكانات والفناين مع اطقم العصير في الجمعيات ووايد حلوين وناعمين وبعد تختلف الاسعار في 80 واكو ب 60 وحته ب 30 تلاقين
وقلت ينفعوني المواعين مو ضايعين حق البيت إذا ياني ضيوف
واذا تبين تأجرين , رفيجتي قبل اسبوع والده برويال حياة ومسويه استقبالها
ولما رحت شفت التقديم مالها ماخذته من وحده كويتيه بيتها بالنزهه
اتسوي لج شغل الاستقبال كله من العصاير الفرش مع قلاصاتهم والصواني
والجاي والقهوه ومع الجاي بسكوته بحرف البيبي والموالح انوااااع (حسيب اختيارج لان اهيا كل احد فاتحه بيتها للي بيروح يطلب ويذوق) وكبب تقديم صغاار وورق عنب صغار مع ملفوف وحلوووو القهوه جم نوع وشي لذيييذ صراحه
وتقول حتى المبخر وكل شي وخدامتييين فلبينيات سيرفس حق التقديم كل هذا بـ 180
اذا تبين اخذلج رقمها ,لان وايد عجبني شغلها ومفكره اخذ منها حق ولادتي باذن الله