اكثر مشكله زوجيه اثرت فيج اهني بالمنتدي وغيرتج للافضل

السلام عليكم عسووووولات

الموضوع باين من عنوانه
شنو القصه البائسه او المشكله اللي قريتيها اهني واثرت فيج وبعد غيرتج للاحسن طبعا

بالنسبه لي اذكر وحده كانت ماتعرف شي عن الحياه الزوجيه شلون تتفاهم مع ريلها
وريلها كان كله يقط نغزات من تحت لي تحت وكان اهو مستواه التعليمي اكبر عن مستواها بس اهي على نياتها ماتعرف تهتم بنفسها ولاجسمها ولا بزوجها شلون تكلمه
ووزنها يزيد من الغده اذكر وتبي تكسب ريلها بس ماتعرف يعني وايد ساذجه وعلى نياتها يبين من موضوعها
يعني مومثقفه وماتعرف كيد النسا كلش ملش

وايد كسرت خاطري

وقعدنا ننصحها تتعالج وتهتم بنفسها واتثقف عمرها
وكل يوم ادش ابي اطمن عليها واشوف اشصار عليها بس اختفت الله يسعدها يحليلها وين ماكانت

وانا تاثرت وايد فيها وقمت انصح خواتي ان يثقفون نفسهم في كل المجالات الزوجيه والحياتيه
*حق نفسنا قبل كل شي
وحياااكم

انا اذكر قصة وحدة اللي ما تييب يهال و تبي ريلها يطلقها علشان يتزوج و ييب بيبات بس اهو راااااااااافض الطلاق و دايم يبجي عندها اذا يابت طاري الطلاق

و نفسج ادش اجيك عليها ودي اعرف شصار عليها بس صارلها سنة مو شابكة !!

اثر فيني وايد بس المشكله ميطمنوناا عليهم
الموضوع البنت الللي زوجهاا صابه الايدز وكانت خاايفه لانه هو يشتغل بهاا المكاااااان
عاد مدشت عقب ماقالت انهم رسلوا التقرير لبرا وطلع فيهم

والموضوع الثاااني
العضوه اللي تقول ان زوجهاا كل يعلق علي ريحة فمهااا
وهي مافيهااا شي
بس تطلقت منه
وربي عوضهاا باللي احسن وبشرتناااا عن زواااجهااااا يوم تملجت

ااااااااااااااااب

الموضوع اللي اثر فيني ،، البنت اللي كانت تكلم واحد بالنت واخوها زوجها اياه غصبن عنها بس يبي يفتك منهاا
وتزوجته وكله يطقها وحابسها بالغرفه واهله يكرهونها وفي بنات قالولها نسااعدج وعاد مادري شنو صار عليها

الي اثرت فيني واثرت في بنات واااااجد
العضوه الي توفى زوجهاا الله يرحمه

الموضوع اللي اتذكره وحده زوجها ابوها شخص واهي ماتبيه وظلمته وتبلت عليه وطلعت عنه كلام وبالاخير تزوجت انسان عجبها شكله

بس طلع شاااااااااااذ وقامت تبجي وتقول حووبه زوجي الاولي

سبحااان الله<<

نفسسج اثرت فيني واااااااااااااااااااااايد

نفس الشي

ايي قصتها خلتني ادمع

وعليكم السلام ورحمه ألله وبركـآته

أكثر وحده أثرت فيني وأبجي أذا تذكرتهـآ مع أن موضوعها كان قديم بس انرفع ..~.~ أللي مات زوجهـآ أللـه يرحمـه ويصبرهـآ,.~.~ جد مأتعرف قيمه ألغـآلي إلأ إذآ فقدتته..~.~

وتسسلمين ع ألموضوع

يسلمؤوؤ على الموووضووع ،، موضوعين أثرو فيني حييييييل الاول العضوه اللي مااات ريلهاااا بحادث سيااااره ‘ والثاااني العضووه اللي امهاا تدعي عليها وتزفها جدام الحريم ومخليتها خدامه لأخوهااا ومرته أتقول النصيب ايي عند البااب ويطردونه كانت منزله موضوع عن مرت اخوهاا بالعيد يت تسلم عليها وماقامت مرت اخوهاا وضحكت ضحكه خبيثه جدام الحريم اتقول اخوي شري وخروف مرته وامي واقفه معاهم حيييييل كسرت خاطري مادري وينها الحين ماشوفها كلش وناسيه اسمها إذا احد يعرفها يطمنا

هالقصه موحزينه بس مشكله > عضوه زوجها يشتغل بشركه والمديره معجبه فيه والزوجه تطلب من زوجها يستقيل بس موراضي واهيه شاكه انه يحبها بس نكر !! مادري طلع يحبها ولا لا واستقال ولا ظل بوظيفته مادري شالقصه

والقصه هذي خذت مساحه فضيعه فضيعه بالنت سنه ٢٠٠٩ وللحين مانسيتها > وحده متزوجه سنه واهيه وزوجها جنهم غرب ومايعطيها ويه ومايلمسها ولايحتك وصارحته وبالاخير اعترف انه مغصوب عليها ويحب وحده ويعاشرها
!! وعقبها تحاول تتقرب من زوجها والبنات ينصحونها ويشجعونها وكانت كل يوم ادش
وتقول التطورات لمده اسبوع وعقب قررت انها تكتم مشكلتها وعقبها خلاص ماقامت تشبك مادري شصار عليها

وهالمشكله كسرت خاطري ببجي والله> وحده كانت تلبس وتتمكيج وتكلم واحد وتحبه وخطبها واهله وافقو طااااااارت من الفرحه ادش النت تغني من الفرحه عقبها اختفت ردت دشت قالت انه صار فيها الخبيث وبتسافر تعالج مادري الحين اهيه عايشه ولا لا

القصه الي اثرت فيني الي كان زوجها هاملها وهي جمييييييله وزوجوها اهلها بدري عشان ماتسوي فتن والا تفضحهم بس سبحان لله صارت تعرف واحد من ورا زوجها وحملت منه وولد الحين عندها على اسم زوجها

هذي القصه جد حسيتها حقيره

انا نفس الزين قصة البنت اثرت فيني وقصة وحدة بعد كانت متفوقة وناجحة وتزوجت واهي بعد ماخلصت ثنوية وكانت مستانسة واللي بعمرها بعد ماتزوجووو وتالي اعوذ بالله صار فيها الخبيث وتفكر انها عين ماصلت ع النبي وتقترح انها تتطلق عشان تروح العين هالقصتين عوروو قلبي وشكثر صرت ادعيلهم واحمد ربي وشكرة

اللي صابها ايدز هي وزوجها

الله يشفيهم يارب

يعطيكِ العافيه اختي شادن