دورتي تاخرت ومابي الحمال !!!!

صباح الخير بنات الكويت ……..

انا من المتابعات للمنتداكم الي الاأحلى من الرائع
بنات مشكلتي دورتي تاخرة علي نزلت بشهر واحد باوله وبالعاده تاخذ خمس ايام بالكثير سته وانا حدي خايفه تاخرة 12 يوم واحس بلوعه بالرغم اني قبل حمالي الاخير حسيت بلوعه وتاخرت ونزلت عادي بس هالمره الوعه باستمرار وانا موقادره اتقبل اني اكون حامل لاني توني مصارلي ثلاث اشهر والده وولدي توه صغير ولا فحصة خايفه اكون حامل ماخليت دواء حق الدوره ماشربته وشربت اناناس يقولون ينزل الدوره مادري بنات ابي حل بعد ربي ينزل العاده

والله اختي ليش مااخذتي احتياطاتك على اساس انك ما تحملين

ولكن اذا كان حمل فاقبلي بامر الله

في بنات كثير يحملون بالاربعين والحمدلله تيسرت امورهم

بصراحه هذا الي اقدر اقوله ماحبيت اقرا موضوعك وما ارد عليكي

فعلا كلامى مثل الاخت زهرة الربيع

المفروض انج ما خذه احتياطج

والحل الوحيد اللى راح يقولونه لج الجميع هو انج اتسوين تحليل

والنتيجه تحكم اذا حامل الحمدلله على كل حال

واذا ما فيه حمل يمديج تاخذين بالج مره ثانيه

اتمنى اكون افدتج

حللي . . .

و اذا حامل هذه نعمة من الله و ما احد يرفضها و قولي الحمدلله رب العالمين ..

و اذا مو حامل راجعي دكتوره امراض نساء وولادة و شرحي الوضح لها و اهي تسوي لج اللازم ..و اذا مو في بالج الحمال لازم تعملين احتياطج على الاقل تكونين ماخذه مانع .

و طمنينا عليج

الله يريح بالج ويكتب لج مافيه الصالح حاسه فيج والله

اختي هرموناتج بعد مساتقرت من بعد الولاده هذا حسب معرفتي
يمكن مو حامل
ويمكن حامل
فعلشان تقطعين الشك باليقين روحي الصيدليه واخذي تحليل منزلي وسويه وتوكلي علي الله
وريحي عمرج بس تقعدين 12 يووووووووم علي اعصابج
!!!
واذا حامل ترا هذي نعمه من الله وقولي يالله تمام الخلق ولخلقه في ناس تتمنا ريحه الياهل وتعالج بالعشر وال عشرين سنه واذا ابالج كلام الناس قولي احسن لايصير فرق بينهم وبين بعض ويربون مع بعض والله عطاني نعمه لاتقولين حملت غلط ومادري شلون ترا الناس تتطنز عليج وماتصدقج
وعقبها حطي لولب وريحي
بس حللي وبلغينا النتائج

ماراح ازيد علي كوين

قولي الحمدالله رب العالمين هذي نعمة من رب العالمين
وان ماصار ونزلت الدوره ف الحمدالله

الله يكون معاج

الله يطمن قلبج
بس قولي الحمدلله هذه نعمة

الله يعطيكم العافيه بنات على مروركم وإذا على الاحتياطات حاولت اخذ المانع بس زوجي رافض هالفكره كله يقولي ابي عيال ومادري شنو وربي زهقت من هالسالفه ونا اغسل بعد الجماع على طول وماحمل بس الله يكتب الي فيه الخير يارب …….

الدوره بعد الولاده ماتنتظم بسهوله

لاتحاتين

ولاتاخذين شي ينزلها لان اذا كنتي حامل الله لايقولها راح ياثر على الجنين ويمكن يتشوه

وسوي تحليل بالبيت عشان تتطمنين

الله يعينش ياختي ترى اذا كنت حامل
هذي هديه من عند الرب وعساها خير وعافيه عليش
والله اليهال حلوين بس يتعبون

ماشاءالله عليج يا رهف 12 يوم متأخره عليج وما سويتي اختبار حمل!!!!!!!!!

شناطره سوي أختبار وبالحالتين راح ترتاحين أن شاءالله ولا تقعدين محتاره جذي

بعد الولادة تتخربط الهرمونات ساعات بسبب هرمون الحليب وجوده بعض الاحيان يمنع نزول الدوره ..

ما راح ازيد على كلام البنات … حللي و بترتاحين ان شاء الله واذا حمل تحمدي ربج لان في ناس يتمنون اللي انتي فيه ..
قولي الحمد لله في كل الاحوال

وسلامتج

سويت تحليل وطلعت حامل والحمدلله على كل حال ونفستي تعبانه قلبي يعورني على ولدي توه صغير وعندي اكبر منه بسنتين وقاعده احاتي الي بطني خايفه صايرله شيي من الاعشاب الي شربتهم مادري يضرون ولا لا ولاعشاب اهما شمر و يانسون ودارسين والله يستر

ومشكورات بنات على الردود الحلوه وعلى مروركم الاحلى ………….ز

مبروك حبيبتي
الله يثبته ويحسن في خلقة وخلقه وانشاء الله مايضره شي توكلي على الله بس وادعي وماكو الا العافية الاعشاب ماظنتي تاثر
وماتدرين يمكن هالياهل اهو اللي باجر يطلع فيه الخير ويشيلج
الله يبارك لج فيهم كلهم وتحمدي العافية