جبت العيد,,وربي احرااااج

السلام صبايا

ذاك اليوم اليطان لعب براسي و قمت انبش بتليفون ريلي طبعا مو الايفون لانه ماينزله من السيارة بحجة انه ولدي يلعب فيه
نبشت بتليفونه الثاني بو ليت

وطبعا صندوق الرسايل و المرسلة و سجل المكالمات يفضيه قبل لا يدش البيت جان ادور بالاسماء و لا القى رقم باسم "بب" ويمه قلب
جان ادق على الرقم من تليفوني و بصراحة ما ميزت ان كانت مرة و لا ريالمن الخرعة قلت اسفة غلطانة و سكرت ومنها قعدت كارهة الرجال واحنا اصلا كان الجو مكهرب فزادت هالسالفة من التوتر فيني و قمت اكل بعمري ثلاث ايام وبالاخير تجرات و قلتله شهالرقم قال مادري قلت دق عليه و حطه سبيكر خل نشوف منو>>> يعني صايدة الحركة
دق و لاريال علاقته معاه رسمية حيل قاله اسف اليهال يلعبون و سكر و سيدة لبس ملابسه وطلع و لا كلمة و انا
دزيتله اسفة و سوري و عمات عيني و لا رد
بنات لاتلوموني يعني السالفة تشكك الواحدبعدين هو له سوابق بهالسوالف و واجهته قبل واعترف و تاب و رد وتاب يعني مو مضمون
شسوي؟؟؟
وبعدين بصراحة حتى لوطلع براءة من هالسالفة انا متاكدة انه مو خالي بسالموقف كان حده بااااايخ

علاقته رسميه مع الريال وحاط بب وقلب ؟

مادري والله شيقصد من هالحركه اي حط اسمه دام بينهم رسميه

وكلنا عيالنا تلعب بتلفوناتنا وتخربهم وتكسرهم

خليه ينزل تلفونه ويرفعه عن ولده عن هالسوالف الماصخه

اما اذا انتي راضيه انه يخليه بالسياره براحتج

والله يبعده عن كل سوء

.

انزين علاقه رسميه ليش ما يكتب اسم الريال
ما تنلامين ليه شكيتي صراحه ..

عموما انتي تاسفي من ريلج لانه حطيتيه بموقف محرج مع هالريال
و كلميه بهدوء و قوليله انه الاسم شككج

ههههههه ضحكتيني جنج انه اذا ادور السوو والبلا < نحاسة حريم

عادي ترا الريال بعضهم مالهم خلق يكتبون الاسم تلاحظين الاسماء الله لا يوريج
بب وتيتيتي هههههههههههههه

خلاص حياتي لاتحاتين ومافي احراج بين الزوجين بتنسينها بعدين

روحي اعتذذريله وغيري جوه وخلاص ^_^

ليش ما ينزل الايفون من السياره !! فيه بلى ريلح

ما ألوووومج الصراحه ……. بس امانه شستفدتي غير ان اكلتي بعمرج تبين تجيج الحره وتمرضين

انسيه شيليه من بالج تكفييييييييييييييييين منو الحين مايخون زوجته !!!!!!!؟؟؟؟؟؟؟؟؟

الا الي الله سبحانه هاديه غيرررررره انسي احنا بزمن ابتلاءات

شوفي دامه مو مقصر ع بيته طنشي طنشي الا اذا السالفه وصلت للزنا لا

وفكري بنفسج وبعيالج وبالي يحبونج …. نصيحه طنشيه لاتركضين وراه مرده لج

واحتسبي الاجر

الله يعينك الوسواس اذا دخل بيت الزوجيه والشك تنعدم الثقه .. بس انتي لا تفكرين ولا توسوسين ادعي ربك انه يهديه لك ويسخره ويبعده عن الخرابيط ..

الله يوفق الجميع

من صجج!! راضيه انه يخلي تلفونه بالسيااارة اكييييييييييييييييييييييييييد عنده شي اصحي

مثل ماقااالو لاتاكلين بعمرررج انتي ماغلطتي الاسم يشكك ..والي يزيد شكج ان الايفون بسياره شدعوه ماينزل :$
بس انتي ماغلطتي حياتي فلا تعبين روحج وضميرج يانبج

ما ينزل الايفون من السياره عشان ولدج لا يلعب فيه!!! عذر اقبح من ذنب خل يدورله جذبه سنعه

استغفر الله عبالهم حريمهم لي طوفولهم جذوبهم اللي لي الراس مطوفينها غباء مايدرون ان عارفين و بالعين موس و ساكتين

المفروض كل وحده تطنش وتريح بالها
ليمتا نتعب ويزيد الضغط عندنا واهم ولا مهتمين فينا
ادعي ربج له بالهدايه هذا اللي ينفع
مو التجسس من وراه
والله يعينج علا هالموقف

الله يهديه

الله يعينج

هو الغلطان هو يجيب الشك لنفسه
ولا ريال و علاقته فيه رسميه حاطه بب و قلب !!!!!!!!!!!
بس زين سويتي ههههههههههههههه
اهم شي بردتي قلبج

اهم شي القلب ماله حل لول