ابي دكتورة شاطرة حق الالتهابات

شلونكم بنات
ابي احسن دكتورة تعالج الالتهابات و الاحسن ابي مستشفى خاص مو عيادة
انا صارلي تقريبا شهرين او اكثر شوي، فيني افرازات لونها اصفر ما دري هذا التهابات؟؟ استخدمت مرة تحاميل البيتادين ما احس انها سوت شي بس انها ذابت ؟!! يمكن لاني مو مدخلتها عدل؟؟ عفية بنات لاني زهقت منها ؟؟؟

اكو تحاميل عجيبه عجيباااااااااا حق الالتهابات لون علبتها ابيض فيها خط عريض ازرق فاتح بس ماذكر اسمهم اخذي علبتين يعني 6 تحاميل مع دش مهبلي داخلي لمدة 6 ايام غسلي بالدش المهبلي مرتين بليوم الصبح وبالليل و بالليل عقب ماتغسلين بالدش المهبلي حطي التحميله وانتي منسدحه بفراشج ولا تتحركين وانشالله راح اتروح الالتهابات بس التزمي بطريقة التحاميل مثل ماقلتلج انا كانت التهاباتي شديده مانفع معاي شي الا هالطريقه

حبيبتي لازم تروحين الدكتورة لا تحورفين بعمرج آنا اعرف دكتورة إسمها اعتقد إيفا بمستشفى الراشد خوش وحدة وبعد وحدة إسمها يوليانا وماتشوفين شر
مع التحية………

لاااازم تروحين لدكتورة

لانها بتسويلج تحاليل و راح تعطيج علاج على اللي يناسبج

دكتورات دار الشفا تمام

وما تشوفين شر ان شاء الله

انا صار فيني التهابات و كنت بموووووووووووووووت من الافرازات و الحكة بس لازم تروحين الطبيب لان لازم تاخذ عينة من الافرازات و تحللها تشوف شنو نوعها و تعطيج علاج عطتني حبوب حقي و حق ريلي لان في البداية كانت الافرازات لونها اصفر و انا حامل و بعدين صارت اخضر و انا على بو مستحية ارووح اخر شيء عطتي كورس تحاميل هذول البيض فيهم خط ازرق بس ما عطتني دش مهبلي بس تحاميل و حبوب مضاد و حبوب حقي و حق ريلي و دهان معاه عوود طويل تناميين و تحطين الدهان داخل كلش و الحمداله طبت روحي طبيب احسن و ما تشوفين شر

مشكورين بنات كلكم
برونزي قيرل ايفا انا مجربتها بس حق السونار والثانية اللي قلتي عنها هذي بعد بالراشد؟ جنسيتها هندية؟؟
choclatecho
الي عالجتي عندها منو؟؟

الألتهابات كل من يعالجها حتى دكاترة المستوصف

من كثر ما كنت اعاني من الالتهابات صار عندي خبرة
البيتادين مجرد مطهر ما يقضي على مسبب المرض
لان الالتهابات اما ان تكون بسبب فطريات وهذي افرازاتها يكون لونها ابيض سميك
او تكون بسبب بكتيريا وبهالحالة تكون الافرازات لونها اصفر
وحتى البكتيريا تكون انواع علشان جذي لازم الدكتورة تاخذ عينة حتى تعطيك المضاد المناسب لها
انا اتعالج منها وترجعلي واخيرا عرفت السبب
الا وهو المناعة يعني لازم تهتمين بتغذيتك خاصة قبل الدورة بيوم او يومين لان بهالفترة تنشط البكتيريا الضارة داخل المهبل اذا ما كانت مناعتك قوية
انا اخذ حبة سوداء بالفترة ليما تنتهي الدورة والحمد لله مرتاحة
واهتمي بجفاف المنطقة ولبسي ملابس قطنية

والدش المهبلي ما ينصحون فيه لانه يقضي على كل البكتيريا سواء مفيدة او ضارة
أما المستوصف والله كانوا يعطوني تحاميل يابسة مثل البلاستيك تنزل مثل ما هي ما تذوب
التحاميل والكريم اللي كتبهم لي الطبيب الخاص احسن وفترة العلاج اسبوع بس وترجعين تفحصين علشان تتأكدين ان الالتهابات انتهت

وما عليك الا العافية