|
|
السلام عليكم ورحمة الله وبركاته …
انا في البدايه عضوة جديدة دايما اكون زائرة فقط بالمنتديات اقرأ وامشي وبصراحه شدتني مواضيع وايد عندكم وبعضها تعبر عن حالتي واخذت بعضها
حلول لمشاكلي .. وبالفعل حبيت اكون بينكم وحبيتكم صراحه واعتبروني اختكم الصغيره … وانا حابه اعرض مشكلتي لعل اشوف اهتمام وحل يصبرني على الي انا فيه …
لأني تعبت افضفض لبعض من الناس شخصياً من اهلي وصديقاتي لكن مع الاسف يستغلون ثقتي فيهم ويعايروني وقت غضبهم ويشمتون فيني لو اختلفو معاي ..
اسأل الله انه يثبت كل متزوجه تحب زوجها وزوجها يحبها ويثبت حبهم ومودتهم .. ويعوض كل وحده مظلومة ويستر على بنات الناس .. المهم
مشكلتي ياجماعه انا كنت عايشه بين اهلي بين عين امي وابوي ومدلليني مع اننا على قد الحال لكن معيشيني بعز مايصير خاطري بشي الا واحصله .. المهم اني تقدم لي واحد سمعت عنه الصفات الزينه .. مصلي مسمي وشكله حلو وعمره
22وانا عمري 21 .. المهم انا كان حلمي اني اتزوج واكون ام واكون ربة بيت وهذا حلم كل بنت فوافقت عليه عشان ان صفاته حلوه .. وسمعت انه بخير(ثري) لكن وافقت عليه قبل لاادري انه جذي ..
المهم لما شفته ماقدرت اعرف اني ابيه لو ماابيه ..
كنت داخليا مو مرتاحتله بس موعارفه الي داخلي شنو لكن اقول في خاطري الولد مواصفاته حلوه يعني قلت في خاطري حرام مااوافق وخاصه انه مصلي ومسمي
وانا كنت على نياتي وفي ناس كانت ترغبني فيه وقلت لهم ابي معلومات اكثر وسمعت ان عنده شقه كبيرة وارض باسمه وسيارة ووو… الخ
بس والله ماكنت مهتمه كنت حاطه في بالي اهم شي سمعة الولد واخلاقه واني اعيش معاه واستقر …
وخلاص وافقنا على بعض وانكتب الكتاب وفي نفس اليوم انكتب كتاب اخوي على اخته ..
والمآساة ابتدت من اول يوم دخلت فيه بيتهم شفت شي غير الي سمعته ،،،والولد مومكون نفسه….!! ولا عنده سيارة ولاحتى غرفه !!!!
يعني عنده شقه وصغيره بعد وفااااااضيه مافيها اي شي يعني مجرد صدى صوت لأي خطوه اخطيها .. يعني شقه بالإسم .. هو ابوه بخير بس رافض فكرة انه يساعده يبيه يعتمد على نفسه بكل صغيرة وكبيره وبراتبه …
لكن ابوه كان يقول لنا انا مستعد اتكفل بكل شي …
دفع المهر بس …
خلاص انا ماتكلمت لأهلي ولاقلت شي قلت مو حلوه اخلي احد يتدخل بحياتنا انا وريلي حاولت اوقف معاه .. قلت له ترا كلام ابوك صج مع اني انا كان في خاطري عليه انه قال بيتكفل بكل شي …. انا قلت له عدل كلام ابوك ولازم تصير راعي مسؤوليات وانا مستعده اصبر …
لكن انا ماقدرت اتحمل الوضع والاستقرار صعب وايد وايد واااااايد في بيتهم
عشان مااقدر اقعد بمكان فاضي مثل السجن …
قلت له لازم اشوف لي حل انا رجعت لغرفتي وبيت اهلي وقلت له بإمكانك تجي لي اي وقت وتنام عندي ..
المهم ابوي عرف بالسالفه وكلم ابوه …
ابوه كان يتحكم فينا احيانا ….
