زوجي يا بنات لحقوني رد من السفر

السلام عليكم
بنات الله يخليكم مو قادره اتحمل احس خلاص وصلت حدي ببجي والله احس زواجي حب من طرف واحد
مادري ليش فجأه ريلي تغير اللي تبي تعرف تفاصيل قصتي تقرا مواضيعي السابقه
بنات سويت كل شي خل اقولكم شنو صار اخر شي
ريلي ياني قالي بسافر وياج دبي 4 ايام ونرد وبعدها بسافر تايلند ويه رفيجي
قلت اوكي
قبل سفرتنا ب 3 او 4 ايام
رد البيت الساعه 11 بليلةومستعيل قالي حبيبتي بسرررعه زهبي جنطتي بسرعه
قلت ليش شنو شالسالفه قالي انا ورفيجي لقينا عرض ما يطوف تايلند وطيارتي الساعه 5 الفير
انا من الصدمه سكت ورحت اسوي ملابسه ياني قالي مو زعلانه صح؟ سكت مده بعدين قلتله ودبي؟
قال شوفي احد من اهلج او رفيجاتج روحي معاهم واستانسي
انا تضايقت بنفس الوقت منصدمه لاني كنت حاطه فبالي بسفرتنا هذي اغير حياتنا لان كانت علاقتنا وايد متوتره بالايام اللي طافت ( وكنت كاتبه مشاكلي )
فسكت وزهبتله جنطته واهو يه بياخذها جان يلمني ويقولي سافري استانسيي ولا تنسين صوغتي << يبي يلطف الجو
ابتسمت واحس فجأه احساسي انعدم مادري اضحك وله ابجي
طلع وطول الطريج يدق علي يكلمني تلفون ويسولف وياي لما يه وقت طيارته راح وهناك 24 ساعه يدزلي صوره
بعطها بجم يوم سافرت بروحي دبي وانا هناك بينا واتس اب وانا اكلمه واتس اب حسيت اني صج مضايقه ومحتاجته قلتله حبيبي اشتقتلك قالي انا اكثر والله
سكت مده قالي قاعده تبجين صح؟ قلتله اي قال لازم تضايقيني ؟ قلت شسوي غصبا علي
قالي لا تكلميني اذا بعينج دمعه
سكت ما رديت عليه من باجر اللي اهو باقي يومين ونرد الكويت دزلي مسج
قالي حبيبتي انا وايد تعبان ومريض
قلتله شفيك عسى ما شر ؟ حقرني دقيت جهازه مغلق قمت احاتيه
يوم ردتنا كانت موعدةطيارته بعدي بساعتين
وانا بالمطار نطرته رد سلمت عليه وجذي وشكله كان تعبان بس مو وايد
يوم ردينا قلتله حبيبي ليش ما رديت علي كنت احاتيك قالي كنت مريض
قلتله يعني ما طلعت اخر يومين ؟ قال امبله اطلع وارد انام
قلتله يعني كنت تقدر تطمني بمسج حبيبي ؟ قالي ممكن انام؟ قلت اوكي ونام
بعدها بيوم اللي اهو امس صار العصر راح الحلاق ورد نزل عند اهله نزلت وياه وكان يسولف ويضحك مع امه وجذي ولما اتكلم انا احس ما يضحك وله شي احس فبرود علاقته وياي
سكت وقلت بليل بكشخله
صار بليل صعدت قبله وكشخت وكل شي ويوم يه قعدت اضحك وياه واسولف واهو يسولف عادي ييت اقرب صوبه قالي انا مريض
سكت ووخرت قلتله هذا عذرك اليوم ؟
قالي شتقصدين؟
قلتله انت من رمضان ما قربت صوبي
قالي تجذبين بعد! انا ما قربت من رمضان !!
قلتله امبله مرتين بس انا اللي حنيت عليك بهالشي حسيت اني انا الريال
قالي اي بس بعد شنو انتي تبين كل يوم !! قلتله ما قلت كل يوم على الاقل بالاسبوع مره انا مرتك ولي حق عليك
قالي عناد عليج ماني مقرب صوبج !
قلت تعاندني بهالشي وانت زوجي ؟
قالي ماني مقرب ونامي لا امصخرج
بجيت هني جان يقولي وليييييييييييييييييييه ردينا عالبجي ما نخلص منه
قلتله شنو فيني شي مو عاجبك شنو ويهي جسمي في شي غلط ؟؟
قالي شفيج انتي فاصله يايتج الدووره ؟
قلت لا قال اكيد موعدها قريب وفاصله علي
هني ما تحملت قلتله طلقني
قال نعم !!!!!!!!!!!
قلت طلقني ما اتحمل كل يوم اعيش وياك وانا احبك وانت ما تحبني طلقني
قالي من قال ما احبج ؟
قلت تصرفاتك
قال نامي الله يخليج لا تكبر السالفه
قلتله مابي اقعد عندك خلاص عفتك مابيك
قالي بلا افلام ونامي
قربت صوبه وانا ابجي قلتله لمني
قال حريمتج حتى لمه ما تشوفينها مني 1000 مره اقولج لا تبجين وتبجين خلاص ماكو وخري ماراح المج
قعدت ابجي حيل قلتله بس لمني بس مابي شي مابي بس ابيك تلمنيي
قالي ماكو وخري
انسدحت وعطيته ظهري وقعدت ابجي جان اييني ويلمني قالي خلاص اوص انا يمج هني هديت شوي بس مضايقه ليلحين
شوي اهو قعد يكح حيل وجذي لان مريض وبليل يزيد المرض معروف
فقعد يكح يكح لما نام كسر خاطري بس مضايقه وايد
اليوم قعدت الصبح واهو قبل ششوي قاعد قلتله حبيبي شلونك ؟ قالي لا تحاتين
قلتله مضايق مني؟ قال لا
ومبين ان مضايق
قلتله لا تقص علي عبالك ما اعرفك خلاص راح اخليك بروحك لما تهدي وسوري
وقمت ييت الصاله

