الغش بالزواج

شلونكم بنات
بدش بالموضوع علطول
انا متزوجه صارلي سنه
والله مارزقني للحين وهالشي كان من ضمن الغش بالزواج

خطبني ريلي واهله ماقالوا ولايابوا طاري ان كان يعالج وان وسبق سوى عملية انابيب مع طليقته السابقه وفشلت كذا مره
المهم انا دريت عقب الزواج وبنفسي سبحان الله بيني وبين نفسي حسيت ان مسوى انابيب وان عنده ضعف بالاخصاب
طبعا غش يعتبر حتى بعد الزواج مايابوا طاري
بس انا من حسيت قمت صارحته ان هالشي صار وصحيح ان هالشي فيك كان ينكر ويتهرب
اخر شي اعترف قلت اوكي من حر مافيني وبجيت وانقهرت ليش غشوني مايحافون ربهم حسبي الله ونعم الوكيل
المهم قالي انا تونى ادرى منج ان اهلي مومبلغينكم بالخطبه مايندرة عاد يجذب ولالا
وقتله لاني ابيك واحبك ولابمكانى اطلب الطلاق ومن حقي قام يواسيني
وقتله لو انا موساألتك حان مانطقت بكلمه وعاتبته وللحين بقلبي موقفهم وبظل لو ما انا على ذمته
الي مرت بهالموقف بتحس بمعاناتي
وهالحجي ومصارحتي له عقب شهرين من زواجي
قلت ميخالف وبلعتها ولو وحده غيري مارضت وطلبت الطلاق
امي ماقدرت ماقولها وانقهرت وقالت لو يرد فينى الزمن حتى ما استقبلتهم
انا احبه ويحبني ومواصفات احبها بالريال موجود فيه بس الزيم مايكمل
اهوا طيب حيل وحنون الحمدلله
بس كل ماتذكر غشهم احترق من القهر
وفوق هذا اكتشفت ان مريض بكذا مرض وكان مسوى حادث وماثر على ظهره كل هذا دريت فيه بعد الزواج
لهدرجه بناإ الناس لعبه واستخفاف بالعقول
الحمدلله انا وربي موناقصني شي بس الحمدلله على كل حال
لكن كل يوم اموت واموت من حسرتي تونى بشبابي والعمر جدامي يمر
وامي حتى ماتتمنى اني احمل منه من سوالف اهله وغشهم
وفوق هذا تخيلوا حمولتي بلزواره نغزات علي على ولاشي طبعهم جذي فوق شينهم قوات عينهم

انا مومخليا عليه قاصر

وحاطته بعيوني
بس هم افكر لاسمح الله صار الطلاق هالشي ممكن دام الزواج انبنى على غش وانا عندي منه عقب عملية الانابيب راح ابتلش عالاقل انا الحين وحده حتى من الانابيب اتردد
وبنفس الوقت من حقي افرح ومالي ذنب حلمي اتزوج واكون اسره تتزوجت الحمدلله لكن بالغش شي يحر واكتشفت ان اهله موزينين فيهم عيوب الدنيا ناس تغش بلزواج شتتوقعون منهم
وبنفس الوقت ابيه واحبه اهوا اقول مالي شغل بهله وكاسر خاطري وحط نفسي مكانه مرات واقول الطب تطور معني قاعده اتاذي وامسك دموعي مرات جدامه وموقادره لما اتذكر كلام امي وقهرها من موقفهم لي وغشهم
وموحابه اتطلق دام مرتاحه معاه بس من الناحيه العاطفيه بس النواحي الثانيه لا حتى الناحيه الماديه ضعيفه شوي هذا واحنا اثنين
مخنوقه محتاره ومابي اخسره رغم الي سووه وياي

حبيبت افضفض لكم وابي رايكم بهالموضوع واختصرت الموضوع كثر ماقدر
وما اتمنى اي وحده تمر فيكم بالغش

الحمدالله على كل حال قصتج نفس قصه رفيجتي بس الاختلاف بنوع المرض
رفيجتي عقب العرس بسبوع اكتشفت ان اخت زوجها فيها بهاااااق وكانوا خاشين عنهم
تقول الريال وايد زين معاي وماحبت تقول حق اهلها لانهم راح يطلقونها فسكتت على هالموضوع
ريلها زين معاها لين مر خمس شهور على الزواج طلع عصبي وشكاك والحين اهي زعلانه عند اهلها وماقالت لهم اي شي عن اخته ومرضها وانتم تعرفون البهاق يكافينا الشر مرض وراثي

