هل تذمين بريلج جدام الناس خوفا من

السلام عليكم

انتي من اي النوع من النساء

وووووووووو

هل انتي من البنات اللي تذم بريلها جدام الناس خوفا من العين أو ان ياخذونه منج أو لاي سبب اخر

لما اتزوج اقولج

وثانيا خاف من العفريت يطلع لج

شكو اذمه !!!

لا ما اذمه امدحه وجنه العيد

انا لا اومه ولا امدحه ةلا اسولف عن رجلي عند الحريم

لانه مو حديث لهم اقولهم شصار ماصار من زين وشين

فا احفظ في داخلي احسن

لا هذا ولا هذا …وما حب هالنوعيه من الحريم ايللي يذمون رياييلهم او يمدحونهم جدام الناس ..تطييح من عييني

ما أتكلم عنه نهائي

بصراااااحة ذمي قولي اي شي عنه بس لااااااااااااااااااااااااااااااااااااااااااااااااا اااااا تمدحينه جدام الحريم لان بصراحة في حريم عيوووونهم أرض أرض لااا إلا أرض جو بعد
شكثر اعرف حريم ريايلهم مدلعييييييييييييييييييييييييييييييينهم أخر دلع وكله تقول واي ريلي مايوديني ما يعطيني ماعنده فلوس كله طالع …. الخ تحلطم تحلطم وزوجها معروف عنه انه خاتم بايدها !!!!
انا ما اقول ذمي
بس المفروض نحط لسانا بحلجنا ونسكت
انتي وزوجج محد له شغل شنو بينكم
والله يهدي كل زوج ويسخرهم

انا ماتكلم لابزين ولاشين محد له شغل

بس عندنا وحده بدوام تمشي وتذم بزوجها مايعطينى ومايودينى ومايدرى عنى واخاف يتزوج على ويطالع بنات ماااااااااااااخلت كلمه على الريال ماقالتها

وانا اعرف اختزوجها من ايام الدراسه ناس دينين وزوجها سنع ومحترم فاتح لها بدال المحل 2
وبيت يالله من فضلك وخدم وسايق وسياره كل سنه اتيدلها وتروح وتى على كيفها مايحاسبها كله طالعه 24 ساعه هايته وتدور
ويسفرها ……عبالها احنا مانفهم يهال خو كلنا حريم وكبار ماتستحى وموشايفه خير عيب زوجج ابو عيالج امقطعته جدامنا الحمدلله والشكر على هنوعيه مريضه نفسيا يعنى لو تسكت احسن مولازم اتطيحينه من عين الناس

صااااااااااااااااااااجة

,

ماذم ولا امدح
والناس ماتعطي خير

وش رايك انو صاحبتي الروح بالروح دايما تشكي لنا انا وصاحبتي الثانية ان زوجها مو زين معها

وانا وصاحبتي نصدقها مع ان احنا نشوفها تلبس الماس وتسافر وفاتح لها بزنس بعد

بعدين صاحبتي نبهتني انها تكذب علينا خايفة من الحسد مع احنا الحمدلله كل وحدة مستقرة مع زوجها ووظيفتها

تركناها الحين دام هي خايفة منا نحسدها ليش تحرص على صداقتنا؟؟ الله يهديها

اتطيح من عيني اللي تذم زوجها عند الناس وتكسر خاطري اللي تمدحه

لا امدح ولا اذمه كل شي احفظه لنفسي مااسواف عند الناس فيه

انا اشتغل بمنطقة بالاندلس

اكثر ناس يخافون من العين هم

اشلون؟؟؟؟؟

اللي بتسولف عن عدد عيالها تقول عندي خير من الله

وسنين وبنين وانا وياهم ما اعرف هاذي جم عنددها وهذيج جم …..لله الحمد والشكر

وانا عيالي حاطه صورهم بالمكتب ومؤمنه ان الله خير حافظ

زايد على كلامي ان اذا بسولفون عن رياييلهم يقولون

ابونا راح

ابونا جاب

ابونا حط

طيب ماله اسم …ماله ذكر …

بالاضافة الى

تدرون تعبت من الحجي

بس اكتشفت نفسي مع العشره لمدة سنين معاهم صرت مثلهم :d
:d
فوفو

انا ماحب الي كله تتذمر بزوجها احسها جذابه لان لو صج صج صج ماتتذمر تسكت تكون مثل الي خايفه ان احد يلومها ولا الي تمدح وتطيره بالسما

آذمه .. لآ حرآم مآيهون علي ..

بس مآذكر كل محآسنه .. يعني مو شرط كل شي ينقآل ..!