الموضوع مو سطحي ولازم الكل يستفيد : المتزوجات و المكياج

السلام عليكم

بنات اتمنى قبل الرد تقرون موضوعي عدل .. مرة ومرتين لين تفهمون قصدي وشنو اانا بوصل له

احنا خوات ونقرا كل يوم مشاكل بهالقسم وغيره من الاقسام ..
لكن هني عن مشاكل بنات مع "عيون ازواجهم الزايغه "
اللي زوجها مايقرب لها .. اللي هاجرها ..الي اخذ منها احلى منها

في مثل اجنبي يقول
At night, all cats are green

ترجمته : ان عيون القطاوة كلهم خضر بالظلمة و

بما معناه ان كل شي مثل مثل وقت الظلمة

——————–

الذكر حسب تركيبته الفيسلوجية واللي انخلق فيها كائن بصري
يحب يشوف ويطالع

بنات احنا البنات ان شفنا بنت حلوة نطالعها وننبهر فما بالكم بالرجل الي تتحرك كل مشاعره

وبالخليج عندنا .. غالبا ..الكشخة والترزز والاهتمام .. قبل الزواج .. وبعد الزواج بفترة يروح كل هذا .. ( لاحظوا قلت غالبا )

المكياج وما ادراك ما المكياج .. يحول الشينه الى ملكة جمال

ويزيد الحلوة حلا

اهو شدو .. اهي سحبه عين .. اهو تكبير شفايف .. اهي لمعه والخ من هالامور اللي كلنا نعرفها كـ بنات ..

السؤال هو .. احيان الوحدة ماتوعي لمرحلة ان زوجها بيطير منها الا متاخر

في زوجات يقولون لهم ازواجهم مثلا بنتزوج عليج ..تقوم تشد حيلها وترد تهتم بشكلها والخ

السؤال هو ……

هل مريتي بهالمرحلة .. ؟

شنو غيرتي بنفسج ..؟ مكياجج .. ؟ لبسج .. ؟ شعرج ؟؟

شنو غيرتي وشنو رده فعل زوجج

هل تغيير للاحسن ولا للاسوا

بنات نبي نستفيد من مواقفكم ..

لكم المايك

هل مريتي بهالمرحلة .. ؟

لما تزوجت اهتميت بنفسي آكثر طبعا !

شنو غيرتي بنفسج ..؟ مكياجج .. ؟ لبسج .. ؟ شعرج ؟؟

مكياجي قمت اكثر منه بالعزايم و قمت ادخل اليوتيوب و اتعلم آكثر و أكثر
لبسي اغير ستايلي بين فتره و فتره و ما اعلق على شي ..
شعري بين فتره و فتره اصبغه .. و مهتمه فيه وايد بطوله و بخليه كثيف

شنو غيرتي وشنو رده فعل زوجج

ريلي يعجبه كل شي اسويه :$

هل تغيير للاحسن ولا للاسوا

للآحسن :*

او زواجي كنت البس واهتم بس لاحظت ان زوجي مو وايد مع المكياج الاوفر ولا اللبس احسه يستانس علي اكثر وانا بعفويتي وطفولتي لاني في مابينا اناديه بابا وساعات اغير والبس واحط مكياج بس ما احسه وايد ينشد مادري انا مكياجي مو عاجبه مع ان الكل يشهد لي ان مكياجي حلو ولا انه اهو يحب للطبيعي اكثر
اسفه على الطواله وشكرا على الموضوع

**اول زواجي

حلو الموضوع بس مو متزوجه داخله استفيد :$

يسلمممو يآعسسل

حياكم بنات

لا الحمدلله مامريت فيهاانا كنت عاديه قبل اتزوج والمكياج مااعرفه الا بالمناسبات الكبيره بس بعد الزواج صرت اهتم واكشخ بس بقول نصيحه للبنات لاتسمعين كلام الرجال لما يقول مااحب كذا ومااحب هذا هم مدري ليش يقولون مااحب واذا حطيتي وتزينتي ينبهر وترى الروتين يملل يعني وحده تقعد طول عمرها شعرها كعكه وطويل نفس الشكل من يوم عرسها تقولك فلان مايبيني اقصه يعني هو شكلك ولا شكله شعرك ولا شعره خوذي رايه بس مو لدرجة ان يتحكم بشكلك ولو تغيرين اول واحد بيعجب فيك هو ..
هو اكيد الشكل مهم بس مو هو الي مايخلي الرجال يخون او عينه زايغه في اشياء اهم الكلام الحلو والحنان والابتسامه واكيد نعومة الجسم والريحه الزينه لان الشكل بعد فتره بيتعود عليه بس اهتمامك فيه اذا قل او تغير هنا المشكلة

خووووش مووضوووع
انا يتني فتره اهمال بوقت الحمال وغيره بس ان شاءالله ارد نفس قبل واحسن ،،