الحين رديت بيت ابوي قسم بالله ماحسيته بيتنا كني داشه بيت غلط …!!! وويني انا الي كنت مدلل هفي هالبيت ..!!!
الحين اخته زوجة اخوي اتجهت علي بالمشاكل … حطت راسها براسي وتغااار مني بشكل مو طبيعي وتحاول تسوي لي فتن ومشاكل تشيش علي اخوي والي احبهم ..
اخوي قبل لاياخذها ماكان له حس بالبيت … لما اخذها تغير علينا كلنا …
هي تسوي المشكله وانا اطيح فيها ويصيرون ضدي اخوي وزوجي بعد وابوي يقول لي مالج حق على بنت الناس …
ابوي ريال حقاني بس لما سمع مني كلمها بعد ..
بس المشكله اخوي !!!!!! لو يصير الشي جدامه مايقتنع انها غلطانه ……!!!!!!
وزوجي كان يتكلم عليها ويمسخرها جدامي ويقول خبله وياهل المهم يتطنز عليها انا مو من النوع الي يستغل هالشي بس شفت انها ضايقتني في شي وقلت لأخوي وصار ضدي مع الاسف قلت لزوجي سمعتني كلام مايسر …
ومن بعدها صار بيني وبينها خصام اكثر من خمس مرات وارحع معاها يوم واحد وترجع تنقلب احس مافي امل انها تعتدل معاي..
انا قمت اطنش واجاوبها على قد سؤالها ومااسولف معاها عاد قمت اتكلم جدامها مع رفيجتي وقمنا نتكلم مع بعض كلام عن وحده صارت معانا بالمدرسه الكل حصل منها شي وقلنا الصفات الي مو حلوه فيها … زوجة اخوي خذت كلامنا لنفسها وراحت تشيش اخوي صرت اي شي اقوله حتى لو شي عادي ماصخ تفسره شي ثاني وتخلي عليه شوية بهارات واحيان تقولني كلام ماقلته …
والفترة الي قعدتها بالبيت صارو اهل زوجي يسألون عني باستمرار يظنون اني متكبرة مااروح بيتهم ولا شي … يتكلمون فيني وزوجي مايقول لهم الحقيقه انها ماتقدر تجي الا اذا صار عندها كل شي …..
يعصب عليهم ويقول لهم مالكم شغل انتو … ووصل لي انهم يتكلمون فيني قلت لاااااا لازم اروح انا بنفسي واخبرهم الحقيقه … ورحت لهم عدة مرات وانا اضحك معاهم وريلاااااكس ومطولة بالي ولا كأنه في شي وحتى لو حصلت لي كلام يضايقني … احاول اطول بالي واوسع صدري واحشم نفسي لأني قاعده ببيتهم وانا مو مثل بنتهم شربتني كاس المر وهي ببيتنا !!!! تمادت ووصلت انها تمد يدهاا
وحاولت اتقرب لهم اكثر بس الاستقرار صعب وفهمتهم هالشي بس مافي فايده …
المهم انا استمرضت من المشاكل وصلت للمغذيات والمضادات … وزوجي مو مهتم ابد
من يومها اكتشفت انه مايبي يتحمل مسؤوليه بالمره وصاااااارت بينااااااا مشاكل ولاحسيته يحبني ولايغار علي مجرد كلام افلام ….!
ودايم يوعدني وماينفذ وصار يقول لي كلاااااام قاسي اثر في نفسيتي وصلت لأني اسولف مع نفسي
وتوصل للطلااااق !!!!!!!!!
