|
|
السلام يا بنات ابي رايكم محتاجه له حيل يابنات انا زوجه مطيعه وجميله وكل شي يبيه ريلي اسويه حتى لو الامر مو عاجبني اسويه ارضاء له وشايله عنه وايد واشاركه بالامور الماديه بالبيت ومع الاهل اغليهم من غلاته واعطيهم كل مجهودي ارضاء لزوجي بس هذا في نظر زوجي يشوف اني ما اسوي اي شي زائد يقول اللي تسوينه اهو واجب كل زوجه اتجاه زوجه والاهم من ذلك يشوف اذا ما شاركة ماديا اكثر اعتبر غير متعاونه معاه وما احبه لان انا غنيه حيل ويبيني اعطيه فلوسي يا بنات اللي معور قلبي ومتعبني ان كل اللي اسويه معاه ما يشوفه لاني ما عطيته من فلوسي يا بنات فيدوني برايكم ولا تبخلون علي
الريال اذا عودتيه على شي خلاص مستحيل تقطعين هالعاده عنه .. ودام عودتيه انه تعطينه خلاص لازم تتحملين
وسالفة انه هذي واجباتج .. صح واجباتج بس انتي قاعده تسوينها لانج تحبينه ولازم يفهم هالشي انتي قاعده تعطينه وماتقصرين معاه بواجبات البيت لانج تحبينه
ولازم يفهم مو كل حرمه تسوي واجباتها الكامله .. ماتسوي هالواجبات الا المرا السنعه اللي تحب زوجها
ادعي انه الله يهديه بعد شتسوين .. وتذكري مصيبتج اهون من مصايب ناااااااااااس واااااااااااااااايد
قريت موضوعج وانا حدي منقهره
اللحين كل الي سويتيه معاه ومع اهله … ماعطاه قيمة لانه بنظره واجب عليج
أوكي هالجملة طوفناها
لـــــــــــكـــــــن
يخلي مصروف والالتزامات البيت من مسؤوووووليتج
stop
متي صارت الزوجة مسؤوله عن هالشيء
ان شاء الله لو انتي اغنى وحده في العالم
واذا المرا حابه انها تشتري شي او تحطي شي في البيت .. يجي من . كيفها
…
نصيحة من أخت لاختها … طنشي كلام زوجج جنج ماسمعتيه واذا عاد الكلام هذا وقعد يحن عليج بزياده
قوليله من متى كانت مسؤولية الزوجة!!!
…
بعض خواتنا الله يهديهم
من يقولها الزوج كلمتين ويغسل مخها ان عليه التزامات ومدري شنو
ماصدقت على الله عالطول خذت له قرض وسددت ديونه وشالة عنه مصاريف العيال
وبعد أغراض الجمعيه عليها
والزوج واعليه تعبان .. كل نزلة معاش
طبعا ساكن في بيت الحمولة (مايدفع أجار )
يعبي الثلاجة مرة وحده بالشهر
يعطي مصروف المدرسة لعياله مدة اسبوع
يغير لمبة الغرفة
ووراها يقول علي التزامات ماعندي فلوس .. قطي معاي .. شنو المصاريف الي عندج ومعاشج اكثر من معاشي
ربي يسخرلكم ازواجكم ويهديهم
حيل قاعده تمدحين روحج وانتي على غلط مو على حق !
شنو تسوين شي حتى وانتي مو راضيه عنه ؟ وصار هذا من واجباتج
وشنو تشاركينه بالمصروف وهذا شي من واجباتج
شنو اهو واجباته الي يكون اهو فوقج بدرجه مثل ماقال دينا الاسلامي ؟؟
وليش مقصره شنو يبي اكثر يخش فلوسه ويصرف من فلوسج؟ وحتى لو سويتي ماراح تكملين بعينه لان راح يقول واجبج
انا من رأيي توقفين مشاركته بالفلوس كافي تشيلين نفسج عنه ولاتدفعين شي عشان اذا قال ماتسوين شي يقولها وانتي على حق موعلى باطل
واذا قال واجبج قولي لاحبيبي مو واجبي انا لو اقط على البيت 100 فلس تعتبر صدقه انت الي هذا واجبك وانت القوام علي مو قوامتنا وحده
بس شخبار واجباتك؟؟ ما اعتقد من واجباتي اللي تعرفها انت زين ان اصرف عليك
ترى شوفي كلنااااا نحط فبيوتنا اذا مو برضانا غصبن علينا لان عودناهم ع جذي
انا وحدة اصرف ع نفسي والعيال واشارك بالاجار ومدارس العيال واييب ماجلة البيت وووو
وساكته وبالعتها*
انا اقول اقري عن حقوق الزوجه والزوج شرعا وقانوا عشان تعرفين تردين عليه
اذا لآ .. طنشي كلآمه واهم شي انج رآضيه عن نفسج وعن الي تسوينه
مع الايام بيطخ ..
هو يستعمل الطريقه هذي عشآن يجبرج تعطينه ..!