انا كنت مثل مشكلتج بس الفرق ان ريلي قالي بيوم الرؤية الشرعية بمشكلته و مشكلته مثل مشكلة زوجج ان ما اقدر احمل الا بالانابيب بس سبحان الله دش قلبي و رضيت فيه بعيبه
بس الحمدلله على كل حال ريلي توفا من 8 شهور الله يرحمه و قاعدة ابجي عليه دم الحين و اتمنى لو يرجعلي حتى لو ما اجيب منه عيال خلاص ما ابي عيال بس يرجعلي و للعلم ما تميت وياه الا سنة و نص

نصيحة حبيبتي عن وحدة عاشت تجربتج اذا ريلج زين و ما يتعوض لا تخلينه و الطب تطور الحين و اذا اهله غشوج احتسبي الاجر عند رب العالمين و عموما السالفة اولا و اخيرا راجعه لج اذا انتي تحبينه شلون تبين تطلقين منه ؟

المرض موعيب هذا بلاءمن رب العباد
والله استغرب من الناس اللي تخش الامراض عن اهل الزوجه
وبعيد انتم ليش ماسالتوا عنه عدل قبل الزواج

وبعدين احتسبي الاجر من الله ترا ياما ناس مافيهم شي والله مارزقهم عيال والعكس صحيح
الله يصلح حالج ويرزقج بالذريه الصالحه

اميره الله يرحم ريلج يارب ويغمد روحه الجنه
احنا سالنا عنه قالوا خخوش واحد صاجين بس ماقالوا عن بباجي الامور
فعلا انا احبه بس مرات افكر بالطلاق لما اتذكر غشهم وكل هذا عشان اوافق لهدرجه الزواج صار لعبه

شوفي اختي نصيحة اذا مؤ حابة أهله وهذا حقج لا تنتقمين منهم فيه يمكن ماله ذنب بس لا تتعاطين مع أهله و حطي حد وصبري صار الطب وايد متطور ولج الأجر انشالله والله يمكن يكون حنون وطيب ويعزج اكثر من شخص ثاني ما في شي طولي بالج لان انا حسيت ان مشكلتج مع أهله وهو طيب

اختي أميرة عورتي قلبي الله يرحم زوجج ويغمد روحا الجنة

انا انغشيت بزواجي

بغش اقوى من سالفتج

بس محد حس فيني

وانا ما تحملت لا طليقي ولا اهله

لان شلون رضا ضميرهم

اني اعيش بينهم

منغشه ومخدوعه

وعايشة معاهم دور المخدوعه

وهم راضين وضمايرهم مرتاحه

ما احب احد يغشني

اللي يغشني عدو ومايحبني

وحرام اعطيه عمري

اما سالفة الانجاب فهذي عاديه

لازم يكون عندج احتمال انه هالرجال اللي جاج مطلق وبدون عيال انه ممكن عنده مشكله خاصه اذا زواجه كان مدته سنين

قاهره عذالي ريحني الكلام الي بتوقيعج
وكلامكم كله يريح عسا الله يريح كل وحده ردت على موضوعي دنيا واخره يارب
اما علاقتي بهله حيل حيل سطحيه وبنظل جدي اريح لي وفعلا معني اشوف نفسي بينهم مخدوعه ومستانسين من فعلتهم بس ما قول الا حسبي الله ونعم الوكيل وراهم بنات

الله يريح بالج دوم ويصلح حالكم وان شاءالله يارب ماتعدي هالسنه الا والبيبي بحضنج

الله يسعدج

متيمه ياحياتي تسلمين يارب الله يسمع منج حبيبتي
ويرزقج كل خير ياربي

خوذيها قاعده

دايم اذا جاج خاطب مطلق

اهله بيمدحونه بالجذب

الحين الحريم اغلبهم متمسكين ببيوتهم

يعني الوحده ما تطلب الطلاق الا من الشديد القوي

واللي يجونج يخطبون ويعذربون باللي طلقوها ويحطونها مجنونه وسوالف تفاهات ما تكشخ ما تطبخ نفسيه

اعرفي انهم جذابين

الناس المحترمين ما يعذربون مراه كانت جنتهم حتى لو شنو بيقولون ماحصل نصيب وانتهى الموضوع ما يكثرون كلام عنها

