|
|
السلام عليكم
شلونكم بنات انا من حملت وواااااااااااااااااايد افكر اخاف من الاجهاض لان كان عندي حالة اجهاض من قبل
ونفسيتي وايد تعبانه تمر على ظروف ماثره على نفسيتي
يعني باختصار اكتئاب + ضيقة خلق + حزن + تفكير
ومو قادره اوقف من هالشي غصبن عني صرت اتاثر من كل كلمة وعلى طول ازعل
وانا الحين بالاسبوع السابع اخاف يصير شي بالجنين 
نا اخذ حبوب تثبيت صارلي اسبوع تقريبا
والحمدلله اقرا على نفسي وعلى بطني بس التفكير ماقدر اهده
حتى لو انشغلت طول اليوم تلاقيني اخر الليل افكر عموما اهو من طبغي التفكير الزايد
بس اهم التفكير ماياثر على الحمل او على الجنين
مشكوره على ردج
ترى التفكير مايرد اللي الله كاتبه
انا نفسج احاتي حيل ومن كثر البلاوي اللي قريتها بالمنتديات اذيت حتى زوجي معاي المسكين متنرفز مومستانس بالحمال…
وهذا اكبر غلــــــــــــــــــط
انا اليوم نزل علي دم.. وتوني بالاسبوع السادس والدكتوره قالتلي لاتفكرين واجد وتحاتين موزين لج…
وربج اللي عطاج ادرى بخيرة امرج…
وراح ابدى اخذ المثبت اليوم ان شالله…
واللي ربي كاتبيه راح يصير
انتي بس ريحي نفسج واكلي زين وبس… 
وان شاء الله مافيييييييج الا العافيه وعسى ربي يثبته يارب ويفرح قلبج بشوفته
انا انصحج تقرين قران لو كل يوم 5 صفحات
وترقين بطنج وتقرين على البيبي انا دايما اقرى
الحمد 7 مرات
قول هو الله احد والمعوذات 3 مرات
بسم الله الذي لايضر مع اسمه شي في الارض ولا في السموات وهو السميع العليم 7مرات
اعوذ بكلمات الله التامه من كل شيطان وهامه وكل عين لامه 3 مرات
اللهم رب الناس اذهب الباس اشفي انت الشافي لاشفائه الا شفاؤك شفاء الا يقادر لسقما 3 مرات
اللهم اني استودعك جنيني الذي في رحمي يامن لاتضيع ودائعه الله ثبته وجعله سليما معافى لازياده في خلقه
ولا نقصان 3 مرات وادعي وانفخ واصلي على النبي
سجليهم بورقه ومع الوقت بتحفظينهم مثلي والله يطمن قلبج يارب
والله يكتب لج الخير عزيزتي ويتمم حملج …
انا كانت عندي حالة اجهاض من قبل وحملت الحين بس الحمدالله حطيت بالي على نفسي وايد
وشي طبيعي ان النفسية والتفكير السلبي ياثر على الياهل
انشالله ماكو الا الخير والعافية تعوذي من ابليس وفي ادعية حق تثبيت البيبي موجودة بالمنتدى واذا ماحصلتيها
قولي لي ادزها لج