مشكله اخت صديقتي . ممكن الدخول

السلام عليكم ورحمه الله وبركاته
بنات هذي مشكله اخت صديقتي
هي البنت متزوجه وعندها طفلين وتدرس انتساب مشكلتها اول شي ان زوجها عمله طويل يعني مثلا من الصباح للين الليل واول مايفضى ويخلص عمله ويصير عنده وقت فراغ يروح ويخرج مع اصحابه او بالاستراحه ويتمشى ويخرج معاهم وهي دايم لحالها او عند اهلها وحتى خرجاتها ومشاويرها تقضيهم مع اهلها ولما تكلمه وتقوله اجلس معي يعصب ويقوم يهاوش و دايم وهو برى البيت والبنت تبغاه يكون معها يطلعون مع بعض يتمشون وكذا , واضافه الى ان الفرصه الي تجي و يوديها او يخرجها ينطن اخواته وامه ويضطر يخاذهم معها الشي الثاني انه هو قليل الكلام وهي عكسه تحب السوالف والكلام ودايم لما تهرج معه يجاوبها بكلمه او كلمتين يعني مثلا لما ترجع من الجامعه تبغى تحكيه وش صار معها مايناقشها ,,المهم البنت صايره مره حزينه ونفسيتها تعبانه وكل يوم تتهاوش معه على اسخف الاسباب حتى اخواتها مرات ياخذونها ويمشونها ويطلعونها بس مهي مبسوطه هي ودها يكون معها ويترك اصحابه ويلتفت لها وودها يحس بمسؤليه الاطفال ومايصير كل شي عليها اعطوني ارئكم وحلول للبنت هذي لاني ودي اساعدها .

,

-ينقل للحياه الزوجية-

بنات وين الردود

–

انا اقول تهتم بنفسها + اطفالهم ثم بيتها وتكشت فيه
الرجال مايحب الحرمه اللي تطرد وراه
خليها تجرب تكشت فيه بس
وشوفي اشلون يجيها وهو يركض

الله يصبر قلبها صديقتج
شي يحر صراحه بس لا تتهاوش معاه
خلتحاول تلفت انتباهه ان من بعد ما يرجع من الدوام تكون منومه اليهال
ويفضى لها الجو تكون مجهزه له شغله الحمام وملابسه وتتكشخ له
وعشا خفيف وشموع خلتسويله جو منها هي تستانس وعل وعسى يغير رايه عن الطلعه ويحس فيها
وان جان الله هداه وقعد خلتحلي معاه وتدلعه من الكلام الحلو وتبين له حبه وشوقها له
خلتجرب ما يمنع .. وتشوف شنو ردة فعله اذا ما همه
خلتحاول مرة ثانيه بعدها لا تيأس لابد قلبه بيحن ويعطف شوي
ونصيحه لا تعوده ان اهلي يودوني غلط بصراحه
الزوج هو المفروض يوديها لابد بيشترون كسوة ولا مستلزمات البيت غير الجمعيه
غير اليهال يبون حان ابوههم اكيد
والله يعينها

الله يكون بعونها
بس الموضوع ما ينسكت عليه ولا يتطوووف حده كبير وما في عدل
خل تكلم أبوها او أخوها الكبير يتفاهم معاه ويحط حد للسالفه بنات الناس مو لعبه ولا أهي ديكور حاطه بالبيت الله يعينها ويصبرها

الله يعين بس اشوف الموضوع يبي قعده معاه ووقت مناسب تطلب منه لو يوم في الاسبوع يطلع معاها وبهدوء من غير تشنجات وعصبيه ومالها حق تحاسبه على طلعات ربعه لانه يعتبر البيت والعمل مسؤليه وربعه تغيير جو
ولا تكبر السالفه لانه الدنيا مو طلعات ودخلات وبس وتحمدربها فيه حريم تصبح على طق وتمسي على طق وبعضهم على كلام يسم البدن
وعلى الكلام ترا بعض الناس طبيعي مايحبون يتكلمون يعطيك الجواب ومختصر وانتهى يعني القرق الكثير يوجع الراس فهذي طبيعته

الله يكون بعونها بس شتسوي بعد هاذي ظروف عمله مجبور عليه ..
خل تشوف غيره اللي دوامه لي 12 الظهر وهم ماتشوفه لي الفير
عالاقل مايحب يسولف ويحب الهدوء بس مو نجري وكارهها ولا يهينها ولا يطقها بدون سبب نفس وحده اعرفها
حبيبتي ارفيجتج محتاجه انها تشوفلها شغله تسليها وتقضي فيها وقت فراغها
صدقيني هالشي بيشغلها ويلهيها عن ريلها شوي
لما تلهي بشي اهي راح اتحس بنفس شعوره تبي وقت حق الراحه والهدوء
اكلمج وانا مريت بهالتجربه مثل ارفيجتج وششغلت روحي بالبزنس
والحمدلله صرت ما اهتم وايد متى يرد ومتى يروح وشوي هدت اعصابي ووحدتي
حسيت اني صج انشغلت ولاهيه وحايسه ووقت الفراغ ابي ارتاح وابي ريلاكس
واذا اهو مايحب يسولف وايد مو مشكله اهم شي تقط راسها على صدره وتقوله جم كلمه حلوه تريحه عقب عنا الشغل والدوام
خل تخلي السوالف بينها وبين ارفيجاتها وخواتها وتلهى معاهم بعد مو لازم بس الريال خصوصا اذا ظروفه جذي

حبيبتي خل أتبين له ان لها حقوق عليه وان لازم يكون لها وقت معاه ولا يصير أناني كل وقته له ولاجنه في أشخاص بحياته الصراحة الله يعينها ويصبر قلبها

مشكورين كلكم

البنات ماقصرووو