|
|
شلونكم بنات
بقول مشكلة رفيجتي و يا رب القا عندكم الحل
رفيجتي مطلقة من سنتين و عمرها29 سنة و الحين تحب واحد اخلاقه وايد زينة و انسان محترم و كبرها بالعمر و مناسب لها من كل النواحي
لكن ………………….
ظروفه و حياته راح تتعبها اذا تزوجته
الريال مطلق و عنده ولدين و العيال عند امهم و للاسف امهم رافعه عليه قضايا و محاكم و السالفة مطوله و غير جذي شهريا يدفع نفقة كبيرة لهم و عنده نفقة مجمدة بمبالغ كبيرة و عنده بعد قروض بالبنك و القسط وايد كبير
زبدة الحجي الريال مفلس و مشاكله المادية حيل كبيرة و راح تأثر فيها اذا تزوجته حتى مهر مو مجمع يعطيها الحاله حيل كسيفه
طبعا هي تمووووووووووووت فيه و هو يحبها و قالها و صارحها ان يتمنى يتزوجها بس ما يبي يظلمها وياه لان ماديته حيل تعبانة و حتى معاشه الشهري ساعات البنك يحجز عليه و ما يلقا حتى مصاريفه العادية الشهرية
رفيجتي تحبه وايد وودها فيه بس خايفه تتزوجه و تتوهق بعدين وياه بسبب الحاله المادية و ما تبي تتطلق مره ثانية عشان الماديات
مشكلتها بين ايدكم الحين و اتمنى تساعدونها لو بالدعاء له ان ربي يفرج عليه كربته يا رب
اشلون ع السكن
بيسكن مع اهله؟
ومشاكله المادية متى بيقدر يحلها ؟
يعني اذا تحسه زين واخلاق عالية
وولد ناس طيبين
ممكن تتنازل عن مهر ومصرف
بس اذا في امل بحل قريب لمشاكله المادية
الشي اذا بدايته حرام نهايته حرام يعني مو معقوله مطلقه و تكلم واحد غريب عنها ..مو محرم لها عسا ربي يرزقها باللي احسن منه و خل تبطل هالعلاقه
وتدعي ليل ونهار و ربي بيرزقهاا
معاااها
وإذا ولد ناس وأخلاق وين المشكلة
اعرف موظفات يصرفون على رياجيلهم وسعيدات بحياتهم
وكلي امرج لله
مـــــاله داعــــــي تتــــورط وبعدهــــا تتحسـف
اذا موظفه وتقدر على الصرف خليها توافق عليه لكن تعذر وصرف عمره وماستانس
تحط عليه اكس كبيرررررررررر وتشطبه من حياتها
اتوقع انها اكبر من حركات المراهقين وتعرف مصلحتها
عن سالفة نفقة ترى المحكمة تاخذ نفقة شهرية ثابتة منهم يعني ممكن يرتب اموره مع طليقته
و اما البنك تشوف شو الدين اللي عليه ( عليه سيارة – بيت – ………..الخ)
لو سيارة يبيع سيارته و يسدد دينه و يشتري سيارة صغيرة ع قده
يعني تعطينه وقت يرتب اموره
صعبة تعيش مع شخص مفلس ما يتم منه دينار
باجر هي بتصرف عليه و ع عياله
و نقطة ثانية دام رفيجتج مطلقة يعني ما اظن تبغي عرس و نفنوف و حالة و لووية كفاية عليها مهر بسيط 1000 دينار ولا 2000 دينار
و خلاص ما تسوي لا حفلة ولا شي
و تسكن بشقة ايجار
الله يكتب لها الخيره
فرصه مطلقه ولقت واحد تحبه ويحبها بس اذا حالته الماديه صعبه بتتعب
لازم مهر على الاقل 2000
حالته صعبه ، زين اهوا ترا لو يبيها راح يفكر وياها بصوت عالي وينسق اموره اكثر ويقولها وضعي كيت كيت
خل تتاكد من مشاعره والتزامه وتحمله المسئولية عدل بالاول قبل لا توهق روحها ، واذا على الزواج ترا ما يبيله شي
لو صج الريال عزم يتزوج واهيا ممكن تتنازل شوي مو وايد شوي قلت عشان تمشي الحياة وما توقع ما عنده
ياكل ويشرب شدعوه عاد.
ويا ليت تشوف رايي اهله شنو هل يدرون ولا كلام وحجي فاضي وشغل استعباط مال شباب هاليومين.