حركة البيبي

خواتي أنا بعد أسبوع أدخل التاسع إنشاءالله بس اليوم أحس ماكو حركة للبيبي من الساعة واحده الظهر لي الساعة سبعة يالله حسيت بحركة خفيفة وعقبها بنص ساعة حركة عادية والحين مافي حركة شوروا علي شسوي أروح الطبيب ولا مايحتاج……..

اختي احسن لج تراجعين دكتورتج تجيكين عالبيبي!! عشان تتأكدين وترتاحين ما تحاتين
والله يحفظج انتي والبيبي وتولدين بالسلامه وتفرحين فيه

حبيبتي جيكي احسن
والله يحفظ البيبي لج

مشكورين خواتي وهاذا اللي بسويه حدي خايفه بروح المستشفى والله يستر.
لاتنسوني من دعائكم..

انشالله ما في الخير يمكن انه نايم

أكيد مايتحرك مثل قبل لأن المكان ضيق عليه…وحركته بتصير محدودة …الله يعينج ويسهل عليج
اكلي تشاكليت وسكريات تلقينه يلعب ويرافس بإذن الله

ماعليه يعني تحرك بس حركه خفيفه مافيه الا العافيه

ماكو لا العافيه
بس علشان ترتاحين روحي تطمني احسن

انا مثلج كلها خمس ايام وادخل التاسع وصارله يومين وحركته حيل خفيفه وقعدت احاتي
وحطيت لي موعد عند دكتوري عاد لما حطيت الموعد حسيت فيه يتحرك عدل

عادى انا من ادش التاسع ماكو حركةل لأن الياهل يكون محشور فتكون حركته صعبة

عااااااااااااااااااااااااادي عاااااااااااااااااااااااادي
انا ترى ما افكر بالحركه وانا بجر ..
بس صج من اول ما دشيت التاسع والحركه خفيفه
بس اكلي شي فيه سويت .. كاكاو عصير او تمر وصج يبدى يتحرك

وما تشوفين شر .. وبعدين ترى الحركه خفيفه تصير مو رفس انا احس جنها اول الأيام رفرفه

طبعا تقل الحركه بالتاسع لانه البيبي كبير والمكان ضيج عليه
بس الدكتوره علمتني طريقه شربي قلاص عصير وانسدحي نص سدحه ييعني ضطرج وراه مخاد
وحسبي نص ساعه وانتي لاتتحركييييين راح تلقين يتحرك وحسبيه 10 حركات طول اليوم

ان شاء الله خير اذا تحاتين انا اقول روحي الطبيب زيادة اطمئنان