|
|
السلام عليكم ورحمة الله و بركاته ..
الحمدلله ولدت بعد معاناة على إيد الدكتوره معصومه ,, كانت ولادتي متعسره لأنها الأولى الطبيعيه و فيني سكر و البيبي كبير …
وايد كنت خايفه و يمكن حاشني إنهيار … من الساعه 10 الصبح لي الساعه 3 الفجر …
بصراحه الدكتوره صبرت علي وايد …
ما إستعجلت مثل ما بعض البنات قالو ..
و آنا ما رحت إلا لمن إنكت الماي علي …
بس عندي مشكلتين …
الأولى …
ولدي فيه إرتخاء بعضلات الذراع كامله بس الكف يحركها …
و الثانيه الخياط … وايد يعور بشكل مو طبيعي …
عطوني دهانات و كريمات بس خايفه يترك أثر ..
في قطعة لحم زايده صغيره رحت للدكتوره خالده المجيبل و قالت ما راح تترك أثر ..
بس آنا خايفه حيل …
الموضوع جدا مهم بالنسبه لي …
ساعدوني بنات بخبرتكم مع هالمشكلتين ..
إختكم أم الغزال .
اختي ولدج راجعي فيه احسلك ….
والجرح اذا انتي طالبه تجميل ..هذا الألم طبيعي ..ولا تنسين ان فيج سكر يعني الجرح يطول على ما يلتأم ..ولا تحكمين هذا المكان(سوري) الا بعد ماتكملين 35 يوم …….
انشا الله ما في الا الخير
وماتشوفين شر إن شاء الله..
والله يشافي وليدج ..
.gif "Eh S(17)")
ألف الحمدالله على سلامتج ام الغزاال وتطلعين من الشر انشالله
ولو انج خوفتينى لانى انا بعد على وشك ولادة بس الله يهون عليج انشالله وولدج لاتخلينه وديه الرازى جيكى على عظامه وهم بعد وديه لهالحريم شغل طب شعبى لانهم ساعات افهم من الدكاترة بوايد بس لاتخلين ولدج والخياط انا ماعندى فكرة بصراحة بهالامور يمكن البنات يفيدونج انشالله
ومايشوف شر الصغير
باجر يكبر وتشوفينه معرس ان شاءالله
والله يخليلج ماعطاج
وولدج لا تخلينه مثل ما قالو البنات
بس بسالج الياهل بوقت الولادة تعسر بطلعته؟؟ خاصة ان فيج سكر فوزن الياهل يكون زايد من السكر وهذا اللي يزيد التعسر
جيكي على الكتف ويارب ما فيه شي لانه ساعات يصير في الياهل خلع بالكتف
ان شالله ولدج ما عليه شر ويا رب تفرحين فيه معرس 
وطمنينا يالغالية
الله يسلمكم كلكم يابنات المنتدى الحلو الرائع الأكثر من جميل ..
بالنسبه لولدي فعلا رحت للرازي وقالو علاج طبيعي …
بس يابنات بصراحه سالفة الخياط شي مو طبيعي ….
آنا ما توقعت جذي ….
بس شنو تنصحوني فيه ؟
و مبارك عليكم الشهر الفضيل …