الميانه الزايدة

السلام عليكم
بسم الله الرحمن الرحيم
ببدي ع طول مشكلتي مع بنت حماتي معاي بالبيت
البنت من عمري وبصراحه البنت لها لسان ما انكر بالاضافه الى انها شايفه نفسها ع شنوووووو بعرف واسلوبها خايس وماكو احترام ولا ذرابه في الكلام
المهم من اول عرسي كانت البنت تجي عندي بشقتي وتسهر معاي وتطلب معاي وتسلف من مكياج وجنط وغيره طبعا انا ماحب ارد او كنت انحرج
عقب فتره كنا قاعدين بجمعه جان تقول كنا بنخطب حق خالي وحدة ثانيه ( رفيجتها ) بس انتي خربتي علينا قصدها عني

عطيتها احلا طاف مع ان السالفه تكررت
المهم

نجي للصدمه الاخرى الي اهي كنا بجمعه ثانيه جان تقول خالي يقول زوجتي تخسي اسفرها انا انصدمت انحرجت وسكت كالعاده قلت منو الي قال قالت اهو الي قال ومومصدقه اسأليه وطبعا عقبها رحت سألته عصب وقام يهاوش ويقول هذي ماتستحي وشكو تكلم مع العلم انها كانت قايله انه اذا تزوج خالي فلان وزوجته غيرته علينا بعفس حياتها
المهم عقب هالسالفه دزيتلها مسج
قلت لها انه الكلام الي قالته عيب وماله داعي واحنا خوات ومن هالكلام ردت علي ع اساس انه غشمره وهذا اسلوبها رديت عليها قلت بليز خلي تعاملنا رسمي لان ماله داعي هالنوع من الغشمره المهم حسيت انه البنت زعلت رحت دزيتلعا اسمحيلي اذا ضايقتج ولاتشيلين بخاطر ومن هالحجي ردت علي قالت حبيبتي اذا انا بشيل بخاطري اخذ حقي غصب لو بعد سنين وانا وحده ينخاف مني وواذا حطيتج فبالي اعفس حياتج عفاس
انا قمت اضحك ع كلامها الي ماله داعي وتذكرت المثل : الجلب الي ينابح مايعض ومن عقبعا ماكو اي علاقه بينا ومرات تقط جم كلمه جدام الحريم كنغزة مع العلم انه عرسها مو بعيد
الحين ابي رايكم شسوي لان جد كرهتني فبيتنا

وشكرا

اهو بيتها قبل مايكون بيتج
وخاله مبين عزيز عليها
فلاتصيرين سبب شر وتخربين النفوس
فتره وبتتزوج البنت حسني علاقتج معاها وكسبيها
الريال يحب المره الي تحب اهله مو الي اتشبب الشر

الله يوفقج حبيبتي

طنش تعش تنتعش

يؤيؤيؤ هذي قليلة ادب الله يعينك عليها طنشيها ولاتردي عليها ابدا ابدا بجد شكلها قويه احذريها

وخليها تتزوج بالسلامة وتفتكي منها

وبالنسبه للرد الاول هي ماسببت مشاكل ابد على حسب ما اقرأ بنت حماها مسختها

الله يعينك عليها

حلوه تعفس حياتج انا ما احب احد يهدد يخرب بيت الثقه كبري عقلج وكسبي ريلج وعطيها طاف قوي

خلاص بتعرس وبتفكتين منها

اهم شي انج تخلين علاقتج فيها رسممممممممممممميه
عشان ماتخسرينها وماتطلعين بالشينا جدام احد ,
والاهم ريلج ..

وصدقيني هالاشكال ماينفع معاهم الا الطناااش والحقران ,
ولما تتكلمج عليج او تقط نغزات جدام الناس وتعطينها طاف ترا اهيا اللي راح تطلع بالشينا لانج كبرتي عقلج
وسفهتيها ..
اوووف ياكرهي حق هالاشكال اعاني مثل ماتعانين بس من حماتي قطيعه ..

موفقه كل خير ..

الله يعينج عالاشكال هذي ياماعانيت منها

ادعي في كل صلاة وقولي
اللهم اكفنيهم بماشئت

لاتحاتيييين عرسهاا قريب وحبوتج ماببتعداها

وبيونها بنات صوب اهل ريلها يراوونها الوووووويل

طنشى

قلتيها مابقى ع زواجها شيء و اكيد بعد الزواج بتنشغل عنك فلا تخربين ع نفسك وتتضايقين اصبري وخلي الايم هذي تعدي ع خير

ماعليه تحمليها عشان زوجج وان شاء الله تتزوج وتعقل