انا رفيجتي خطبها واحد مطلق وعنده ولد وتزوجته وتطلقت كانوا بالخطبه يجذبون يقولون ام ولده كانت مجنونه وصبر عليها سنتين وطلقها اكتشفت عقب الزواج انه مرته الاولى خلعته وردت له مهره وخلت اخوانها يطقونه بعد لان مره جا يبي ياخذها من بيت اهلها واكتشفت انه هو النفسيه والمجنون مو مرته الاوليه وانه يحب مرته الاوليه ويتذكرها بحسره وندم عليها

صح مو كل مطلق مو زين

بس حسب كلام اهله وطريقتهم بالخطبه اذا الحجي فيه مبالغات وهم حسب اسلوبهم

الحين اللي صار صار

وهذا نصيبج

ياما حريم يتزوجون رجال اعزب وبعد الزواج وسنين تكتشف انه صفر حالته يعني انعدام حيوانات منويه ويقص عليها يقولها انا احلل بالمختبر وقالولي سليم

يجوز خبوا او زوجج وصاهم يخبون لان تعرفين الرجاجيل هالسالفه عندهم مثل الكرامه ويكابرون انه يعترفون فيها وان الناس اللي حولهم او بعيد يدرون عنها

لان يعتبرونها مثل العيب

مع ان سالفة ضعف الانجاب مرض عادي له علاجه

ومو شرط انابيب الضعف علاجه سهل

فيتامينات واعشاب وعسل وحجامه وادويه وصبر

اما بالنسبه للحموله

انا ان تزوجت ثاني مره مالي شغل كللللللللش باهل زوجي سلام وعليكم السلام بس وافتك

اهل الزوج عمرهم ماراح يحبونج وانتي مايحتاج تعرفين الناس اذا طيبين تمشين معاهم واذا مو زينين لا والله ابعدي ولا ياخذون منج كلمه عطيهم بس السكات والصده والسلام وبس حتى لا تهرجينهم

الله يرحمه

ويعوضج خير

اول شي حبيبي فكري بعقلج و قلبج دام الرجال زين و طيب و حنون و تحبينه و يحبج لا تحطين ذمب اهله فيه حرام

زوجج متعذب اكثر منج ولا يبين لج انتي ماتدرين شنو رجال و ما عنده عيال و اهوا مو مبين لج القهر اللي فيه

لا تزيدينه حياتي بالعكس كلمي وخلج معاه هذا ابتلاء من الله اهوا شنو بيده اهوا وده بعيال قبلج مايبي الناس تعيب عليه يبي سند له بدنيل
لا تصيرين انتي و ناس و الزمن عليه حرااااام

اصبري عليه والله لج الاجر وهذا اختبار من الله والله يرزقج الطب حيييييل تطور ناس قامت تحمل و تولد بأبر حتى
في ناس صاحين مافيهم الا العافيه و سنين ما جابوا عيال كل شي بيد الله لا تلومينه على ذنب مو مرتكبه

بعدين يمكن صج اهوا مايدري انه اهله ما قالولج

ولا تطلبين الطلاق الحين بناااات ما تزوجوا هدور مطلقه !! ما عليهم قصور المطلقات بس مجتمعتا للحين شايف المطلقه كلها عيوب

و صدقيني ربي راح يعوضج بذريه الصالحه و اهله لهم يوم حوبتج ما تتعداهم بس حطي نفسج مكان زوجج والله يكسر الخاطر

ولو طلقج الف وحده راح ترضا فيه حتى بعيوبه !!

اصبري ولج الاجر و يماااالج من العيال ان شاءالله

السموحه من كل البنات اللي ردو بس ليش الكل حاط على اهله وان هم اللي جذبو ترا هو بعد جذب ويعرف ان اهله ما ذكرو هالشي يوم خطبوها والدليل انها يوم سألته قام يتهرب ……يعني هو بعد مشارك وياهم بالجذب
يعني لو كانت هي اللي خاشه عنهم ان فيها مرض او شي لا قدر الله هل كان هو واللا اهله بيسكتون ويبلعون حسرتهم ؟؟؟؟ما ظنتي ابدا
الواقع يقول ان الحرمه ما تقدر تعيش ويا زوج جذاب وفي شي مهم مثل هذا …والحين بعد ما عرف ان سره انكشف شي طبيعي بيكون وياها حنون وطيب عشان ما تفضحه واللا اهلها يطلقونها منه ……
اعكسو الموقف …في حالة اكتشافه انها جذبت عليه في شي وخشت عنه هل بيظل يعاملها بحنيه وحب ؟؟؟؟الا بيفضحها اول شي عند اهله ومب بعيده ابدا يرجعها لبيت أهلها ويتضارب وياهم على غشهم
السموحه بس هذا رايي