سمعت سالفتين عن د.ناهده العلي ما يسروون او حدي خايفه بدخل التاسع شسوي :(

مرحبا خواتي

انا حدي حدي حدي خايفه ،، اليوم دقت علي بنت خالتي خرعتني قالتلي ليما الحين تراجعين عند ناهده قتلها اي ،، قالتلي شلونها قتلها وايد زينه …ولا تصدمني ان حماتها تراجع عندها او بنص الثامن اكتشفت ان فيها ماي زايد في البطن او قالتلها لا تتحركين وايد لان احتمال اتصير ولاده مبكره… او انطرت ليما دجخلت التاسع قالتلها متى تولديني قالت لها مو الحين مافيج ولاده او راجعيني بعد 3 اسابيع!!!! انا انصدمت لان انا بالثامن او مراجعتي عندها كل اسبوعين او قالتلي بالتاسع كل اسبوع مع ان حمالي الحمدالله طبيعي مافي اي مشاكل … المهم عدت اسبوع ولا تحس حرقه في بطنها راحت ولا الجنيني ميت في بطنها او بطنه مفتوح من ضغط الماي او ولدتها بعدها انا خايفه احس ان الغلطه مو بس غلطه الدكتوره لان حماتها 3 بيبي لها او معروف ان الماي موزين ما تقدر تتحجى تقولها ولديني ! او بعدين الدكتوره قالتلي من نص الثامن ابدي اعد خلال 12 ساعه اذا حركه البيبي اقل من 10 لازم اسوي سونار اهيا يومين ما تحس فيه او ساكته!! او اكتشفوا وقت الولاده ان سكرها وايد عالي او الدكتوره صج ما تطلب تحاليل هذا الي انا خفت منه ان صج ماتطلب مني تحاليل

سالفت حماتها قبل شهر تقريبا بس ماقالتلي لانها خافت اني اخاف بس لما غلطت الدكتوره مع وحده ثانيه توها دقت او قالتلي
ان في وحده ثانيه بعد يعرفونها صارلها سنتين تعالج علشان تحمل او لما احملت ادخلت العاشر او الدكتوره ماولدتها اتقولها صبري صبري ليما مات البيبي

انا مؤمنه ان هذا قدرها او قدر الجنيني بس ما ادري بنفس الوقت خايفه وايد او خصوصا ان انا البيبي اتييله فترات مايتحرك وايد حركته تقل وايد او يدوب احس فيها مع اني بالثامن او اذا رحت لها اتقول كل شي الحمدالله طبيعي او ممتاز بشس خاااااااااااااااااايفه لان صج ما تطلب تحاليل او الحين بروح اسويلي تحاليل شامله
او شي ثاني ان الي تقوله لي الدكتوره غير عن الي حماتها تقوله تعتقدون ان من حزنها او قهرها من الدكتوره ممكن تزيد ولا صج الدكتوره غلطت معاها

انا او اختي الحين حدنا خايفين انا بدخل التاسع او هذا بجري انشاءالله او اختي بتدخل الثامن او ثنتينا عندها

او يقولون ما اتيي لما الوحده تفتح 7 سم وايد تتأخر صج

بليز بليز امانه ردوا علي او قولولي طريقتها بالتفصيل اماااااااااااااااااانه عليكم ريحوني من الخوف احس البيبي ما يتحرك قمت اوسوس
او لن يصيبنا الا ما كتبه الله لنا

السلااام عليكم
لا تخافين وترى لو بتشوفين كل دكتور عنده خطأ
وماكو احد معصوووم
والسههالات من الله
مدام كل شي طبيعي ليش خايفة؟؟
الحمدالله وان شاء الله ماكو الا الخير

مشكوره على ردج اختي
بس خايفه لان انا البيبي عندي اتييله ايام حركته اتصير وايد وايد بطيئه او خفيفه حيل بعض المرات لازم اركز علشان احس فيها
اخاف فيه شي او اهيا تقول لا
لان كل ما اقولها اتقول لا كل شي زين

