بنات تصبغون شعركم بالحمال ؟؟؟

عفية بنات بسالكم عادي اصبغ شعري و انا حامل 0000 خايفة و احاتي و عندي حفلة و شعري شكله ارف

لان الصبغة وااايد نازلة

شسوي انا بالشهر السادس عادي ولا لا؟

عااادي حبيبتي انا اصبغة

اللي اعرفه ان موزين على البيبي وسألي دكتورج او دكتورتج عن الصبغ في بعضهم يرضون وفي لا
على حسب صحتج انتي والبيبي
ادعولي ربي يرزقني بالذريه الصالحه اللهم آمين

انا صبغت بس بداية الاشهر
بس اقولج لاتخاطرين
لانج بالسادس وعموما اكثر الصالونات مايرضون يصبغون حق وحده حامل بالسادس

انا سمعت انه مو زين

وعادي محد بيشوف الحامل ولا بيلاحظون لا شعرها ولا شكلها

انا انصح انج تصبغين صبغة بالاعشاب يعني خاليه من الامونيا …لان الامونيا تضر الحامل..ويقولون صبغات الجوثن خاليه من الامونيا…او اشتري من الصيدليه صبغه

لا حبيبتي انا مثلج بالسادس وكانت عندي حفله ونازله صبغتي وسألت دكتوري قالي
لأ مو زين لانه يأثر عالجنين يأثر على الكبد….

وفي وحده اعرفها دكتورتها محذرتها من الصبغ

لاتجاازفين على شي مو ضروري

حبيبتي سألت لج د . عاليه الفضلي وقالت لي موزين يأثر على كبد البيبي والرئه لانه فيه ما دة الامونيا واهيا موجوده في كل انواع الصبغ لا يقولون لج اعشاب والا ما فيها مواد كيميائيه ترى خرابيط وكذب
انا بلغتج حبيبتي وانتي كيفج

مشكورين بنات ما قصرتوا بالردود 000 والله انا مو متحمسة اصبغ من كثر ما احاتي ما راح اصبغ و بنرقع شنسوي هههه

انا صبغت وانا بالرابع .. واللي اعرفه مو زين الوحده تصبغ بالاشهر الاولى وربج الحافظ

يعني ما تنصحون بالصبغ ؟؟؟؟؟؟؟؟؟؟؟؟؟

الصراحه انا صبغته في بدايه حمالي بس صبغ مال الجمعيه
والحمدالله ما صار فيني شي ومعني كنت حامل بتوام

بس هم وقايه خير من العلاج سالي احسن لج

حسب اللي قريته بأكثر من موقع بريطاني و امريكي

عادي الصبغ

اللي مو عادي ريحة الصبغ بأول 3 شهور حمل تزعج البيبي

لكن بعدها عاااادي انشالله ماكو الا العافية

انا صراحه ما صبغت وانا حامل ,,قالولي مو زين