الحين هو يبي يطلقني استمريت تقريباا شهرين في بيت ابوي واتصل فيني يبيني اسامحه وارد له
وانا كرهته وااااااايد طفح الكيل وهذاااااا جزاا صبري عليه تعبت اقدر ظروووفه بس كسر كرامتي والله موقادرة اتحمل خايفه ارد له ويرجع يهيني وهو خله الناس كلها تتدخل في حياتنا صغار وكبار .. وهو ماتثبت عنده كلمه
انااا محتاره شوفولي حل معاه ومع اخته واخوها وهي مسافره بتجي الشهر الياي والله ماهقيت ان راح اشوف هالشي في زواجي توقعت بكون انسانه سعيده …انا انصدمت ولا شي من الي سمعته شفته… تعبت وانا اطنش زوجة اخوي تتسبب علي في مشاكل مع الكل ولها دور في خراب بيتي انتظر آراءكم…وانا تعبانه حييييييل ومستمرضه …
احس في قلة بالسؤال وتعارف العايلات قبل الزواج
ثانيا قلة نضج وخبرة منج
ثالثا حاولي تفصلين بين عروس اخوج ومشاكلج مع زوجج
مالها علاقة فيه
ولاهي السبب باللي انت فيه
ولا تمثرين السوالف وحط لي ماحط لي
مع اهل زوجج
لان الناس لهم الظاهر وانت مخليه بيت ولدهم
وهادته بروحه
المشكلة حتى اهلج ماقدرت تقنعينهم
الزبدة
الحين زوجج موظف؟
راتبه شيسوي فيه؟
اخلاقه اشلونها معاج؟
هل فعلا الشقة فاضية ولا مبالغات حريم؟
يعني في صاله؟ غرفة نوم؟ مطبخ؟
شنو الناقص بنظرج؟
ابو زوجج نعمة منه المهر مو مطالب بغيره
اصلا في بعضهم حتى مهر الولد ماله شغل فيه ،
وبعدين انت تقولين صبرتي عليه
تو الناس
ع هالكلام
توج متزوجة
شنو اللي صبرتي عليه او شفتيه؟؟
الحين
لازم توضحين مشكلتج مع زوجج له
بدون تشنج ولا عصبيه
والظاهر عصبيتج منعتج
توصلين رايج لاي احد
محد قادر يفهمج
ع حسب كلامج
واذا الولد زين لا تسعين للطلاق
ولا تقارنين بين وضعج ووضع مرت اخوج
يعني تقولين
حطو لها وماحطولي
اخوي شرى لها وماشرولي،، الخ
بالتوفيق
الهداوة والصبر
علشان يفهمونج اللي حواليج
ومو من صالحج
تكثرين العداوات حولج هالمرحلة
يعني اهل زوجج بيقولون شرية
لا مع زوجها وحتى ف بيت اهلها مسببة مشاكل
وكلهم مايوم شافو مني شي واحبهم ويحبوني ولاقد شفت منهم شي
بس ماعمري قلت ابي مثل هذي ومثل ذيج لأن خيرهم من خيرنا …بإمكانهم اهلي يسوون لي مثل ماسوو لها لكن ماارضاها لنفسي وموحلوه بحق زوجي
ومشاكلي مع زوجي واخوي بسببها تتدخل في كل صغيره وكبيره وحتى في اشياء ماتخصها ودايم تبي تفرض رايها علي كأنها مرت ريلي والله.. وهي اصغر مني بستة اشهر ودايم تبي تستخدم اغراضي واذا تسوي شي وتبي رايي فيه مالي حق اقول مو حلو او انتقدها في شي قلت لها تبين رايي تحملي انا مااعرف اجامل….واحياناوانا غافله مااشوف الا اخوي ياني يخانقني !!!!! يااما تكون سالفه هي مولفتها ولا فسرتها بكيفها اهم شي مصيبه تسببت علي من تحت راسها …
انا ماقدرت ارتاح ببيتهم لجأت لبيت ابوي لغاية ما ايتعدل وضعه ووضعي ببيتهم
