|
|
السلام عليكم
مشكلة صديقتي انقلها لكم …
بداية
تعرفت على شاب وصار بينا حب وود وكان يبي يتقدم لي بس كان يدرس وبعدين اختي كشفتني
واضطريت انفصل عنه مضت سنتين واحنا منفصلين وكان بين فتره وفتره يرسل ويسئل عني
يوم من الايام رجعت كلمته وقال لي انه مانساني وان لسه يحبني وشاريني وعرف اني ماتزوجت وهو بعد ماتزوج
رجعت علاقتنا وبعدها خطبني الاهل سئلو عنه وقالو خوش ولد
وتمت الملكه بداية حسيته طاير فيني يحبني ويدللني
بعد اسبوعين بالصدفه ماسكه جواله لقيت رساايل من بنات وااااااااااجد
حب وغرام وشوق وكلام بذيء واجهته وانهرت وبكيت وتأسف لي واعترف بغلطه
وقال انها نزوه ولجا لهالامور لان بعدت عنه
وسامتحته
واستعدت ثقتي فيه نوعا ما
ولكن يعمل بعض الحركات تشككني … سجل المكالمات في جواله ممسوح
اذا ماسك الايبود واقترب منه يسكره!!
مايستخدم لاب توبه قدامي
عموما انا قدرت اعرف باسورد الفيس تبعه والسكايبي
دخلت وليتني مادخلت آآآآآآآآآآآآآآآخ الم يعصر قلبي بموووت
محادثات غزليه حديثه حب واشتياق كلام اباحي
نفس عبارات الحب الي تنقال لي تنقال لهم
علاقات متعدده الجنسيات من المغرب ولبنان ومصر والامارات والبحرين والسعوديه واجانب من الي يدرسون معه!!!!!!!
بعضهم كان يدعي انه يحبهم ويبي يرتبط فيهم
والان يقول لهم انه خاطب وان اهله اجبروه على الخطوبه !!!!!!!!!!!! 
وهذا كذب طبعاا
بعضهم اضافات قدييييمه من سنوات وبعض الاضافات جدد لكن التواصل مازال مستمر
البعض منهم تركو التواصل معاه وطلبو منه يحترم حالته الاجتماعيه كونه تزوج!!! طلع عندهم ذره انسانيه اكثر منه
بعد الي شفته ماتصور انه يحب
تعبانه جدا مو قادره افكر او اقرر وش اسوي
علما باني لسه مملكه وماتزوجنا
انفصل؟؟ تعبانه من خيانته
ماظن يحب ابد ابد
مو قادره اتكلم مع احد عن ابعاد هالمشكله
مالي الا انتم
مساعده
اقتراح
دعوه على الاقل
وماقول غير
حسبي الله ونعم الوكيل فيه
انتظر ردود
ربما احتاج لاراء من هم اخبر مني في الحياه
ساعدوني اختكم ضايعه ومحطمه
لاني حتى مو قادره اكلمه بشكل طبيعي
كارهتنه
الله يكون بعووونك
استخيري وان شاء الله ربي يكتبلك اللي فيه الخير
يعني بعد ماكون علاقات للرآآآس ومن كافة دول العالم
هالإنسان لعّاب ومفروض تنفذين بجلدج
صدقيني الخيانة طبع صعب تغييره
واصلا حياتكم بتصير جحيم لأن الشك بياكلج وهل راح تتحملين 24 ساعه الشك والغيره؟
كل كلمه بيقولها بتشكين بمصداقيتها
كل مكالمه يستلمها بتشكين بصاحبها ؟
وكل مسج يجيه بتشكين من منووو؟!
ظنج بيقطعهم؟
حبيبتي ممكن اصلاً يجذب عالبنات ويقولهم انا مو متزوج ….. عشان مايبعدون عنه البنات
صدقيني هالشخصيات صعب العيش معاهااااا
وبالنهايه الرأي الأول والأخير لج …..
///
بس هو قال لهم ان متزوج لاني قدرت ادخل على محادثاته 
وقال ان مرتاح مع خطيبته
افكر اكلم ابوه عن موضوعه شرايكم؟
لإن الولد بتهتز صورته قدام ابوه .. ويمكن يحقد عليج ويكرهج ويبدأ ياخذ حذره منج ..
هو يدري انج صايدته ؟؟؟؟ بالفيسبوك والسكايبي ولا للحين مايدري؟؟؟؟؟؟؟
شوفي ترى الوضع مغامره
اذا انتي تحبينه وتبينه ولج قدره ع المغامره كيفج الله يوفقج معاه
لإن مو اكيد بيتغير يعني ولا بيتوب .. بس السالفه يبيلها صبر وشجاعه ….
وترى على فكرة شيء حلو انه قايلهم انه بيتزوج
بس البايخ لما قال غاصبيني !!!!!!!!!!!!!!
يعني صراحه انتي ادرى بمصلحتج وين
وبالأخير استخيري وشوفي شيطلع معاج …
عطيه فرصه يمكن نزوه وتنتهي لما تصيرون في بيت واحد
اما انج تدخلين ابوه بالموضوووع فهذا اكبر غلط لاتخلين اي شخص يتدخل بحياتج من اولها عشان زوجج ماياخذ فكره مو حلوه عنج
انا افضل المواجهه يمكن يحس ويتغير
والله يسعدج ويوفقج معااااااه ويبعد عنج الخيااانه
ثاني شي مثل ماقالوا البنات اذا تحبينه .. يبيلها شجاعه وصبر وطولت بال ..
اهو لو مايحبــج أنتــــي مااخطبـج واختارج تصيرين ام لعياله ..
واعترف لج واعتذر .. شوفي انتي الحين بعيده عنه .. بس تكونين عنده حياته تتغير …
ونصيحه لاتقولين لبوه لانه مثل ماقالوا البنات بيكرهج ويحقد عليج …
وهذول انا اشووفهم تفاهات وزايلين زايلين لانه بينشغل فيج واعياله باجرررر ….
الحين وقت فراغ وعبط ولعب … بس لما اختار اختارج … انتي الدايمه واهم الزايلين …
انا مااقول جذي اطمنج بس هذا الصج … خرابيط وتفاهات تتمسك فيهم البنت وناسيه انها اهو اختارها ببيته ..!!
اهو شي يحر بس اعتبره شغلات زايله بلبطي والسرعه هذي تعتمد عليج بعدين
موفقه
بس عطيه مجال وفرصه ثانيه يمكن راح يتغير . ومو حلوة تكلمين ابوه ع
السالفه هذي ماادري شلون راح تسببين له احراج وانتوا توكم بدايه
وانا حاسه فيج هالشيء يأثر عليج وع نفسيتج .. بس عطيه مجال وشوفيه
ان تعدل الحمدالله ان ماتعدل لاحول الله ولا قوة ..
والله يهديه ان شاءالله
اصلا انتي ماراح ترتاحين اي كلمة غزل بيقولها لج انتي على طول راح تتذكرين
الكلام اللي كان يقوله لرفيجاته وتحسين انه جذاب
مادري والله بس الخاين مايتعاشر الله يعوضج خير
فكري عدل لا تستعيلين هذي حيااااااااة وبيت وعيال ومسؤوليه
موفقه
والي سئلت هو يدري اني كاشفته بالفيس والسكايب
لا لسه ماواجهته
ابو طبيع مايترك طبعه
اشتري راحتك
وربي يوفقك