مجرد فضفضه عن الزواج والزوج ،،،،،،،

صباح الخير

بنات يمكن بتستغربون من كلامي بس هذا الصج مرات أفكر أني أتزوج بس ما حصل النصيب ومحد طق الباب شي يحز الخاطر مع انه شاغله نفسي بشغلات ثانيه منها بدراستي وطلعاتي مع أهلي ورفيقا تي بس من اقعد بروحي ساعات يطري علي ها لموضوع أقول يمكن لانه مسويه تكميم وضعفت

حتى شكيت بنفسي رحت عالجت بشرتي وركبت تقويم وشلته ومره قلت لرفيجتي ردت علي انتي دلوعه وملامحج اصغر من عمرج وطفوليا وهالشي يمكن محد يحطج في باله كزوجه ومرات أفكر يمكن مواصفاتي تعجب زوجي وانا ادري انه الزواج مو كل شي بس شلون أتخلص من ها لتفكير ساعدوني بنات

جم عمرج ؟؟
وترى الزواج حظ مايعتمد على جمال ولا شخصية
شوفي حواليج من زينهم ولا من حلاتهم ولا من سنعهم ماكو شي بس حظ
والزواج في هالزمن مخاطرة لازم تضمنين الطرف الثاني ولا بتتزوجين يوم يومين وتتطلقين
ماعاد فيه رجال سنع يتحملون المسئولية
ونصيبج بيصيبج لاتخافين مايا نصيبج للحين

عمري 25 وبعد شهرين داشه ال 26

ادري انه نصيب بس مرات أقول ليش محد طق بابنا ومرات أقول خيره مادري شنوا ورأ هالزواج

جوفي بقولج حبيبتي أحمدي ربج انتي قاعده عند اهلج مرتحه ورزينج وم دلعينج يعني انتي الحين عيشي كل لحظه وانتي في بيت اهلج وانتي توج صغيره مو حيل كبيره صح الزوج حلو بيت واستقرار بس شنو بعد مشاكل ماتضمنين زوجج يكون تمام ولا غير تنظيف طبخ غسيل يعني كرف 24ساعه عشان جي اقولج لا تستعجلين أن شاءالله نصيبج راح يجي الله يرزق الزوج الصالح

الحمد الله لك يارب الأهل نعمه بحد ذاتها
والزواج حلو كونه استقرار بس ودي اعيشه واقع واللي يخليني متردد الزوج مرات مايكون مضبوط

وبذات خصوصا أني أحب الأطفال حيل

شاكرتلج على مرورج

عشان تشيلين الفكره من راسش وخاصه ان الزواج مب بايد احد من البشر
تدرين ايش الحل
اااااااكرهييييهم
لا كرهتيهم بتشيلين فكره الزواج من راسش
يعني كذا حيله صغيره عشان تمشين الحياه لين ما يجي النصيب >> تحشيش =))

بعدج صغيرة حبيبتي
ومثل ماقالوا الخوات هذا نصيبج ماتدرين متى
ماعليش فكري بالزواج بس مو لدرجة انه يشغلج عن حياتج
او انه يصير لج وسواس
وبصراحة مهما كان الزواج ناجح وسعيد يظل مسؤلية فكل شي له وقتي استانسي وعيش مدللة ببيت أهلج
وبصراحة انة اشوف بشكل عام البنات اللي يتاخرون شوي بالزواج نوعا ما يكونون أنضج وزيجاتهم تصير أنجح
ربي يوفقكج ويرزقج بالزوج الصالح اللي يحبج ويموت عليج

كلامها صح مليووون بالمية

شي طبيعيي كل البنات اللي اعرفهم يفكرون جذي فجاه يخطبج زوجج وتتزوجين مثل الموت يي فجاه محد يدري متا ومافي مفر

يارب ياحنان يامنان ترزقها وبنات المسلمين بالزوج الصالح المقيم للصلوات البار بوالديه واجعل حياتهم هنيئة سعيده يااارب

مشكورا حبيبتي ع الدعاء ولج بالمثل

حاولت أشيلها وفعلا أنسى هال شي بس مرات أوسوس

دعاء الليل حبيبتي سهام تطرق باب الرحمن
الدعاء في جوف الليل بالزوجً الصالح

دعاء الليل حبيبتي سهام تطرق باب الرحمن
الدعاء في جوف الليل بالزوجً الصالح

السلام عليكم ، اللي يصير لج شي طبيعي كل بنت حلمها تكون أم وزوجة بالعكس عدم تفكيرج في الزواج هو الشي الغريب ، كلنا مرينا بهالشي سواء اللي تزوجت صغيرة ولا كبيره ، وما دام هالشي مو بزياده فعادي ، المهم أنج عايشه حياتج ، بس كثري دعاء واستغفار وابعدي عن الذنوب مثل الأغاني وحافظي على صلاتج بوقتها وبري أمج وأبوج والله بيرزقج وتفائلي وأحسني الظن بالله .