وتستلمني هي وابيه يرد عليها لأنها تتمادى وايد وهو مع الاسف مايبي يتحمل مسؤوليه ولا يبي يسوي شي ولاااااني على باله ابد وراتبه يروح كل مره يشتري له جهاز يديد المهم يشتري خرابيط مالها داعي وانا جيته بالطيب بالغصب ماكوووو فايده وبالنهايه يهددني اكثر من مره انه يبي يطلقني …!!!ابي حل بس مره يبيني ومره مايبيني كل شي ناقصني تقريبا
اذا الريال اخلاقه زينه ويتعاشر لازم تتخذين موقف خلي ابوج يقعد
معاه ومع ابوه ويقوله مايصير البنت شقتها مو مؤثثه لازم
يسوي لها شقه وصراحه ماني مستوعبه شلون ما عرفتي ان شقته فاضيه
من قبا الزواج يعني لما رحتي تودين اغراضج ما شفتي ان ماكو شي
وملابسج وين حاطتهم ما ادري والله بس انا اشوف هذي امور مقدور عليها
الله يصلح الحال
وهالشي خلق لج مشاكل
و عادي شفيها لو ساعده بالمهر خير من الله و نعمة و الابو مو ملزوم يتكفل بكل شي
بالاساس مو ضروري يتكفل بشي ولده كبير ويبي يتزوج خله قد الزواج
يا بنت الناس خلي لج بس حجرة النوم و المطبخ و الباقي الله يفرجها شوي شوي
رجعي لزوجج وابتعدي عن المشاكل و صيري في مكانج احسن لج
لا بيت ابوج ولا بيت حمولتج
الله يهديج و يهدينا و يسخر لج زوجج و تحملو بعض و كونو اسس قوية مع بعض
ويا بعض وحتى ابوه لازم يحضر ومن اليوم و
رايح حتى لو حرمة اخوج تسوي لج مشاكل
لا تقولين لهم حرمة اخوي وفلان مسوي لي
مشاكل . . أهم شي يشوفون حل لوضعج
واتفقوا على كل شي عشان بعدين ما تستوي
مشاكل ثانية . . تثقفي حبيبتي عن الحياة
الزوجية والجئي لربج وتوكلي عليه . .
ربي يوفقج ويريح بالج ويسخر لج زوجج وتعيشين مستانسة
آمييين 3>
اسمحيلي اقولك انتم تغارون من بعض
وللاسف مبين انكم عقوولكم صغيره
هذي تقول عني لالا هذي تبلاني
انا مااقصدها هي تبهر وتزود
وللاسف بعد اخووووووك يسمع للحريم ويتدخل بينكم على اشياااء تافهه
حبيبتي اسمعي نصيحتي صارلك سنه متزوجه وجالسه عند اهلك ولا حليتي مشكلتك
ولهيتي بسوووالف تافهه
اسمحي لي غلطااااااااااااانه وشخصيتك ضعيفه واساسا شكلك بس تبكين وتتمنين وتحلمين
غير هالشي ماااسويتي
اتوقع تنتظرين الفانوووس السحري يحل مشكلتك
اعذريني على صراااحتي معك اللي ممكن جرحتك
بس من جد ابيك تصحصحين شوووي
لاتنتظرين ابوك اخوك ابو زوجك يحل مشكلتك
انت امرأه واعيه ومسؤله عن بيتك ماتقدرين تحطين السالفه فوق راس ابو زوجك وزوجك
مره تقولين ابوه ماوفى بوعده ومره تقولين زوجي مو قد المسؤليه
وبصرااااحه اكثر انت اللي مو قد المسؤللليه
اتوقع توبيخي لك كافي
الحل
تجلسين مع زوجك وتصارحينه كل شهر ياحبي بنشتري ششغله ناقصتنا
شهر تلفزيون وشهر كنبات للصاله
وشهر موااعين وهكذا
طبعا تبدون بالمهم والاساسيات بعدين الكماليات
واطلعي اليوم قبل بكرى لبيتك وعيشي مستقله لاتزعجين اهلك بمشاكلك
