|
|
مرحبا بنات
في وايد منا يحلمون بالحمل بالتوأم ….لاسباب وايد منها توفير الوقت و التعب و الجهد يعني اتفكر الوحدة انة اسهل عليها انها اتحمل مرة وحدة بطفلين بدل طفلين كل واحد ابفترة و معاناة ثانية وألم و تعب …
المهم لتحقيق هذا الحلم الطب تطور جدا ففي نظم غذائية ممكن تتبعها الحامل تساعد في انجاب التوأم وفي علاجات تعطي للحامل لانجاب التوأم و الخ ……
ولكن السؤال ؟؟؟ 
هل اخترع الطب علاج او حل لمشاكل التوام؟؟؟؟؟؟
مثل الوحدة تحمل بالتوأم و فرحانة و غافلة عن موضوع مهم وهو انة للتوأم مشاكل كبيرة و معاناة مثل انهم ممكن ان يكونوا (اسملاعلينا و عليكم ) متلاصقين ؟؟ او بحالة صحية سيئة ؟؟ و غيرها من مشاكل متعلقة بانجاب التوأم ؟؟؟
ارجوا المشاركة و تبادل الاراء و الخبرات بهذا الموضوع لافادة الكل …. و اللي ممكن انها تزودنا بمقالات طبية او تقارير طبية مفيدة بهذا المجال ارجوا انها ما تبخل علينا علشان الكل يستفيد 
ممكن ايضا ذكر افضل دكتورة او دكتور عندنا بالكويت ناجحين في هذا الموضوع و معالجتة وافادتنا اذا كانوا قد تعالجوا او راجعوا عندهم
شكرااااااا
هلا حبيبتي
بالنسبة لموضوع التوأم
وايد بنات تكلموا بالمنتدى علي هالمووضووع
ونصيحة اخت يا قلبي
لاتتسرعين بهالموضوع
أنا رفيجتي أختي حامل بأربعة توأم ماشاء الله
عند الدكتوره فوزية القطان
وألحين ما فيه أتحرك
وتعبانه وحالته حاله
ليش
للأنه كله ولاداته بقيصرية فقالت أختصر الطريج واحمل بتوأمين أثنين
وطبعا مع ألبر والمنشطات صاروا اربعة
ونامت بالمستشفي أربع اسابيع
وسوله فتحه بالبطن كل يوم يسحبون منه ماء
للأنه من الثقل والقعده تجمع الماء بالرئه
وتعبت وايد
وأختي رفيجتي كانت حامل باربع توأم
توفي واحد وبقي ثلاث بنات صار عمرهم من جم يوم سنة
بس شافت الويل طول ما أهي حامل
وبعد عند الدكتوره فوزية القطان
وحماة بنت خالي حملت بتوأم بنات عند دكتور منصور الصليلي
أتمني أني أفيدج
وأنا كنت حامل بتوأم
بس ربي ما رزقني أشوفهم
يعني الحمل بالتوائم الي يكون بالابر يكون بتلقيح اكثر من بويضه يعني مستحيل يلتصقون
لاتخافين واذا خاطرج بتوأم توكلي على الله فالله خير حافطا
وانا خاطري بتوأائم لكن اختي جارة القمر خرعيتيني .. لكن كل شي يهون لاني اعاني من الحمل وكل ما احمل اجهض فا اتمنى اييب توائم وارتاح من الحمل
والولاده الى الابد
ادعولي احمل بتوائم
بالنسبة للتوأم هم حلوين شينين .. بس أنا أخاف أخذ منشطات أو أبر ويصيرون متلاصقين أو معوقين…
أعرف وحدة كانت حامل بخمسة توائم كلهم ماتوا ماعدا واحد….وأعرف وحدة ماكانت تحمل وخذت منشطات وحملت بثلاث توائم صبيان والحين أسم الله عليهم شحلاتهم مافيهم إلا العافية الله يخليلهم لأمهم..ويحفظهم لها..
ويرزق كل محتاج…
أنا وأختي توأم
وتقول أمي التربية والحمل مو سهل
وصج كلامي
وربي شاهد
حتي أنا خاطري بتوأم
بس الواحد يقول الحمد الله علي النعمة
ولو ربي رزقني بطفل واحد راح أكون راضية
والحمد الله علي كل حال
sHa6o0ra
الله يرزقج ويرزق جميع المسلييين بالذرية الصالحة يارب
جكوووووووووووره
بعد عمري تسلمييين
حملهم عذاب وتربيتهم تعب
بس ابن ادم طمااااااااع
والله يرزقني ويرزق كل محرووم انشالله
التوأم حلوين بسسسسسسسسسسسسسسسسسسسسس
حمالهم تعب
وتربيتهم لويه
واحد وماشاءالله سهر وحنه وصيحه
عسى الله يخليهم
حتى الدكاتره يحذرون من حمل التوائم
مره شفت مقابله حق الدكتورة عاليه الفضلي تقول صارو التوأم مـــوضه
تقول مايدرون ان خطر على صحتهم
بس ابن ادم طماع
أي والله ابن آدم
طماع
وأنا عني شخصيا
ربي لو رزقني بطفل واحد
راح أبوس أيدي ويه قفي
وأقول الحمدالله علي النعمة
وصج نسيت اقولج
رفيجتي أختي
وقعته الدكتورة علي ورقة
لم عطته أبر تنشيط البويضة
اذا صار حالة حمل بأكثر من توأم
ويا جارة القمر شكلي بهون بعد كلامج صج خفت 
حبيبتي
أنا ما أخف
بس فكري بالمسئووليه
عدل
أخواتي حبيت أشاركم في هالموضوع وان شاءالله تقبلوني اخت لكم
أنا الحمدلله الله رزقني بتوأم بس بالوراثة
بس فعلا تعبت في حملهم في الشهر الثالث صارلي نزيف قوى اللى عطوني كيسين دم
ومثبتات والحمدلله استمر الحمل بس من الشهر الخامس حسيت بالثقل اذا نمت لازم أحد يرفعنى ويساعدني علشان أقوم…وفعلا تعبت وكان حجم بطني كبير وماأقدر أمشى ..وولدت ولادة مبكره في بدايةالشهر الثامن ودخلوا الحاضنة …بس المشكلة مو في الحمل المشكلة الحين برعايتهم في الاهتمام فيهم .. والمشكلة انهم يتناوبون بالنوم ..واذا مرضوا مع بعض …فعلا تربيتهم موسهله مو سهله مو سهله.. …. … يارب انه يحميهم ويحفظهم
آسفه طولت عليكم
لا عادي يا قلبي
وأنا قلت من قبل أنا وأختي توأم بالوراثة
وأمي تقول حملكم صعب
وتربيتكم أصعب
والله يخليهم لج يارب
والله يعطيه على قد نيته
والله يرزق كل محروم وطالب انشالله ولا يحرم احد من هالنعمه
قولو
ااااااااااااااااااااااااااااااااااااااااااامين