|
|
يابنات قريت موضوع باحدى المنتديات الي مسجله فيها
وكان نازل موضوع شبه خيالي عن الرومانسية حق المتزوجات
وكله كاتبين له كوني وكوني
انا طفرت، جان اقول فرضا "مابي اكون"
شلوون يعنيييييييييي؟؟؟
يعطوون نصايح رومانسية بس اقرب للخيالية يعني!!
يبونج 24 ساعه حاطه مكيااااج
و 24 ساعه لابسه اكشخ لبس
و 24 ساعه مافيج لاغلط ولا عيب
ترى احنا اوادم مو مكاااين !!!!!!!
والمشكله انه يعطوونج جدول يومي
اشلون تكونين 24 ساعه كاشخه وراصه روحج بهاللبس الضيج
والمكياج الاوفر!!!!!!
ترى هذا بالنهاية المفروض يكون بيتها وتبي ترتاح!!! اهيه عايشه ببيتها !!
مو عايشه بالافينيووز لازم 24 ساعه لابسه بدله وكعب ومسوية بف
عسى ماشر؟ بتقزين بالغرف مثلا؟؟
:
فـــ يه هالموضوع على عبالي وألفته من العصبية :
كاااااااااك
( لن اكون رومانسية )
لن اكون رومانسية لاجذب انتباه زوجي واكسب حبه
فيكفيني فخرا ان عشقني بهلاقتي !!!
لن استشور شعري، لاجذب ناظريه
فكافني فخرا ،، ان عشقني بكشتي التي عندما اقف امام الشمس، اسوي ظاهره الكسوف (مثبت علميا)
لن اضع المكياج، لاكون الاجمل في عينه
فكافني فخرا،، ان عشقني ومعه كشف الاحصاء السكاني لعدد الحبوب في وجهي. ( اخر احصاء سنة 2024 عن عدد ينهاز ثلاث حبات يسار بسبة الدورة، وحبتين بيبهتي بسبب فاوندشين مغشوش)
لن البس من لاسنزا، ليفتتن بي!
فكافني فخرا، ان عشقني ببجايم مجمع مستورة ( افضل طرق التوفير)
لن انظف المنزل من الغبار،، لاكون افضل ربة منزل،
فكافني فخرا، ان عشقني فوق الكثبان الرملية المتراكمة فوق كل طاولة ( حب صحراوي )
لن احف شواربي ،، لاكون اجمل وجه ينظر اليه
فكافني فخرا ،، ان عشقني وانا احلف على شواربي بحبي له ( اصدق حب)
لن ارقص له،، لاكون فاتنته
فكافني فخرا،، ان عشقني وانا جاثمه على لابتوبي وكشتي تحجب الشاشه عنه ( للخصوصية)
لن اسمعه كلام معسول،، لاسرق قلبه
فكافني فخرا،، ان عشقني وهو يناديني فلانه اقول له " هااااااااااه " مع حنج يطق الارض ويرد مكانه (تعتبر هاه اسرع وسيلة استجابه عند المناداة)
لن اشد حيلي كباقي البنات واعيش الاحلام الرومانسية
ولن ارهق نفسي بالخلطات وساعات طويله امام المنظرة للتمكيج!
حتى اكون رومانسية !!!
الن اكون اسعد انسانه لو بلعني هالانسان بكل عيوبي ؟؟
.
.
.
.
.
.
.
( هذا ويهي اذا استمر عندي يومين )
ههههههههههههههههههههههههههه
خخخخ عفيه مو تنرفزكم النصايح الرومانسية الي عايشين بزمن رحلة عنابة ؟؟ 
–> اوووللله شلون طرت على بالي
روعه كلامج
بس الا حف الشوارب يووه راح اقلب واحد من الربع هههههه
استمري فديتج بهالطرح الممتع
الله يوفقج يارب
ماعجبتني الا كلمة هااا كل يوم انزف عليها من امي 
نبي كسر روتين بالقسم
صج انج ابداع
>>هذا المستخدم فاطسن من الضحك
الله يقطع عدوج فقدت ضحك
عفيه عفيه
بلا رومنسيه بلا بطيخ ، عاد احنا شماخذين منهم ياحسسسره غير عوار الراس
يعطيج العافيه ،، مواضيعج مميزه >>متابعتج بقووووووووه
اهو صج الوحده مو لازم اربع و عشرين ساعه زقطه بنقطه لي متى ايييف والله تعب
ع الاقل لا تمكيجتي مكياج اووفر يحس في شي يديييييد
ياحلو بجايم سنوبي و بيتي بوب :/
والتغير مطلوب عشان يكون للشي طعم
اذا كل وقت كاشخه ماراح يحس بكشختي
واذا طول الوقت مهلقه ماراح يحس بأنوثتي
لازم تغيير ومزج بين الاثنين طبعا ماقول قعدي بكشه ودهني شعرج بزيت املا ولبسي نفنوف مشقوق وريحته طباخ بس لبسي شي ناعم ومريح ترتاحين فيه وهم كسرة روتين انج طبيعيه ومو كاشخه ..
صج صج كلامج حده صح.
ترى حلو الوحده اتكون على طبيعتها.. ومن فتره لي فتره تكشخ. عشان يحس فيها.. اذا كله كاشخه يمل ترى.
يعطيج العافيه
بالنسبة لي البساطة احسن شي .. مو كل وقت كاشخة ..
اما انا اللي عجبني مجمع مستورة كككككككككككككككككك ياحلووو فحيحيل بس
فكافني فخرا ،، ان عشقني وانا احلف على شواربي بحبي له ( اصدق حب)
لن اضع المكياج، لاكون الاجمل في عينه
فكافني فخرا،، ان عشقني ومعه كشف الاحصاء السكاني لعدد الحبوب في وجهي. ( اخر احصاء سنة 2024 عن عدد ينهاز ثلاث حبات يسار بسبة الدورة، وحبتين بيبهتي بسبب فاوندشين مغشوش
ههههههههههههههههههههههه اول موضوووع اغشي عليه ضحك من دشيت المنتدي
قواج الله ههههههههههههههههه
موضوعج حلو تسلم ايدج
حبيتج وحبيت مواضيعج
دمج عسل الله يحفظج
بس هاااااه هذي تطفر كل مره لازم يعلمج قولى نعم
والله من امس وانا كل ماتذكر ردج على وحده اكركر بروحي
صج صج ابدااااع
هههههه ….. مزضزعج حدده فله
تسلمين