ميته قهر منه حسبي الله ونعم الوكيل

السلام عليكم

بدش بالموضوع,,,

انا واااثقه بزوجي حيل ,,وكله اقرا بالهقسم جم وحدة كانت واثقه بزوجها وبعدها انصدمت

المهم اهو كله يمسك فونه ومايخليه ابد حتئ وهو بالحمام عزكم الله شي غريب صارلي سنتين تقريبا متزوجه واقول عادي ماكو شي بس قلبي قرصني وقلت يمكن فيه شي امس عطاني فون عشان ياخذ اشعه وانا بغرقة الانتظار فقلت خل ادش واشوف محادثاته مع رفيجه فلان>مو مظبوط رفيجه وخايس
>المهم بالواتس اب شفت المقاطع والصور جان القئ مقطع رقص حق وحده عربية قلت خل ادخل على المحادثه يمكن رفيجه دز المقطع والمصيبه زوجي هو اللي دازه وكاتب >اويلي علئ اسم الدوله
انا انصدمتتت

وصورت من فوني علي السريع وبعدها جا وعطيه فونه وانا ودي اهفه فيه ردينا البيت وحطيب ببالي اذا نام ياخذ فونه واقرا المحادثات حطيت نفسي نايمه 3 ساعات لين نايم وتسحبت لين خذت فون ويالتني ماخذته جان اقرا كلام يعور القلب يقول حق رفيجه انه عنده وحده معاه بالكلاس بموصفاتها الجسميه والشكليه انها كيكه وانه بالكلاس ..احم احم.يوميا عليها حسبي الله ونعم الوكيل ويقول حق رفيجة انه يشرب ويحشش بالبار وحوله بنات انا اهني صابني رجفه قويه اعوذ بالله هذا اللي متاكده انه ماعنده خربيط وكلام واجد كلهم صورتهم عشان اوجه بدليل المهم قعدت شوي وقلت خل انسي والصباح رباح وانا بمكاني شبه منشله ودموعي وقلبي محترق عليه
المهم ريت ولا قام يبي يشوف الساعه بفونه ولا انا جايه احطه قالي انتي ماخذته قلت لا كنت ماخذه الشحن وسكت لاني بلحضتها ودي احط الطاوله علئ راسه المهم قاعده بسرير وقاعد يسالني 3 مرات انتي ماخذه فوني جاااااااااااااااااااااااااااااان اعصب وابطل الباب وليت واصارخ عليه واقوله اي اي ماخذته ياللي ماتستحي ووووووو وحلفت لا والله كلام ومادري شنو رحت وقعدت ابجي بالكراج من القهر اللي حاشني ويجي ويحاول فيني اصدقه بس خلاص قفلت قلتله طلاقني وقلها انتي طالق بكل برود المهم يدزلي بالواتس اب ويحلف انه كلام شباب وكل الشباب جذي وحلف بالمصحف انه ماكو بنت بالكلاس وهذي من مخيلته عشان يقهر رفيجه لاننا بغربه مو بالكويت وكله كلام مو صج انا اهني ماقولكم صدقت بس مدام حلف بالمصحف ويحلف انه يجذب علي رفيجه هديت وقام رضاني وسمعني جم كلمه تطيب خاطري وبعدها هو نايم وانا قاعده علي اعصابي ابي يطلع الصبح عشان اكلام اختي لاني ميته قهر منه المهم اختي قالتلي الرياجيل جذي وتحملي مدام بس جذب وماعنده صج خرابيط وقالت دقي علي امي راح تفيدج اكثر المهم كلمت امي وقلتلي مصايب حريم تشيب الراس وقالت تحملي وكلاميه وتفاهمي معه بدون اصراخ والرجل ماعليه الف وحده تمني من شهادته ووووووو وانتي الخساره وقاعده تحاول تهديني عشان اعقل

وهو حس اني متضايقه وحاول يسمعني كلام حلو وحلف مراح يكلم ربعه مره ثانية بموضوع فيه بنات ووصف ووو سوالف اخره

بحاول انسي الموضوع بس مو بيدي قهرني مع العلم ترا هو مره خذه لابتوب قبل سنه وقرا محدثه مع اختي بموضوع خاص عن الماضي وقال انا كنت شاك وابي اتاكد والحين انا قلتله كنت شاكه وابي اتاكد فانجعم

فوفو22 رايج حيل حيل يهمني وكل البنات علئ العين وراس

خلاص ما دام انه حلف لك انه كله كذب لا تقعدين تسوينها دراما وبكا ترا بكذا الرجال بيطفش منك,
حاولي تعدلين نفسك وتشوفين وش مقصرة بحق زوجك وتجذبينه لك , مثل مقطع الرقص ما خلاه يشوف مقاطع رقص بنات الا لانه ما شبع من زوجته ارقصي له نكتي وسولفي واضحكي و اسهري معاه وتدلعي لما تحاكينه ودلعيه زي كذا .

