د.أحمد الشاذلي والقيصرية

يعطيكم العافية بنات
بس حبيت استفسر اذا في احد جرب القيصرية مع دكتور احمد الشاذلي من مستشفي السلام..قريت البنات وايد يمدحونه بس شلونه بالقيصريه هذي ولادتي الثاني وهم قيصريه..افيدوني افداكم الله
وشلون الرعاية بعد الولاده في بنات ذموا الممرضات..شرايكم

الطيب والعوود .. سويها عنده وانتي مغمضة ..
هالدكتور شاطر بس انا مسميته الدكتور الصامت ههههه ما يعطي تفاصيل يعني يسويلج كلشي بالضبط واهو ساكت يعني عاادي تكلمينه ويحقرج
بس شوفي انا جم حاالة عندي من اهلي ورفيجاتي ولدوا عنده وقيصرية بعد والحمدلله كل شي اووكي .. وترى حالات صعبة يعني مو حالات عادية .. باختصاار ولدي عنده والله يقومج بالسلامة حبيبتي . ترى نوعه يدلع وااايد واايد يعني كلامه يطيب الخاطر .. يخليج تنسين التعب والله .. خوش دكتور

الطيب .. يعني شلون الرعاية بعد الولادة .. السسترات يعني ؟؟؟
كل شي كان اوكي انا خواتي ولدوا عنده وكل شي كان بيرفكت .. عنايتهم بالمريضة تعجبني .. انشالله اذا حملت بدون كلام بروحله .. لاتترددين ترى اهو احسن دكتور والمستشفى روعة اهتمام ورعاية الله يوفقج حبيبتي

بعد قلبي ماقصرتي علي هل الرد
انا حالتي صعبه والدكتور اللي كنت والده عنده مسافر ومتخوفه من دكاتره الموجودين
الله يطمن قلبج مثل ماطمنتيني

حبيبتي والله ماسوينا شي .. بس تطمني لا تخافين ولا تحاتين
منو كان دكتورج ؟؟

انا رفيجتي كله عنده
وتمدحه وايد
والله يقومج بالسلاامة حياتي

كان ودي افيدج بس ما عندي فكره , الله يقومج بالسلامة .

انا ولدت عنده طبيعي رووووووعه وشاطر وخياطه ممتااااااااز بس القيصيريه مادري عنه بس اكيد زين لانه شاطر وخبره

والله انا سمعت انه دكتور خبره وممتاز والله يسهل عليج اموفقه انشالله

اهو دكتور زين ومبتسم ولاكن انا ماجربته بالولادة والله

الله يسهل عليج وعلينا ..

مشكورين علي الرد
دكتوري الاساسي كان د.عبدالعزيز الصرعاوي تبارك الرحمن عليه وعسي ربي يمسي ويصبحه بالف خير ماقصر معاي وعمليته كانت روعه علي رغم صعوبة حالتي
واللحين بتوكل وبجرب الشاذلي بس قلت استفسر
والله المستعان

سويت العملية و رديت سويتها مرة ثانية بعد اسبوع من الولادة نتيجة خطا فيها

للعلم فقط