موضوع هام للنقاش .وظيفة الزوجه نعمه ام نقمه بالزمن الحالي ؟!!

مسآء الخير صبآيا

اليوم وانا اتصفح بالمنتدى شفت مشكلة وحده من البنات في بخل زوجها واتكاله على راتبها او معاشها

وانا بصراحه الفتره هاذي كثثثير اسمع بمشاكل مثل هالنوعيه الزوج يرمي كامل مسئوليته على الزوجه

بس تكون موظفه حتى الاكل والاطفال والايجار وربي كل شي …

يعني الحين حنا لما نتوظف نبي نسعد انفسنا ولا نضيق عليها لمن نشوف الرجال مايحط يده بشي ..

وين رجال قبل الي كرامته تنهز اذا شاف المرره طلعت من جيبتها فلوس ويسوي لها حرب وتصير هوشات عشان ماتدفع ..

ولا اندثرو هالرجاجيل وصار المتواجد اشباه رجال

واالله يابنات انا مايقهرني الا المناظر الي اشوفها بالاسواق والمجمعات رجال وش طوله وش عرضه واقف عند الكاشير مع زوجته ولا جا وقت الدفع التفت لها وهي تحوس في بوكها تطلع الحساب <<اجل بالله روح انثبر بالسياره ابرك لك من وقفتك بجمبي ع فشوش واانا احاسب ..ليش الفشايل قدام ربي وخلقه ..

ان ماتوظفنا مشكله يكون نفسك باشياء وزوجك على قد حاله

وان توظفنا بعد صارت مشكله تلاقيه ماصدق وخلى كل شي عليك …

حتى اخر سالفه سمعتها قبل يومين بخصوص الموضوع هاذا صديقه اختي دقت عليها تشكي لها الحال من زوجها انا صابتني تناحه سلامات ماكملت سنه متزوجه قلت لها ليه عسى ماشر قالت بيتزوج عليها وخلاص خطب يممه مامداه وش ذا .. بعدين قلت لها ياخي ذا كيف بيتحمل مسئووليه بيتين وهو توه صغير والدنيا صاررت غاليه الحين قالت حبيبتي عشانها ممرضمه وموظفه بيتكلها على راتبها وبخليها تصرف على نفسها ويشيل ايده عنها

وجلست اقول براسي لو انها مو موظفه مافكر بالزواج من اصله وخاف من المصاريف والله شي يقهر ..

واللي يقهر اكثر لمن يخطبون مايبون الا الموظفه ….

بصراحه بنات انا ماحب الرجال الي كيت نفسي زوجي وحبيبي يصرف علي صررف كامل حتى طلباتي الشخصيه بدون ملل ولا كلل << ارحمينا يافصحى خخخ

ومررره متأزمه من هالموضوع وخايفه مابقى لي شي واتخرج وحاليا انا مخطوبه وخطيبي الحمدالله يارب من النوع الي مايحب فلوسس المره حتى امه ..

يقول يجيها يوم تعايرك فيها

بس برضو والله الرجال ماينضمنون

السالفه حبيباتي ابي اسمع اراء الكل والموضوع مفتوح للنقاش عشان بالنهايه اقرر اتوظف ولالا

ويلا لكم المايك

وشو ذا ياكافي لارد ولاحتى تعليق

طيب كلمه ولو جبر خاطر ولاسلام من بعيد <<تحمست ههههه

طيب اب الله يرفع قدركم اقل شي عشان اتحمس اعبر لكم اقين

اب اب اب

اب اب

اب اب اب اب

اب اب اب

اب اب

اب

شوفي انا عن نفسي مو متوظفه والحمدلله ريلي نهائي مو مقصر علي لا بمصرف ولا لبس ولا سفرات وانا صارلي سنه تقريبا متخرجه
واهو الصراحه ما يبيني اتوظف يبي اني اقعد بالبيت اجابله واجابل اليهال <<<< يحب الدلع والدلااال
وانا تبين الصج حدي ودي اتوظف واهو في مجال للاقناع يعني لازم احن مره ومرتين وبيرضى
انا حابه الوظيفه مو عشان المعاش لتن بصراااحه نهاااائي مو محتاجه حتى عيالي بمدارس خاصه
ماشاء الله تبارك الرحمن <<<< بنات ذكروا الله لان العين مذكوووره
بس انا ابي اتوظف ككيااان احس لي شي خاص فيني
وطبعااااا انا ضد ان المره تشيل كلشي عن الريال جذي سهل يتزوج عليها لان مو حاس بشي اسمه مسؤوليه ويحس ان الحياه الزوجيه صعبه
ولان مو من حقه يشيل ايده والمره اذا بتساااعد تساااعده من طيبها ومن كيفها بس هذا رايي