السلام عليكم

منو قالج ما تطلب تحاليل ؟؟ انا سوتلي تحاليل عشان تعرف حالتي ونسبة دمي

بالعكس الدكتوره شاطره والكل يشهد لها

والله يسهل عليج

انا الحين بدخل التاسع ما طلبت مني تحاليل او بنص السادس انا سويت تحاليل من نفسي او وديتهم لها

او ادري انها شاطره بس خفت منها

ليش تطلب تحاليل بالتاسع ؟

انا سوتلي مرتين المره الاولى بالثالث والمره الثانيه على ماعتقد بالسادس وقالت اذا احتجتي راح اطلب بعد مره

عاد مادري مراجعتي الاسبوع الياي وبعد جم يوم بدخل التاسع مادري بتطلب ولا لا

بس مو معقوله تتأخر ؟؟ لانه لا صار عندها ولاده ما تنطر تأجل المواعيد الي عندها وتروح …

والسهاله من الله

صراحه الدكتورة لها سمعتها الطيبه بين الناس .. والكل يشهد لها وطبعا اهي مو معصومه من الخطأ بس نقول ان كل شي بايد الله مو بايدها .. وبعدين حبيبتي هذي سمعتها كطبيبه حرام تتكلمون عنها لمجرد احاسيس أو حاله مرت عليكم وممكن تكون اهي ما لها ذنب باللي صار

ترا انا ما اعرفها شخصياً ولا عالجت عندها بس اسمع اللي حوالي يتكلمون عنها بالخير .. لا تزعلين مني توكلي على الله واذا مو عاجبتج أو خايفه الحل بسيييييط غيريها بدون تشهير بسمعتها

حبيبتي اول استخيري لانها توافيج من رب العالمين واي دكتور مو معصوم من الخطأ

ثانيا اهي ليش بالتاسع تبيج كل اسبوع؟؟ لان خلاص مهم تشوف اذا تولدج والا لا خلاص قربت الولادة اما الشهور الي قبل كل شهر اذا كانت متطمنة عالبيبي لان تو الناس

لا نظن ان الدكتور بيدة كل شي واذا صار لنا ابتلاء من رب العالمين قطيناها على راس الدكتور

والله يبعد عنا الهم والامراض ويرزقنا اطفال سليمين هذا اهم شي وتوكلي على رب العالمين

أنا كان ولدي ما يتحرك في بطني عادي ترى والحمدالله ولدت وصحته زينه بس طلع هادي نفس الى في بطني , وانا دكتوري كان وايد متابعني حزت الطلق من كانت اطلق كنت بس 1.5 لما ولدت والحمدالله

منو شهر بسمعتها؟؟؟؟
انا اكثر وحده تمدحها بس هم اذا الواحد سمع عن شخص شي لازم يتاكد صح او انا ما غلطت عليها بالعكس ابيها او مرتاحه لها او بنفس الوقت خايفه

مشكوره طمنتيني بس انا عادي تمر مثلا من 5 العصر لي 2 بليل يعني ليما انام ما احس فيه
امي تقولي عادي اغلب الاولاد جذي بس خفت او ما انلام انا بجريه او خايفه

او الله يحفظلج ولدج انشاءالله

حبيبتي كلامج واضح ومفهوم
بس توكلي على اللي عينه ماتنام
وصدقيني باذن الله مايصير الا الخير
عسى الله يسهل عليج ويقر عينج بمولودج

مشكوره اختي او ما تقصرين او الله يسهل علينا كلنا انشاءالله او مشكوره او الله يفرحج بمولودج انشاءالله

انااختى تراجع عند ناهده العلى وماشالله من تشوف بعينها بس نظره تخوف تهديها وتكلمها وحيييل مراعيتها

وبالنسبه للتحاليل اختى الحين بالخامس وطالبه منها 4 تحاليل

ومعروف ان من الشهر الثامن لازم تحللين للسكر والزلال كل اسبوعين……….وسبحان الله جل من لا يسهوو

والله ما اعرف عنها شي
بس يارب يسهل عليج وتولدين بالعافيه يارب وانشاءالله ماتشوفين الى الخير