بسرعة دشو ابي نظرتكم حق هالزواج

المهم حاليا متقدملها واحد شهادته متوسطة مع دبلوم ويشتغل بقطاع خاص صارله 6 سنين ونفس حالتها مطلق بالملجة بس لا اهوا ولا اهله كانو واضحين بسبب طلاقه كل واحد يقول شي مرة يقولون من امها كلا تتدخل ومرة يقولون اهيا عنيدة والله ماندري عن هالناس وامس ياه وشافها اهيا الفقيرة قنوعة بس قاعدة تحاتي لان لمن اقعدت مع الخاطب قالها انا بصارحج انا ريال سيدة وماعندي خرابيط وهوايتي الحداق ودقدقة العود وقالها ان ماكمل دراسته عشان يحب قعدات السمرات والدقدقة وقالها ان الحين هد هالسمرات وقام يدقدق عود في ديوانية بيتهم بين ربعه الخاصين وفوق كل هذا قالها انا ماخذ قرض اشكبره وماقدر اسويلج عرس اذا انتي تبين سوي تخيلو كل هذا بيوم واحد من اول ما شافها طارت عيونه عليها وعلى جمالها ووافق واهوا قاعد وقالها تعبيرا عن موافقته عليها ( شوفي اهلج متى يعطوني خبر عشان نسوي اجراءات الفحص ) والصراحة اختي خايفة من :
1- ان يكون يشرب لان على قولتها اكثر الي يروحون سمرات يشربون طبعا مو كلهم .
2- ان يكون قاسي عليها لان اختي تقول اهوا شكله حده جريء .
3- تخاف ان يكون مايخاف الله فيها ويعاملها بقسوة خاصة ان هذا ثاني زواج لها لو صار .
4- تخاف مايخليها تكمل دراستها العليا وطموحها .
5- تخاف ان يكون يبي ياخذ من معاشها على ابو انها جامعية وحيل خافت لمن قال لها انا ماخذ قرض شكبره واذا تبين عرس سوي انتي عرس انا مابي تخاف يجعصها عليها ولا مايعطيها حقوقها .
طبعا امه واخته حيل مستانسين وشكلهم مالهم كلمة من كثر ماولدهم جريء
ياجماعة انا قلت حق اختي تستخير واهيا طول امس طايحتله استخارة بس ابي رايكم في الموضوع ابي نظرتكم المستقبلية حق هالزواج لو تم ونسي اقولكم ان اختي عمرها 25 واهوا 23 يعني اختي اكبر منه بسنتين واختي دايما تقول انها تبي واحد اكبر منها ويكون بالثلاثينات عشان ترتاح ماتبي واحد مو شبعان من الدنيا بس محد تقدملها بهالعمر كلا صغار الي ايوونها واهيا تخاف ان يكون لحد الحين ماشبع من الدنيا ويفصل عليها اذا خذاها بسوالف الخرابيط والبنات بليز ابي نظرتكم نورونا حدنا محتاسين بهالموضوع ناطرة ردودكم

حبيبتي تبين الصراحة ؟؟؟؟؟؟؟؟؟؟؟

لو آنا مكان أختج ما أوافق وأرفض بدون تفكير لأسباب إهي شايفتها وعارفتها

بدون ما أسأل عنه !!!!!!!!!!

أولاً الحداق

ثانياً السمرات والعود والطرب حتى لو بينه وبين نفسه

وشكله راعي مزاج ( والعياذ بالله )

ثالثاً ماكو شهادة

رابعاً القرض

خامساً الجرأة ( انتي سوي العرس آنا ما عندي فلوس )

آنا أسوي العرس بس آنا مالي ذنب إذا انت مقترض ومليان ديون

باجر يجعص عليها والله انتي تدرين فيني ماخذ قرض لألألألألألألأ

هذا الزوج مخيف لا يقولون زوجته عنيدة ولا أمها فيها وفيها حرام عليهم

أصلاً ما يمديه يعرف عنها شي بفترة الملجة والعروس بهالفترة ترضخ وتوافق

على كل شي يقوله لها ريلها عشان إهي مستانسة وعروس يديدة !!!!!!!!!

سامحيني حبيبتي هذا الزواج فاشل من أوله

ودام هذا أوله ينعاف تاليه

بعدين إهي مو كبيرة عشان تخاف ما تتزوج

اللي أكبر منها للحين ما تزوجوا

وعسى الله يرزقها بولد الحلال