انواااع الازواااج . مو خوش شي اذا لقيتي ريلج باللسته

يسعدلي قايلتكم بناااات ..

خنحط لكم جراقيات تونسكم اشوي قبل موضوع النكد

اللــــــــــــــــه !!
ها استانستوو ؟؟؟
اكيد ؟؟
يالله خل نكد عليكم اشوي

************************

من الي شفته بعيوني،، سواء من مشاكل رفيجاتي او خواتي او حتى بنات التقي فيهم اهني بالنت!
لاحظت ان الريايل بعد الزواج يكونون اصناف !!

( النوع الاول "مراهق " )
الي يتزوج واهو مو مفتح عيونه على الدنيا … والاغلب يكون صغير بالعمر، طقة الــ20

هالنوع ،،
يتزوج في اغلب الاحيان بسبة الام، بمجرد ان تشوف شنب ولدها خاااط ..
خلاااااااص .. يبلش الاحساس الغريزي مال الام بانها تكون جدة! يزداد يوم عن يوم
فالله يهداها! عسى ماقعد يتغدا والا يتعشى ، تقوله فلااانه (ياحلووها يازينها، جسم وسنع واخلاق)
وعلانه (ياحلاتها، الكل يتحجى بجمالها، واهلها ناس طيبين)
خفي عالولد تكفيييييين
طبعا اهني الصبي مايقدر يقاوم حشوو امه لراسه يوم عن يوم!
وتكبر براسه فكرة الزواج،
ويرفع العلم الابيض ويقولها ( ابوس ريلج زوجيني)
لوووووووول .

لمه يتزوج .. في بداية زواجه .. يعني من سنه ونص الى سنتين،
يكون تمام!
لكن الشيء الاسوء .. انه في الاغلب الاحيان مايكون نضج بما فيه الكفاية حق الزواج!
وبما انه عمره صغير ،، فتييله رغبة بانه يعيش كل شي، يجرب كل شي
بمعنى ، ( ينمو واهوه يتزوج ) –> حسيته شجره مو بني ادم المووووهم
يبدي يفتح على الدنيا، واهوه متزوج!
تكثر طلعاته وروحاته .. والاسوء!! يهب بالمغازل !!!!
يعني يعيش مراهقته في اثناء زواجه!!!
وحطو ابالكم زين بما انه عمره صغير ، فثلث ترباع ربعه ماوراهم مسؤوليات!

مشكله هالفئة ، انه ماشبع من الدنيا قبل لا يتزوج!
فيعيش حياة الاعزب واهوه متزوج!
عاد استلموا انواع المشاكل الي تصير بينه وبين مرته!

—————

( النوع الثاني "الزهقان" )
يمكن ماكو متزوجه ما مر زوجها بهالمرحلة وهالشي طبيعي
لكن الي مو طبيعي.. لمه يبرد 100% على الرغم من محاولات الزوجة المستميته باسترجاع رغبته من يديد!!!
وعلى الرغم من انهم بأول زواجهم!!!!!!

هالنوع على غفله يكون وايد عنده احلام ورديه قبل الزواج ويحمّس روحه اكثر من اللازم
يستنفذ كل عطائه وقوته باول زواجه… ولمه يشوف ان العطاء مو متكافئ، طبعا بحكم ان الزوجه باول زواجها مستحيه وماتعرف طبعه وماتعرف اشلون تتعامل معاه
تطق جبده!!
بعدين يمل لمه يشوف ان الوضع ماكو احلام ورديه
اكو احلام ابيض باسود ومرات الشاشه تشوش مايلقط سيرفس
يعوووف الزواج!!

للاسف ان هالنوع ،، عباله قد ماهوه متحمّس للزوجة
تكون الزوجه متحمسة له!
فينصدم انه بالفراش يعطي ويعطي.. لكن ماكو مبادرة من زوجته ( بحكم الخجل )
ينصدم لمه يكون حاط اباله ان زوجته من المفروض من اول نظرة تعرف الي فيه وشنو يحتاج وشنو يبي
لكن ينصدم ان الزوجه تايهه (بأول الزواج) !!
يبيها تجهز له كل شي قبل لا اهوه يتحجى ، لكنه ينصدم بان ماكو شي يتجهزله اذا اهوه ماتحجى!

هالنوع وايد حساس ، ووايد مو واقعي !
يمكن يسمع تجارب الي متزوجين صارلهم سنين .. ويبي مرته من اول شهرين تكونله جذي!
اي مايصير ياحبيبي انت!

