|
|
من برأيكم يفضل الزوج المرأه العامله ام ربة البيت
اصبحت الحياة اكثر تعقيدا من الماضي ولابد للزوجه
من المشاركه في اعباء الحياة والمصاريف
زمان كان الزوج يرجع من العمل ويشوف زوجته تنتظره
وعامله ومحضره كل شي
والعلاقات كانت اجمل
الحين اثنينهم يردون نفس الساعه
ويمكن مافي وقت يجلسون مع بعض ويتكلمون
والولد يريد الخادمه اكثر من امه
وكلما زادت الحياة تطور تتعقد اكثر
والله زمان الحياة اجمل
تثبت نفسها وتطور من عمرها وتعرف ناس وتستقل ماديًا وتكتسب خبرات وكل شي له وقته المرا السنعة تنظم وقتها وتدير امورها اعرف ربات بيوت داجات بس سهر وان قامت فتحت حلجها على التلفزيون ولا مع جاراتها وزوارات والخدامة تسوي كل شي ما نقول الكل بس هذي فئة موجودة وأكيد مرت عليكم
بكل الحالات الخدامة شر لابد منه يعني اذا ربت بيت بتشتغلين بالبيت بروحج طبعًا لا تبين خدامة وقليل اللي ماعندهم
اهم شي المرا ترتب وتظم وقتها كل شي له حق وبنظري الوظيفة حاجة ملحة ماتخلى عن وظيفتي لو شنو
الصراحهً القعده فالبيت اريح اشلي بالهم وقعدة الصبح ويكون فيه تقارب اكثر بين الزوجين و اقدر اسوي كلشي ماحتاج لخدامه
بس لو فكرة فيها من ناحيه ثانيه
الحياه صعبه ويبيلها مصاريف اتوقع لين صار عندي يهال اكيد بدور على شغل
ولكن مازال مكان المراه الافضل البيت خصوووصا الام وهذا رايي
لما اخذ اجازه واقعد بالبيت نفسيتي تتغير نفسيه ولدي وريلي تتغير وافكر وايد بالاستقاله بس شنسوي هذي الحياة الحين
انا كنت ما اشتغل ومبسوطه من نفسي بس بعد مرور الايام تزوجت وحسيت اني ابي اشتغل مع ان زوجي مو مقصر معي ابدا
توظفت وصارت حياتي احللللى بوايد عن اول صرت اساعد نفسي بنفسي ونتساعد انا وزوجي
في زوج يستانس لي شاف زوجته تساعده بمصاريف البيت و يحب يشوفها متطورة و عندها حياتها الوظيفية و مصدر دخلها الخاص
و في ازواج يحبون ربة البيت شغلها بيتها و طبخ و تنظيف او حتى لو في خدم المهم انها بالبيت و مجابلة
و انا اعرف حريم قاعدين اكل و نوم بالبيوت لاوظيفة ولا شي و الخدام ترس البيت و لايدرون عن شي و الزوج عادي عنده
انا افضل ان يكون الوضع بالنص يعني ان الزوجة تشتغل وظيفة نص دوام مثلا او يكون لها بزنس خاص خفيف تشتغل من البيت
انا معاي شهاده بالكالوريوس
ومع هذا قاعده في بيت اشتري راحتي صراحه
مااحب اقعد الصبح واروح دوام وارد وانا نوعي ماقدر اوقف يعني دلوعه ههههه
فضحيت بالفلوس عشان اجابل بيتي والله يتمم لي وللكل ع خير ويسخر لنا ولكم ازواجكم