بس انا ابي رايكم احن عالوظيفه ولا طاف خاااصه اني عا فه رده انتي ناقصج شي محتاجه شي راح يسكتني
وانا وظيفتي الصراحه حلوه مدرسه علوم اصير يعني حتى عيالي عقب لا حولتهم يصيرون عندي ومعاش المدرسه حلووو ودي احس اني اصرف على نفسي وعلى عيالي يعني تعرفون هالشعور
شرااايج صاحبه الموضوع والبنات ابي رايكم ؟؟؟

للعلم هذاااا نك مرت اخوي مو نكي لا تتخربط المور عندكم لانها اهي امينه مكتبه وموظفه *

اذا الرجال من اول مايخطب يقول ابي موظفه هينا اعرفي انه يبي فلوسها بس اذا كان تزوج وحده تدرس اتو عاطله وبعد الزواج توظفت عادي

وجهة نظري

لان الرجال اللي يبي موظفه يبيها لفلوسها

واللي تقولين ان بيتزوج عليها عشانها ممرضه وتقدر تصرف على عيالها
والله كل شي بالقانون وبعد حكم المحكمه لازم ينفق عليهم واحد واحد

إممم انا ما اشوف فيها شيء لا قال الزوج ابي موظفه
يمكن معاشه على قد حاله وكله ديون واقساط ويالله يكفيه ويكفي اجار الشقه والماجله
فيبي المره تشيل نفسها بمعاشها
أما اللي يبيها موظفه عشان هي تدفع الاجار والماجله ومصاريف العيال
هني ستوب
لا وألف لا ..

,

والحياه يابنات تفاهم
يعني مو حرب
خلوكم وسط .. انتوا ياالحريم مافيه حل وسط
إما تدلعونهم دلع وتشيلون كل المصاريف عنهم ..
إما الوحده بخل حتى على نفسها ماتصرف وشافطته شفط
يعني خليج وسط .. بيتج وعيالج هو مسؤول عنهم ..
أما شغلاتج الخاصه وكشختج وماركاتج .. الله لا يهينج .. قرقشي مخباتج .. وضبطي أمورج ..

,

اصابعج مو سوآ .. وكل شي بالاتفاق يتم ..
الغلط ان الوحده تتنآزل من اولها

ماشاءالله تبارك الله

تدرين انا من رايي دامه مو مقصر معك بشي ليش الوظيفه

والله احسن لك قابلي بيتك وعيالك وربيهم انا بصراحه كانت عندي عقده نفسيه من دوام ماما وانا صغيره

كنت اتمنى ارجع احصلها قبلي بالبيت وبالمطبخ بس الحمدالله على كل حال لو ماتوظفت ماكشخنا انا واخواتي من اعلى الماركات

وهاذا رائي الشخصي

ومشكوره حبيبتي ع الرد

الله يعيينها انشاءالله

مشكورره حبيبتي ع المرور

اي صح معك حق الحياه تعاون ..

اي والله الغلط الوحده تتنازل من اولها كثيررر سمعت الحريم يوصوني لا تتنازلين من اولها بس احس ايام الخجل هو الي يجبرك ع التنازل او ماتبين تكسرين بخاطره

انا بصراحه هاذي النقطه الي مضيعتني كثير اجامل على حساب نفسي وماحب ارد احد يعني اذا زوجي وابو عيالي جاني وقالي محتاج فلوس عطيني ولا سلفيني اكيد ماراح يجي في بالي الا اني اديه وماتوقع بقول بنفسي لالا ماتنازل … الله يعين

يلا كل انسان وله وجهه نظررر

مشككككوررررره حبيبتي على كلامك وردك

up up

up