بعد مايطخ حماسه، اهني توها الزوجه تدش بالفورمة
ولمه تدش بالفورمة.. تشوفه صار انسان ثاني وطخ !
ويصير بارد .. لانه استنفذ عطائه كله!!
تحاول تكشخ، لكنه مايلاحظ!
تحاول ترتب وتنظف، لكنه ايضا مايلاحظ!
فيحوشها احباط اهيه الثانية وتكثر المشاكل بينهم!!!

—————–

( النوع الثالث " الاستقلالي" ) –>ياكرهي
هالنوع رافض تماما بانه يغير نمط حياته ويخلي الزواج يتحكم فيه!
يبي يعيش مستقل واهوه شريك حياة !!!!
يبي يطلع مع ربعه .. يروح ويرد! وياويلج يازوجتي اذا تدخلتي والا بطلتي حلجج!!
هاذي حياتي وانا حر فيها!! لا تاخذين شي من وقتي المهم، ولا تعطليني!!
هالنوع، يصير جذي بسبت ربعه ومحيطه،
تدروون خو .. الشباب يضغطون الي مايسهر معاهم بالديوانية والا القهوة ويقولون هاا خايف من المدام!
فأهوه يبي يثبت انه ريال وان مو مرة الي اتحكم فيه
وان مو خايف منها، وعادي عندها يطقها بالطوفه ، ترى انا ريال!! :

للاسف ان بعض الريايل.. يشوفون الي مايرد على مرته، "زلم" !!!
ويشجعون الي دايس عليها !! اما الي يداريها، يضعطونه على الاخر!

بعضهم ، يسمع من اذن ويطلع من الصوب الثاني ، وياخذها غشمره ويضحك
لكن في فئة، تاخذها بحساسية وايد، وبشخصانية!
فيرفض نهائيا انه يكون من هالنوع !!
عشان جذي يحط ربعه فوق بيته وفوق اسرته!
كلش الا اهمه !!

————————–

( النوع الرابع والي مااواطنه بعيشت الله " المتملك" )
هالنووع ياجماعه
يشووف المرة احدى ممتلكاته الخاصه
مثل ماطقله قرض واخذله سيارة
هم طقله قرض وشرى المرة بفلوسه!

يطلعها من الداوم ومن الجامعه
مايخليها تشوف احد لا من اهله ولا من اهلها
مايخليها لا تطلع ولا ترد
يبيها بالبيت 24 ساعه
حالها حال الاثاث الي شاريه، خو الاثاث مايطلع يتمشى على ريلين، هم مرته جذي لازم ماتطلع تتمشى

هالنووع .. عنده خلل كبير بالمفاهيم، فاهم الزواج غلط!
وفاهم الرجولة بشكل عوي!!
فاهم المرأة بالمقلوب
الزبدة، ماعنده ولا شي فاهمه صح!

للاسف هالنوع مايتمادى الا بسبة رضى الزوجه باول الزواج على كل كلمه يقولها!!
ظناً منها بانها راح تكسبه
لكن خل تمشي السنين اشوي لي جدام ..
بتلقى نفسها وسط مشكله معقده مالها اي حل نهائيا!
بتلقى نفسها جدام طريج مسدود!!!!
وللاسف، لا يمكن معالجه هالوضع بعد سنين الا بمشاكل اكبر ومصايب العن!!
يتدخلون الاهل، ويمكن تصير طلقه اولى، ويمكن طلاق للابد!!
فدربالكم ياللي مقلبين عالزواج!! اي شرط من شروطه يهضم فيه حقج، لا توافقين عليه وحطي حد قبل لا تكبر المشاكل!
————–

طبعا في النوع البخيل والنوع الساذج والنوع الي عقله صغير
لكن هالاربع نماذج الي حطيتهم! وااي، ماكو بنية ما مرت علي وماتذكر نوع واحد من هالانواع!
والله يبعدهم عنكم قولوا امين
اما الي زوجها لقته باللسته فوق، ميخالف على قد مانا حبطتكم بهالموضوع، لكن لكل مشكله اكو حل
فلووها ووسعو صدوووركم ماعلييييه — > اشعقب

اترك لكم المايك

ريلي اتزوجني وهو بالاثنينه والعشرين يعني نوعا ما صغير
وطبعا وايد امهم اتلبيلهم طلباتهم وانا طحت فيا بعدين بس مؤدب فديته مايغازل هههه