وانا مع الاخت ريم خانم الريال كله مايبي بس لي غيرت المره بنفسها يعجبه فالافضل ماتاخذ رايه وتشوف اهي شنو اللي تحتاجله تسويه

موضوعج عجيب

انا ياتني فتره مريت بظروف قهريه و حاشتني كآبه قويه الله العالم بحالي

والله ما أبالغ حتى شعري مالي خلق امشطه

بس عقب فتره قعدت مع نفسي و قلت لازم أطلع من الكآبه اللي انا فيها

الحاله اللي انا فيها ماراح تنفعني بالعكس بتضرني

و بالتدريج رديت نفس قبل اكشخ و ألبس

و صرت اغير ستايل لبسي و حتى قمصان النوم لازم تنوعون بالالوان و الموديلات

حتى لون الشعر و القصه كل هذا يلعب دور

حلوة ردودكم

وآآي الموضوع حدده مفييد خصصوصصآ للمقبلات على الزواج مثلي لوول ..

..

انا بنظري المفرووض كل وحده تكششخ لزوجها مادري هالبنات اللي يهملون نفسسهم شو يحسون فيه ,,!!
خير اختي لييش متزوجه عيل جان قعدتي ببيت اهلج

بنفس الوقت اتعلمي المكياج اللي يبرز جمالج اللي يكون فيه خدع وحركات وابتعدي عن التهويل تدرين ليش ؟
لان المكياج اللي فيه خدع راح يبين بشكل كلي خفييف يعني الزوج ماراح يعررف انه مكياج ثقيل وبنفس الوقت يبرز جمالج

وفي نقطه ذكرتها وحده فوق ان الريال يقول ما احب المكياج والكششخه احب الطبيعي ,, اتحملي تسمعين كلامه وعن تجربه
مع خطيبي بدايه كان قول جذي ويوم اكششخ ينبههر ويمددح ومن عيونه يبين كل شي
ودليل ثاني انهم لما يشوفون بنت حلوه وكاشخه يمدحون فيها سواء ع الطبيعه ولا التلفزيون ,,

ولآزم مرات اتخلين استايلج رسسمي وكيوت وبسيط لكسسر الروتين طبعآ وبث =)

بس في نقطه مهمه لاتحطون كل يوم مكياج عشان مايتعود على شكلج ولما يمر يوم بدون ميكب يحس كانج مرييضه

اعرف وحده مدمنه مكياج وبيوم ماحطت بيوم راحت تقعد زوجها للدوام قالها شفيييج جذذي !!! روحي حطي مكياج بعدين قعديني

يمكن مو لانها جيكررره بس هو تعود انها دايما حلوووه بالميكب وصارت عقبها جلحه

صرآحه الموضوع حيل مفيد والله
وانا متابعه البنات

لان ماودي اطيح بغلطات وابي اتعلم

يلا يلا بنات لا يوقف

حزب الطمآشه :$

صح

نقطة اللي كل يوم فل ميك اب وثاني يوم ماكو شي هم صحيحة

التدريج بالمكياج مهم

مرة خفيف مرة ناعم مرة نص نص ومرة ثقيل حسب الوقت والمكان والمناسبة

بعد في شي مهم مو تستلمين الرجال كل يوم تفصخ لااا انتبهي نوعي باللبس مره طويل مره قصير قطن ساتان بجايم شورتات البسي كل شي مو نفس الستايل دايم حتى ملابس الطلعه مرات تكون مريحه نفس البلايز القطن مع لقنزات والاكسسوار ترى مهم لاتهملونه بس يكون ناعم يعني مثل الحلق الصغار وسلسله ناعمه بعد في اشياء كثيره وكلام مو بس باللبس بس انا احب كشخة البيت عشان كذا جاز لي الموضوع
التعطر طبعا تعطرك اذا تزوجتي مو رشة عطر والسلام لا خلي لك طريقه معينه يعني مثلا مسك ورا الاذن وتحت الصدر وبينه وبودر مخلوطه مع مسك مبشور ريحة الشششعر انتبهو لها بخريه حطي خمريات معليش بنات حتى للمناطق الحساسه حطي مسك بين الفخوذ وعلى جوانب المنطقه والخلفيه حطو لها بودر اهتمو بنعومتها ترا اشياء بسيطه بس مهمه
نجي الاشياء ثانيه غير اللبس والشكل خلصنا منهم حاولو تعودون الرجال على اطباع معينه يعني مثلا البوسة قبل يطلع واذا رجع تقولين له الله يحفظك استودعتك الله مو تقولين استحي حاولي بالبدايه بعدين تتعودين ريحة البيت شي مهم للرجال لانه يجي من برا راح يميز وش ريحة البيت ان كان طبخ ولا بخور افضل شي الفواحات لانها تكون شغاله طول الوقت حتى لو ماامداك تبخرين .. وبس الله يوفقكم جميعا ويرزقكم ازواج صالحين ويسخرهم لكم سوري على الاطالة