لك

والله لوانابدالج اعلمه منو اللي بتقعد له

^^^^^^^
الله يهديج شكو دراما من عذرها حرام تبجي وحالتها حاله استغفرالله حسي فيها بالاول
من اولها دراما شكوووووو هههههههههههههه

حبيبتي انتي غلطانه ليش تاخذين جهازه ،

وفعلا ترى يمكن لاعنده بنت ولا شي ودايم الشباب جذي سوالفهم ….

تلقين مو مسوي شي بس اللهم كلام انا وانا ،،،ألخ

وكلللهم جذي مع ربعهم ،

انتي تزعلين لي كان مو قايم بواجبه الشرعي او مقصر عليج او البيت ،،الخ

لا تخربين على عمرج انتي معاه بغربه يعني حطي له اعذار
ترى الغربه كئيبه يعني لاتزيدينها عليه وتعطين الشيطان فرصه
يوسوس لج وانتي قلتيها ماعنده هالسوالف من قبل !!

خليج عون له والصدر الوسيع له وحاولي تملين عليه وقته
يعني طلعوا سوي لكم جدول رحلات باختصار شغليه فيج

الله يهدي سركم ويوفقكم

انا ايضا مصدقه ريلج

هم كذا الرجال بمجالسهم الخاصه

هاذي هي سوالفهم مع بعض

واحيانا يتخيلون امور ما حصلت ……حتى يميز نفسه عن ربعه

انفعالج كون هالموضوع اول مره طبيعي

ولكن الاستمرار به غلط ….

الحل

1-عطي جرعه كبيره انك مصدقته ومسامحته وانه حبه ما تغير بقلبج
2- ما افضل هالامور الخاصه توصل لاهلج
3- وضعه يشوف الواتس اب بالحمام طبيعي لاني نفسه هههههههه
4- تذكري انكم بغربه……وبالغربه لازم تكونون مو زوجين انما اصدقاء واحباب تتحملون اخطاء بعض
5- حلو اعتذاره منج …..هذا دليل على حرصه على مشاعرج
6-مو كل مشكله الزوجه تطلب الطلاق ……ممكن الزوجه تغضب تزعل تتناقش مو مو حل الطلاق ابدا

فوفو

لا تنقهرين ولا شي كل الشباب غشمرتهم جي ثقيله ودام هو بالخارج ليش ما تزةج من الخارج ما عليج هذا ريلج ويحبج

بنات استريحوا حبيباتي كل وحده تحط نفسها مكانها

الله يكافينا الشر

والله انكم بتموتون من القهر والضيم اعوذبالله

شوفي حبيبتي دام انج بالغربه .. سامحي وحتى لو قلبج شايل عليه ميخالف سوي نفسج طنشتي بمزاجج

وكيفه بينه وبين ربه لمن حلف حتى لو جذب عليج

المهم انتي نفسيتج لا تتعب واهلج لا تدخلينهم بالموضوع

الله يكون بعوونج

بس ما اعتقد انه فيه شي جايد
لسبب

انه عطاج فونه بالاشعة و ماكان علييه باس وورد

لو انه فعلا فيه بنت

جان حط الباس وورد على الايفوون

لانه الريال المخطي بيفكر بالف طريقة طريقة علشان ماتجكينه

البنات كفوو وفووو

انا عندي دام ان الريااال زين حتى لو يخون قعدي بيتج و تمسكي بريلج زمانا يخرع الحين المحادثات بين البنات و الشباب صارت بكل مكااان بي بي ام تويتر انستقرام

يعني الله لا يقوله لو وحدة تتطلق علشان كلم تضمن عمرها انها بتتزوج واحد ماعنده ماضي ؟؟

التنبش والتجسس على الزوج اييب مشاكل

ومادامه حلف خلاص ماله داعي اتكبرين الموضوع

كلام الخوات صح

مدام اهوا مومقصر معاج بشي ومهتم فيج وحلف لج خلاص سامحي ريلج ومثل ماقالو الخوات بعض الرياييل يحبون يتفلسفون وايد
ولما تصير الصجيه يخافون ،، عطيه فرصه والله يخليكم لبعض يارب ويهديه

فوفو رايها عين العقل

كلمه وحده مافي غيرها …
دام حلف و راضاج ما حقرج طوفي السالفه كل الرياييل لهم عرات نزوه و تعدي و الحمدالله يت على سوالف و صور والله في رياييل سوالفهم اوصخ / على اساس نزوه و تعدي و كل مره بشطارتها تخليها تعدي بسرعه