الزواج من عربي

قوة حبوبات
بستشيركم فموضوع بيخص واحدة من أعز صديقاتي و اهي مو عارفة شتسوي …
الموضوع باختصار أنها متعرفة على شاب عربي و ميتة عليه

يعني باختصار حابته و اهي كويتية طبعا كل الناس خير و بركة لكن هذي مشكلة تواجه الكثيرات ..
بصراحة أنا شفته و الحقيقة أنه شاب وسيييييم يهبل ماشالله هو وأخوانه مزيونين اشكثر ماشالله
( لو زوجي يسمعني )
المشكلة أنه بيتقدم لخطبتها و اهي مو عارفة يعني مترددة صج تحبه و يعجبها و حتى مادياته زينة يعني مو طمعان فيها بس اهي ما تدري اذا بصير اندماج مع عايلة مختلفة و تقاليد مختلفة و اشياء كثيرة أكيد المتزوجات بيعرفونها
بنات من الآخر منو بتنصحها تاخذه و مين لا و شنو الأسباب

المايك معاكم

الموضوع
مو محتاج استشارة
هي تعرف اهلها
يوافقون ع الزواج من غير كويتي ولا لا
يعني في اهل مجرد يدرون بنتهم
متعرفة ع واحد ومعرفة رفيجاتها عليه وع اخوانه
بيعيدون تربيتها
وفي ناس بهالحالة بيزوجون بنتهم ويفتكون منها
وفي ناس يرحبون
وفي ناس يقنعونها تاخذ من ديرتها بالحسنى
عاد الله اعلم وهي اخبر باهلها

بس حتى مقاييس اختيارها
اعتمدت ع جماله هو واخوانه
انا خابرة المرأة تنكح لجمالها

مشكورة حبيبتي ناتشو
لا اهي البنت و الله أخلاقها وايد زينة و مو معرفة احد عليه انا بس شفتهم من بعيد لبعيد لأنه معاها بنفس الشركة

up up up

أذا الريال زين ويقدر يتكفل بكل شي بزواجة ويتحمل مسوليتها فليش لا يعني الكويتي منزل من السمااا ياما بنات خذووواا الكويتي أكثر ناس مصايب ومشاكل (لافرق بين عربي وأعجمي الا بالتقوة ) وأهم شي خلتشوف اهلها يرضون ولا لا

مشكورة حياتي .. هي مالها أحد يعني أهلها متوفين و تبي تعرف رأي العموووم شنو يقولون و شلون يفكرون

مافيها شي عادي بشرط تحط في بالها الإختلافات سوا عادات والاهل ومكان السكن و مصير الاولاد بعدين … وتفكر لبعيييد لان مثل ما يقولوا الحب اعمى في اشياء الحين هي ماتشوفهاا في شخصيته لا تتسرع ..

زين اذا ماديته زينه
ليش متغرب عن ديرته؟
ولي متى الغربة
ناوي يستمر طول العمر هني؟
جم عمرها
تحس ان فرصها قليله ويمكن مايجيها غيره؟
خل تستخير
وتفكر بكل شي
يعني مالها خوات اعمام خوال
محد يصير لها؟

ما انصح بهالزواج بالمرة باجر تروح السكرة و تيي الفكرة خل تصبر وتاخذ كويتي تضمن مستقبلها و مستقبل عيالها

الحقيقة انا مادري عن التفاصيل لكن ادري ان اوضاعه ميسورة و هله عايشين بالكويت من زمان و لمتى الغربة ما ادري … و بالنسبة للعمر اهي و اهو لسا بالعشرينات يعني ثنينهم لسا توهم بس تعرفين الحب و ما ادراكي ما الحب هههههه بس سالفة العيال و الجنسية هذا بالظبط الشي اللي محيرها !

اب للافادة

تستخير اكثر من مرة
و اذا في صلاح لها الله يسهل الامور ان شاءالله
و اذا في شر الله يبعده عنها و يرزقها باللي احسن منه

لا توافق عمرها بالعشرين تنطر نصيبها احسن
باجر بيصير اختلاف وايد بالعادات وكل شيء شلون بيربون عيالهم !!
وكل واحد منهم تربى على شيء معين

حلات الثوووب رقعته منه وفيه

عادي رفيجتي مو بس كويتيه لا بنت اصل وفصل وزوجها مصري وعن حب خذته وماشاء الله تبارك الرحمن الله يتم عليهم فل الفل حياتهم ويابتله بنيه بعد
حسب حبيبتي الريال واخلاقه واهله خل تستخير وتفكر مليون مره الريال مو بجنسيته