|
|
السلام عليكم
اكوا موضوع وايد متعبني انا ماكانت جذي بس احس تغيرت قمت اوقات اشوف نفسي ماكو انوثه فيني ومرات لما اشوف بنات جمال واناقه وتناسق بااجسامهم وكل يوم فنانه يديده يزوغون القلب صعب يفتنون الريايل
انا في جم شغله معقدتني وعالجت وايد ماشالله بس ماكو نتجيه واهتم خلطات وشغلات وايد شعري فراغات وايد وهم خفيف ومتقصف وماكو حيويه وهم جسمي مترهل وسيوليات ومظهري جني ام عيال وانا لاجربت الحمال ولا الولاده اشوف حريم يشتكون من شغلات جسمهم وشعرهم بعد الولاده واخترع احس اني مافيني انوثه الفنانات عقدوني وهم بعض البنات
واغلبهم اذا مو كللهم عمليات تجميييل ورااس مالهم الشكل ف جذي بيهتموون غصب
انتي اللي ناقصج شغله وحده بس
((( الثقه بالنفس )))
لاتقارنين نفسج فيهم لأنج أحسن منهم
وبعدين توج شبااب وماعندج عيال
يعني ماكو شي يشغلج عن نفسج
سوي رجيم استخدمي خلطات .. مغربي .. اشتري جهاز للمشي
وموفقه حبي
كلها 3 شهور وجسمج اشد منه ماكو لعبي رياضه 3 اشهر
وغيري من ستايلج اشتنطرين محد راح يساعدج انتي بنفسج قومي طلعي وروحي دلعي
نفسج من صالون لصالون اهتمي من راسج لي اصابع اريولج
مافي شي مستحيل لكن الكسل والرباده اذبحتنا
واخر شي انتي قلتي ماكنتي جذي ف في شي خلاج جذي يمكن الفراغ اكل نوم وع هالحال اتوقع ف نصيحه
محد مغيرج الا انتي انتي بنفسج ووايد اقري سوره البقره ..
وبعدين عبالج الي مسوين تجميل كلهم واثقين ومرتاحين والله مهمومين ووايد
بنات يقولون فتحنا علينا باب مايتسكر اصلا حتن تغير خلق الله حرام لا تهملون هالشي ..
.gif "Eh S(7)")
اذا انتي مو متقبلة نفسج شلون تبين الغير يتقبلج
واللحين كل المشاكل الي قلتي عنها لها حلول
يعني لا تحاتين
اهم شي لعبي رياضة راح تغير من نفسيتج ومن شكل جسمج
ماكو شيء صعب اهم شيء الاراده 
اولاً لاتقارنين نفسسك بالفنانات ترى كلهم عمليات تجمييل بس حورفوا بأنفسهم .
خلي عندك إراده وعزيمه وتحدي ,
سويي لك جدول لجسمك وشعرك وبشرتك واستمري عليها وراح تتغيرين
انا قبل سنه طحت وتعور ظهري وخلاني الدكتور اقعد شهر كاامل مأتحرك بس على السرير
وشيء طبيعي زاااد وزني حييييل والله بغييت انجن وأكتأبت .
وعلى طوول سويت لي جدول ,وشفت لي بلووزه بالسوق حلوه وللأسف مو مقاسي وأكتأبت اكثثر بس شريتها
وعلقتها على الدولاب عشان كل يوم اشوفها و اتحمممس وينقص وزني ههههههه وفعلاً قدرت ارجع لوزني القديم ولبست البلوزه الحمدلله
انا ماعندي مُشكله اسويي لك ِ جدول لكل شيء وكل شهر تقولي لي ايش تغير فيك
دايم اسويها لـ صاحباتي بس عشان نحممس بعض
موفقه إن شاءالله
ثاني شغله روحي حق كوافيرة تضبط لج الشعر المتقصف
ووشوفي التاجرات المنتدى عندهم خلطات للشد الجسم
ياحبيبتي مافي شي ايي بالساهل لازم تتعبين على جسمج سوي رياضه
شكلج ماتبين اتعبين نفسج عشان تحصلين نتيجه !!!
خلي خلطات الشعر هذي يبيلها علاج من دكتور
اشتغلي على جسمج بالرياضه روحي نادي ثلاث شهور عقب تعالي تكلمي عن أجسام البنات
انا اللي متزوجه وعندي عيالي لاااااازم اسوي بعض التمارين أحافظ عل جسمي اشوي ولا بيترهل !!!!
بس بنسبه لشعر والله صار لي شهور طويله اعابل ببخاخات والامبولات والخلطات ورحت اطباء ماشاءالله داخل الديره وخارج الديره وهم رقيت نفسي فراغات شعري ومظهر الشعر وايد محبطني صرت استحي اقط الشيله ماشاءالله اللي بسن يدتي شعورهم احلا مني
روحي دكتورة شاطره حق شعرج كلي فيتامينات
دلعي عمرج سوي بديكير لايدينج وريولج
لعبي رياضة اذا جسمج مترهل
شفتي شلون كل مشاكلج بسسيطة وعادية اهم شيء تتحركين وماتحلطمين انا مو انثى ><
بنسبه لشعري عالجته وايد حتى سافرت بره الديره ماشاءالله ماحصلت نتجيه
مافي بنت حلوة ميه بالميه الا بالمكياج لو بشرتها تهبل ونظره لازم مكياج حتى الفنانات ابحثي بقوقل وشوفي الاشكال
كل الفنانات وكل انثى بالعالم حطي في بالج المكياج سر الجمال
الشغله الثانيه الاهتمام الحين يبيله ميزانيه
يبيلج علاج للشعر اذا تعبان حيل آخر تقنيه البلازما ياخذون من دمج ويصفونه ويحطونه بفروة الراس ويمليء الفراغات ويكثف ويبيلج كذا جلسه
البشره وعلاجها اذا هالات سودا او البشره نفسها مترهله او بقع او محفره اكيد يبيلها فيلر وبوتكس
الجسم لازم رياضه سواء نادي او مشي بالممشى اذا حيل حيل تكميم وريحي بالج
باختصار انا برأيي ان الاهتمام الحين اذا عندج فلوس تقدرين ماعندج يعين الله
والله يوفقج