|
|
تخيلي يا المتزوجة قبل زواجج بريلج …بدت احلامج الوردية حالج من حال اي فتاة مقبلة على الزواج
كلهم الي باعمارج تزوجوا وعندهم عيال
صديقاتج تزوجوا وما شاء الله مرتاحات ويا ازواجهم
ظليتي بروحج تحاربي الوحدة
وفجاة جاء عريس الغافلة
وقررتي الزواج به
طبعا بعد السؤال عنه ومشوارة الاهل
تم الزواج على خير
ومن اول شهر الزواج اكتشفتي
ان ريلج
مدخن
.
.
.
محشش
.
.
.
ياخذ اغراضج من دون علمج
.
.
.
كثير الكذب…ما يصلي…مو مهتم بنظافته…ما يغتسل من الجنابة…وقت الجماع يقرب منج بريحة خايسة
تحملتي اول الايام بداعي انه راح يتغير وصبرتي عليه سويتي كل الطرق للاجل انه يخفف من هالامور…كلمتيه صارحتيه فتحتيله قلبج
ووعدج والوعود كلها كذابة…جبتي منه ولد وقلتي عسى راح يتغير…بس كل الطرق ادت للفشل
ومانتي قادرة تتطلق منه
خايفة الاسرة تتشتت
شنو راح تسوين؟
للعلم بغلتيه انج تشتغلين في مكان مختلط ونبهتيه اكو شباب يطيروا العقل يعني تحاولي تحركي باب الغيرة ويتغير لكن فشلتي
في الاخير يموت عليج ويحبج ويحترمج
شنو راح تسوين ساعتها
يالله يا السنعات
ابي كلام حلو واسلوب راقي وجواب مقنع
وتسلمون
وريلج مااعتقد مافي صفه ايجابيه تخليج تصبرين عليه وهو شكله يحبج مسكين
بس ماعنده اراده يتغير ايي اهني دورج حياتي حاولي معاه لاتياسين والدعاء وسيله قويه واكيده
والله يوفقج
بس لو كنت في نفس هالموقف..
ما أقدر اظل وياه
بالنسبة لي فيه أشياء ما أقدر اصبر عليها
اللي يحشش يفقد وعيه واللي يفقد وعيه يمكن ييقتلني ويقتل ولدي
يمكن ينام مع حريم
وفوق هذا لا يصلي وهمممممم وصاخة!!!
يعني لو آنا ما اقدر اضيع عمري مع شخص جذي
واربي ولدي في بيئة فاسدة مثل هذي
هذي لو آنا كنت محلج .. بس كل انسان له ظروفة
وهذا ريلج وانتي ابخص فيه اذا منه رجا يتعدل ولا غاسلة يدج منه
ادعيله بالهدايه حبيبتي و خليج عنده و سانديه انه يعدل من حاله ، من كلامج اشوف انه زين معاج و محترمج و غيرج تنطق و تنهان و تسكت و ترضى و هي محتسبه الاجر عند الله !!
ذكريه بربه و ان ولده [ بعيد الشر عنه و عن عيالنا ] ممكن يقلده اذا شافه ..
قوليله انج تحبينه بس مو معناته انج راح تصبرين عليه حاولي تبينين له انج ممكن تخلينه اذا استمر بهالوضع !
و الله مادري شقول ،
عسى ربي يعينج و يكملج بعقلج حبيبتي و يثبتج !
