بتسوين مساج لبو الشباب تعالو اقولكم تطبيقي البسيط

اول شي المساج متى يكون ؟؟ بالنسبه لي ما بقول لج بليله خميس او ويك اند ماله داعي .. سمعيني
يكون توه راد من الدوام يهدا ويتغدااا ويمزج وتحطيله استكانه الجااي ومشتغل جدامه التلفزيون او ايا كان المهم يلهى شوي …
عقب تزرقين الغرفه وتكونين مزهبه الي بقولج عليه:
انا عن نفسي عندي كفر للفراش ابيض سميك استانس عليه مريييح.. شسوي فيه؟؟ اشيله واصفطه بالنص بحيث يصير جنه دوشق بس متين ومنفوخ .. اخذه واحطه عالارض بنص الغرفه وتركي عنج السرير غيري جو حسسيه انه بمكان صيني وجو ثاني..

داير مدار الفراش جم شمعه الموجودين عندج لو اربعه وتوزعينهم عند كل طرف يعطون جو حلوووو

يم الفراش اللي بالارض حطي سله صغيره فيها فوطه ( مالت الايدين الحجم الوسط ) وتلفينها بحيث تكون اسطوانيه .. وبنفس السله زيت للمساج يكون زاهب يمج

وبالنسبه لزيت المساج انا عندي زيت اسمه هملايا واااايد سلس وحلو للمساج ناااااعم ولا ينشف يعطيج راحتج ع الاخر وريحته فرش لقيته بلولو هايبر .. عموما تاخذين هالزيت وحطيه اما بطاسه صغيره او شي زاهب تصبين منه وتكونين قبل لا تيبين ريلج مسخنته بالمكرويف بس مو وايد عشان لا يطشر بس يكون دافي زياده طلعيه عشان ما تحطين على جسمه ويكش راح يحس انه مو مرتاح وخايف من اي شي بارد ينقزه وهذا ما نبيه …

وفي شغله حلوه سويتها تدورين بالنت على مقاطع موسيقى كلاسيك ( هذا طبعا قبلها بيوم او اثنين مو حزتها) المهم تنزلين المقطع .. وطبعا الاغلب عندهم السماعات المكبره وتشغلين بالغرفه( وانتبهي اذا زوجج ما يحب المعازف وجذي لا توهقين عمرج) المهم المقطع تكونين سامعته و حاسه انه هادي وكلاسيك خلاص اكدي انج تبينه ونزليه بجهازج وحطي الصوت عالوسط بالغرفه

واهم شي ريحه المكان ما بقولج بخري لا مو جو بخور الاحلى ريحه العطر الللي ايي مع الشمعه نفس الي ابدي شوب يكون فخار وداخله شمعه وفوق تحطين العطر تصير ريحه المكان صج كلاااسيك

ومن الصبح تكونين مزهبه لج قطعه شيفون بيضا او اي لون حابه وتقدرين تسوين نفسي انا اروح حق اي بياع خام اقوله ابي نص متر شيفون ابيض وكيفج اذا حصلتي شي مورد ولا مشجر انتي وذوقج .. هالقطعه تاخذينها وتلفينها على جسمج نفس الفوطه وانتي طالعه من الحمام وطبعا الاغراء فيها اكثر ولا يكون شي تحتها عشان وانتي تسوين له المساج لو حشتيه بجسمج يحس بحراره جسمج ونعومه الشيفون وبدون تكلف …

اذا زهبتي كل شي

عقب تتاكدين ان كل شي تمام والجو هادي وبعيد لا يهال ولا غيره ناديه بطريقتج سواء من ورا الباب يا فلان تعال شوي او اذا ابيت اهله تحت وانتي فوق تتصلين عليه تقولين لو قاعد فاضي تعال عندي…

ومن يدش بيفهم انج مسويه المكان له لانج طلبتيه وقولي له حسيتك تعبان من الدوام قلت تريح هني شوي.. مو صعبه صح ؟؟؟

عقب تخلينه يقط ملابسه وطبعا يكون منبهر شوي يحس المكان غريب وهذا الاحلى يدري انج جريئه ومهتمه … عاد تذكرين الفوطه الاسطوانيه الي قلت لج حطيها بالسله ؟؟ هني خليه يقط كل شي ولفي له الفوطه على الجزء التحتي او ممكن بعد ما ينسدح على بطنه عل الفراش الارضي تقولين له قط الداخلي وتغطينه بالفوطه بيحس انه مرتاااااح…

ومن تحسينه دش بالجو مع الموسيقى والشموع والريحه الحلوه اخذي الزيت ودهني بيدج وحطي ايدج بالعدال على ظهره ورقبته وبدأي بتوزيع الزيت اول شي ..والتدليك اهو المرحله الثانيه ..
والمهم بالتدليك يا بنات لا تضغطون نهائيا على العمود الفقرررري ديروا بالكم لانه يتأذى وحتى عقب ما يخلص بيحس انج كسرتيه ههههه

شوي شوي وخلي حركه ايدج خفيفه ودورانيه اكثر وعلى فكره ترا المهم بالمساج الايحاء انتي توحين له انج فنانه بالمساج بس بمجرد ما تغيرين بحركات اصابعج ومره سريع ومره خفيف ترا الرياييل مو طايحيين على طول بالمساج يعني صعب يميز الفنون بس حركاتج توحي له انج عجييييبه

والاهم لا يكون المساج من اصابعج من فوق يعني مو بحده جنج تغرسين اصابعج وانتي تحركينهم ولا تنومين كفج على ظهره جنج ادهنينه لا … شفتوا مكان البصمات هذا الاصح ….

وادري طولت عليكم بس قلت يمكن احد يقرا وناطر فكره صغيرونه

سي يووو يا حلوين … الله يوفقكم كلكم ياااارب