ظاهرة منتشرة بين الازواج تقشعر منها الابدان

طبعا هالظاهرة منتشرة بنسبة كبيرة عافانا الله واياكم. ظاهرة انه الزوج طول ماهو بديرته ريال محترم وكلمته ماشية ونقاد ويبين لربعه دايم انه مرته اللي اهيً(حلاااااااله) انه ريال عليها ومايعطيها ويه وماتسوا بيزة وطاقها بالطوفة. المضحك المبكي بالموضوع انه هالريال يسافر مرة بالسنة وبهالمرة يبيع دينه بعرض من الدنيا يزني ويسكر يلعب لعب جنه الله بس بديرته وبرة ماكو استغفرالله لا وتلقونا يصور العاهرات يدزهم لربعه طبعا الحين هالواتس سهل كل شي يفتخر ابنت الحرام وصار ابد اهو والخروف واحد هههههه شي مقزز ولكن والله وتالله موهالظاهرة منتشرة بشكل مخيف نسأل الله العافية المشكلة يقولج بروح اغير جو. هههااااااي اموت بتغيير الجو ياسي السيد علا حلالك مرتك وخروف عند اول بنت حرام

الله يبعد شباابنا عن الحرام يارب،,~>

وربي يهديهم

..مانقدر نسوي شي الا ندعي لهم بالهدايه هم ماخافو من ربهممم بيخافون منا,~

اي يقهر نئ اللي رجال علي مرته. وعند. رافيجته يتذللها عشان ترضي عليه

الله يستر على بناتنا والله لا يبلى اي انسانه مؤمنه وبنت ناس وحموله بواحد جذي ..!!

ومعاج حق ياكثرهم

حبيبتي المجتمع يتحمل جزء من المسؤولية لانه الناس لو شافوا واحد مرتاح مع زوجته ويلبي كل طلباتها يقعدون يعايرونه انه سكانه مرته وغيرها من الالقاب
مجتمعنا ما يتقبل ان هالزوجين بينهم حب وتوافق عشان جذي الريال يسعى انه يبين العكس

انا كلش ضد الريال الي يسافر من غير مرته .. وسفرات الربع مرفوووضة

اختلف معك انها ظاهره

النماذج اللي قلتي عنها معدوده

كثير رجال يخافون الله بزوجاتهم …………..ويقدرونهم ………ويعرفون الحلال والحرام

فوفو

الله يصلحهم ويهديهم بس المفروض بالعنوان

يكون الأزواج والزوجات بنظري مشترك

فيه خروف وفيه خروفه

نسمع مثل ماسمعتي أو شفتي

وحده تكلم واحد وتحبه وهيا متزوجه ؟؟؟؟؟

وزوجها المسكين طيب وعلى نياتكم ترزقون

وكل معاشهاااا لرفيجهاااا مطاعم وطلعات

وزوجهااا لو يطلبها عشره ولا عشرين

تقوله الشرع الرجل يصرف علي المرأه

وتكشخ وتطلع وتتعطر أحلا العطور

علي باله له لكن الله يمهل ولا يهمل

وكل ظالم ولا ظالمه له يوم وحسره

وندامه ؟؟

إما جنه بمااااا يرضي الله سبحانه وتعالي

أم النار اللهم إعصمني من النار لدرب الحرام

تذكرت حديث رسول الله صلى الله عليه وسلم

( من رئى منكم نار وقال اللهم إعصمني من النار
ثلاث مرات حرم الله جسده من النار )

والله ماكو غيررر درب الهدايه والصلاح

إمشي سيده يحتار فيج عدوك

اللهم إسترنا بالدنيا والآخره

نصيحه لكل متزوجه والله من القلب لكم
تبين الزوج تدخلين قلبه واضبي علي الصلاة
بأوقاتهاا تغيير لفس الزوج ٣٠٠٪
حكمة تعلمناها من أمهاتنا
علاج لسلوكيات الزوج مع مر الزمن

الله يهديهم

صاجه هالظاهره منتشره وكله حجتهم سفره ويه الربع بغير جو جنه الجو ما يتغير الا هو بعيد عن مرته

ليش ما تغير ويه مرتك حلالك

اصابع اييدج مو سوا
و كل ريال يرجع حق أصله و تربيته
و الي يبي يخربط برا الديره يقدر يخربط داخلها

الدنيا للحين بخير

من قلت الايمان بقلوبهم ولا تلاقيه يصرف على بنات الليل بالالاف كنه بنك متنقل ويتفاخر ويجاهر بالمعصية ناسي عذاب ربه اذا بليتم فاستتروا واليوتيوب شاهد

يسكر يلعب لعب جنه الله
حبيبيتي شهالكلام شلون يسكر كنه الله
حرام

الحمدالله مامرو علي رياييل جذي وان شاءالله مايمرون

بصراحه عايلتنا كلها ما فيها جذيه سواء اهل زوجي او اهل امي وابوي قد يكون في تقصير من ناحية الصلاة بس الخرابيط جذيه مو ظاهره في الكويت وترى حتى رفيجاتي والرياييل اللي معانا بالدوام حتى لو كان مغازلجي ويحب البنات ومقصر بالصلاة لكن اهل بيته لهم كل الاحترام ولهم الاولوية وخذيها قاعده الطيور على اشكالها تقع

هذا الشي يعتمد على الرجل ومن يرافج , لأن الصاحب ساحب
وبعدين اللي مايخاف من الله ولا يصلي راح يبلاه ربي بكثرة المعاصي اللي تنكد عليه حياته , والعكس صحيح
قال تعالى ( ان الصلاة تنهى عن الفحشاء والمنكر )
واحنا اللي علينا الدعاء لهم بالهداية والصلاح