اعذريني ردي قاسي عليك بس صدقيني بمصلحتك
المفروض ابوج يقعد معاه ومع ابوه قعدة رياييل
الوضع جذي ما ينسكت عنه
|
المشاركة الأصلية كتبت بواسطة امـ خــزامـى
 حبيبتي مشاكلك مع زوجة اخوووك
اسمحيلي اقولك انتم تغارون من بعض وللاسف مبين انكم عقوولكم صغيره هذي تقول عني لالا هذي تبلاني انا مااقصدها هي تبهر وتزود وللاسف بعد اخووووووك يسمع للحريم ويتدخل بينكم على اشياااء تافهه حبيبتي اسمعي نصيحتي صارلك سنه متزوجه وجالسه عند اهلك ولا حليتي مشكلتك اسمحي لي غلطااااااااااااانه وشخصيتك ضعيفه واساسا شكلك بس تبكين وتتمنين وتحلمين اتوقع توبيخي لك كافي واطلعي اليوم قبل بكرى لبيتك وعيشي مستقله لاتزعجين اهلك بمشاكلك اعذريني ردي قاسي عليك بس صدقيني بمصلحتك |
وتدرين المشكلة الاساسية تبين زوجج يتدخل بينج وبين اخته
حبيبتي
مو حلوة ان الريااييل يتدخلون بسوالف الحريم
تستعمل اغراضج تبي رايج
تقطينها عليها كلام وتبينها تتحمل على ابو انج صريحه وما تجاملين
صراحه انتي تدورين المشاكل
حياتي عدينا مثل خواتج الكيار ونبي مصلحتج
زوجج تبينه وماتبين تصيرين مطلقة لاسباب بسيطه ما بي اقول تافهه
لازم تصبرين وتجاملين وتطنشين وتمدحين
المثل يقول
لاجل عين تكرم الف عين
قعدي مع زوجج وقولي له طلباتج
ولا تييبن طاري اخته
سالفة اخته حليها بينج وبينها
لا اخوج ولا زوجج لهم شغل
عسى الله يهديكم ويصلح ما بينكم
ماخطر فبالج تاثثين شقتج ع ذوقج!
ما خطر فبالج تسالين هالزوج شو ناقص الشقه؟
انزين انتي لما رحتي البيت وين حطيتي اغراضج؟ مو فالكبت ؟ ولا كيف؟
انا ما فهمتج وايد
انا من عمرج وصارلي سنه معرسه
اول ما ملجت قلت له يا فلان البيت انا ابيه ع ذوقي و مايخالف ان انت تتنقى لكن القرار لازم انا وانت نتفق عليه!
و كنت اقول صورلي الصبغ ابي اجوفه
اروح معاه اختار اثاث
كيف جذي؟
و ترى عمج ابو زوجج ابداً مو مكلف ف ولده
ولده الي هو ريلج يوم دق الصدر وعزم عالزواج جان جهز عمره!
الحين انتي سنه كامله كم يعطيج مصروف!
ماقدرتي تسحبين منه فلوس زياده وتاخذين اغراض لشقتكم؟
انتي ماعندج حيله كبيره
و مادري احس ان انتي الي ينطبق عليهم كلام الحريم (البنت تظن ان العرس فستان وسفر و وناسه)
انا اقول ارجعي بيتج
و كل شهر امسك هالزوج وروحي معاه اشتروا اغراض
واذا رفض
روحي لابوه
قولي عمي
انا عايشه مع ولدك من سنه وشقتنا فاضبه
ماعرف هو ماعنده فلوس ولا هو مايبي يشتري !
انزين كيف ماعنده اذا انا من سنه فبيت اهلي مافكر ايمع كم فلس للبيت!
عمي انا بجذي راح اطلب من ابوي يكمل شقتنا اذا انت موافق! < قصي ويهه عشان يستحون من سوايا ولدهم و بذات هو قال بيتكفل بكل شي
و بعدها روحي تثقفي و تعلمي عن الحياه الزوجيه
بس مو تروحين لبنات بعمرج لا روحي لحريم واعيات وحياتهم الزوجيه مثاليه اوكي!