تصنيفاتك تخررع
عفت العرس

امبييه اسلوبج حلو يهبل فديتج دمج عسل
صراحة انا زوجي من النوع المتملك عاد تصدقين
جامعية وقاعدة بالبيت لان كان شرطه مايبي وظيفة
والطباخ لازم من ايدي والله ندمانة اني رضيت بشروطه
اشوف رفيجاتي دوام وناسة وانا كله بالبيت بس شقبه
ياترى في حل؟؟؟؟؟؟؟؟

انا زوجي الزهقاان ههههه شكله جذي
زهق ومل وانا مثله مليييييت

الله يعيييين واستغفر الله عليهم مزااج مو طبيعي الله يهديهم

مشكووره عالانواع

(شدوون )
يحليله، ايه هذا السنع قواج الله
ههههههههههههه
تؤبريني عالمرور :*

(نجدية2011)
لا ترى في النوع المطيع الجميل اللطيف اللذيذ –> تحاول تخفف الصدمه
ماعليه ماعليه هذول فئة شاذه مو كلهم جذي
اصلا كلهن حلوات
ههههههههههههههه
—> تسببتي عالبنت !!

(أدب عربي)
تؤبريني والله :**
حل هالنوع ، اهيه قعدت مصارحه تنحط فيها النقاط على الحروف ،
تبريراً لموقفج، تقولين، انا رضيت بهالحال، لان ماتوقعت الامر بيكون بهالسوء..
لكن الحين كل شي وصل حده! العالم عايشه الا انا!
شوفلنا حل!!
عاد انتي لفيها باسلوبج وكلميه بالوقت المناسب ..
لان هالفئة متعبه وايد وايد، وانا دم ضروسي الي جذي!!
ريل اختي ميننها بالمعنى الحرفي!!
عسى الله يهونها عليكم ..

(Estelle)
ههههههههههههه
هديتوا اللعب عيل
ماعليه ماعليه اخذوو بريك اشوي..
بعدين بلشوا الشوط الثاني

لول قواج ربي عالمرور :*

أنا زوجي من النوع الرابع وموعن حب الله يهديه

هييا هههههههههه زوجي ماطلع معاهم باللسته هع

الله يعين اللي ريلها واحد منهم =(

حبيت اسلوبج وايد شكلج مرحه ودمج خفيف الله لايغير عليج

وهاه بشري ان شاء الله ريلج مو واحد منهم هع

تسلم ايدج

مشكوره

(msiii)
اخس نوع الله يعينج عليييييييييه

(قلب طفـــله)
اشوه يعني صرتي من الفئة الناجيه
ههههههههه
لا زوجي مطلق ومر بهالمراحل الاربع مع زوجته الاولية، يعني زين مايت علي
ماتزوجني الا واهوه مكتوب على راسه low battery
خلاص مافيه شدة شي بعد
مخليني اسرح وامرح، اتعلق باللمبات وامشي على الطوف واناقز على الغنفات واهوه يطالعني بلا ريآكشن

خخخخخخخخخ
يسلملي مرورج

هياااااااااااااااااااااااااااااااااااااااا ، انا ريلي اول نووووووع ههههههههه،
ومافي بنت ما غازلها لووووووووووووووول ، ماصارت مراهقه متي اتخلص.(-:

(زوجة عزيز)
حياج الله :*

(رق رق)
وليييييين
مو خوش شي ترى

انزين خلاص خلاص اوكي
انا عندي لج حل
طقي الملفع والعباية وترسي الويه ميكب وقعدي يمه
يمكن يغازلج بالغلط
وتشبكين معاه علاقه حب
وتصير بينكم مسجات ومكالمات تالي الليل لكن "لايف" يعني احسن واحسن
لوووووووووول

للامانه، هالفئة ترى ماكو عليها كنترول!
يعني الشي تقريبا يصير بدمه، لانها مرحله نمو معينه عنده.
لكن كثر الدق يفج اللحام، خلج وراه وراه والزمن طويل :d
طلعي عيوناته اشوي ، وبدال هالعوينات ، وريه العين الحمره!

انا يعني طالعه فيها مع ويهي ، دزيت مسجات حب وغرام ،من رقم غريب ، يعني بخليه يطيح ابغرامي لوووووووووووووول تدرن اشرد علي ، يا حيوانه يوزي من هالسوالف ، عرفني من اسلوبي لوووووووووووووووول ،هذا دليل ان يحبني (عشتوني) لووووول
لا بس الحين خلاص عد مرحله المراهقه كلها ثلاث سنوات ويدش الثلاثيين .
ياختي العيال كبرت،

فتحتي جروح