هذا موضوع وهذا موضوع
بالنهايه علاج
قله النظافه والكذب
هو
المحافظه على الصلاة في المسجد ومجالسه اصدقاء الصالحين
وبمساعده زوجته بالدعاء له وقوه ارادته
تتصلح امور كثير
فوفو
اذا يحبني صج لازم يتغير
مو صفه وحده وو تتغاضين عنها
اكثر من صفه
اول شي ما يصلي برحها هذه سالفه
تحشيشي وهذه مصيبه ثانيه
اول خطوه و اهمها
انه يدش مصح و يتعالج
لانه مخه منتهي
اذا ما حشش توقعي منه اي شي
يكسر
يسب
يهين
ومرات يكفر
اهم خطوه خطوه العلاج من الادمان
وبعدها من نفسه بيتغير
بيصلي و بيحب النظافه
تدرين ان الحشيش يخلي الواحد كسول زماله خلق يسوي شي
هو صحيح يحبج بس هلتبن مسيطر عليه
هو ضحيه
لازم تكون عنده اراده يوقف التحشيش
دشي قوقل وشوفي اضراره
ترا صعبه وايد
ممكن توصل للانتحار
اانا ما اكلمج من فراغ
انا اعرف شخص جذي
وده ييتعالج بس مو قادر
تسسبب اكتئئاب
ممكن يتهمج بشئ
يخون فيج
مو بوعيه
زين هو يشتقل؟
اذا اي
يداوم كل يوم ؟
كل شي براي؟
ياجل اشغاله؟
ترا النفسيه تلعب دور
حاولي تساعدينه و توقفين معاه
لا تحسسينه ان مو زين
شجعيه بكلمات ترفع معنوياته
ريلج مدمن
يا رب يهديه و يشافيه
الا سالفة ترك الصلاة والتحشيش
وهي اول حاجتين لازم تتاكدين انه تخلص منها
عندك ولد يعني عمر الزواج تعدى السنه وللحين مافي اي تغير؟؟؟!!!
وش لك بالوعود وكلام الحب ووو
اذا جد يحبك اول شي يغااار عليك
ثاني شي يتخلص من كل مشاكله اذا مو عشان نفسه عشانك وعشان ولدك
اعتقد افضل شي تسوينه تدخلين احد كبيير في الموضوع واحد يكون زوجك يعمل له حساب وله هيبه عنده ابوه ابوك عمه عمك خاله خالك
احد تثقين فيه يحفظ السر و ما يشهر فيكم وتكون كلمته مسموعه وله هيبه عند زوجك
هذي اول نقطتين لازم تتفاهمين معاه عليها انه يواضب على الصلاة وانه يتعالج من الحشيش
اذا التزم بهالشيئين اي شي ثاني ممكن يتصلح صدقيني اصبري عليه وراح يتغير باذن الله
اذا مالتزم الله يعوض عليك فيه
انفصلي عنه واذا اثبت انه يحشش وتارك للصلاه اعتقد راح تقدرين تاخذين حضانة الولد وربيه تربيه صالح لا تخلينه يختلط كثير بابوه ويشوف وضعه صدقيني لو عمره بس سنتين ترا يفهم ويتاثر
واتمنى ما توصلين للحل الثاني لانه اذا فعلا يحبك وخاف من الاول انه يخسرك راح يلتزم بالصلاة وترك الحشيش
بس كللل هالامور لازمها هدوووء ومسك اعصاب
لانك تحملتي كل هالفتره وصار صعب عليك انك تسوين كل هالشي بسهوله لو الله يهديك اول ما عرفتي هالشي تكلمتي كانت الامور افضل بكثير
والحمد لله على كل حال انتي عاقله وفاهمه وموظفه واحسبيها بعقلك
الله يهديه ويسخره لك ي رب
واذا مو عشاني ولا عشان ولده راح يتغير
يب يتغير عشان منو ؟؟؟؟
لازم يدخل بينكم احد كبير من اهلج او اهله يحترمه ويقدره
لازم تتوقف هالمهزله
شنو خانة الوحده قعدتها عند ريال مايصلي
اللي مايصلي يسوي كلشي
من الصغيرة للعودة
اذا ماعنده استعداد للتغيير بدئاً بالعلاج من الادمان
الى الصلاة وترك المحرمات
ماراح يتغير طول عمره
لازم يكون طرف بينكم ويكون شاهد على شرطج لاستمرار الحياة
ولا الحياة تنعاف مع تارك الصلاة
الله ييسر امورج ويهديه
يسلموووا عل الموضوع .gif "Eh S(7)")
اولا ما اعتقد راح اييب منه ولد لانه …
| ما يغتسل من الجنابة… |
يعني اغضب الله ورسوله ….. وحتي لو احبه …. هالشي بيخليني اكيد اكرهه … ولانه مو نظيف …مع الوقت كل يوم الحب بيختفي شوي شوي ….. واكيد بهده اذا ماالتزم بالنظافه 