بنات عفيه فيدوني بالموضوع

السلام عليكم

بنات أنا في شغله محيرتني منو أحسن المشد الأندنوسي ولا مشد أنور وكل وحده امجربة تفيدني بتجربتها؟[COLOR="RoyalBlue"]

[/COLOR]

حبيبتي بيصير لي 3 شهور من ولدت واللبس المشد الاندونيسي ما حس انه له فايده اذا لفيتيه عدل عليج ماتقدرين تتحركين جنج مجبسه ويتحرك مو ثابت يصعد فوق وينزل من تحت الصدر ويصير بالنص ويطلع لج كرش من تحت ومن فوق ويخليج تشبعين بسرعه راص على الجبد بس ما اقول لج ماشال شي اكيد البطن بيتغير بعد مرور 6 شهور من الولاده وانا قاعده اجرب خل التفاح الصراحه نفع معاي…..

والله انا ماستخدم المشد رياضه وبس لان صراحه ضغط وعوار منه هذا رايي والسموحه ما افدتج بشى

نصيحه ترا المشدات مو زينه سوي رياضه مشي و تمارين شد البطن و المعده لان المشدات تضغط على المبايض و الرحم
انا لبسته يومين و قطيته بس سويت رياضه و تمارين و اذا تحملتي بتروح الكرشه لانها عضله تحتاج لتمرين
و حمد لله على سلامتج

يا ريت اللي جربت المشد صح واستفادت منه تقول عن تجربتها واللي ما عرفت تلبسه او ما لبسته غير يومين ترى شهادتش حيييييييييييييييييييل غير أمينة …

المشد يخليش على طول شبعانة هذا شي زين علشان تضعفين ولا تبين تضعفين بس من لفة المشد ؟ وتاكلين وتلفين الصحن كله وما تبين الكرشة تروح ؟
عجبي …
والمعذرة …

مشكورين ياحبايب على الرد

انا خالتي قالت لي ما يفيدج الا الكشكول والغتره احس ان هالشي يضحك بس والله بناتها ماشاءالله بطنهم يرد جنهم ما حملوا .