بنات والله احس عين عين مادري شسوي قجأه ريلي ما قام يقرب صوبي ويقولي اشكره مابي ! اذا اهي صج ما يبيني ليش ما يطلقني
والله احس تعبت عفيه انصحوني انا احبه وما ودي اطلق بس والله العظيم اني احس مرفوضه منه مادري ليش
لا تقولون طنشيه وشوفيه شلون يلحقج لاني جربت كل شي ما فاد شسوي

واااي حياتي انتي :$
تحمليه لما يطيب كلميه اهوا الحين تعبان سكتي عنه واسيه خلج يمه وديه طبيب
حسسيه بحبج بفاعايلج مو بالكلام وبس
وانتي غلطانه لما قلتيله طلقني حرام عليج ليش تقولينها
في مواضيع وايد حلوا بالمنتدى اهني وبركن العروس
تخليج تقدرين تفهمينله وتقربينه صوبج
والله يوفقج يارب ويصير الي تبينه

الله يعينج

بس أنا احسه يحبج فلا تحنين عليه جربي يكون الوضع عادي

ونطري وشوفي اذا اهو بيحن وييج ويكون مشتاقلج ولا لا

واذا تم على وضعه يمكن اهو الريال نوعه يحب كل فتره طويله

والله يوفقج ويسخره لج يارب

الله يعينج على ماابتلاج
بس افهمي منه شفيه مريض؟!!!
لاسمح الله لايصير فيه شي معدي وخايف عليج
عموما عليج بالدعاء تالي الليل سهامه تصيب ماتخيب
الله يصلح حياتج..

انتي وايد قاطه نفسج
فجي عنه خليه شوي يحس انه مو محل اهتمام !

عيل تقولين له لمني و يقول حريمتج !؟

و يقول نامي لا امصخرج ؟؟ وانتي كاشختله

امبيه ! يعني كل هذا و ما مصخرج

فجي عنه و لا تكلمينه بالموضوع
خليه يطيب يمكن ماله مزاج و تعبان من السفر

لا حبيبتي لاتسوين جي مرة الثانية موحلوه بحقج خليه على راحته ترى والله يزيد ويتمرد اكثر وبعض الرياييل مايحب هالاسلوب وتلوع جبده من المره ويمكن ريلج من هالنوع خليه وهو بروحه ايييلج لو طال الوقت

انوثتي غير وياك
حبيبتي والله قلتها من حره مافيني لان صج ما قام يقرب صوبي وما ادري شنو السبب
يا رب اعرف شلون اتعامل وياه ويا رب تنحل مشاكلنا
مشكووره عالرد

حبيبه خلودي
اتمنى صج يحبني من قلبه لان احسه جنه شبع من الزواج خلاص احس كنت بحيته طفره مو اكثر

كن غريبا
حاولت اعرف لو مريض بشي او لو فيه شي بس كلش مافيه
امين

شيك شوكه
انا جربت افج عنه احس بالعكس استانس اكثر لاني احسه مرات وده يرد عزابي معني والله العظيم اني ما منعته من شي احس عايش حيته مثل ما يبيها ما ضايقته بشي كثر غيري اللي بينا بس مشاكل عاديه

شادن
شسوي مو قادره اتحمل والله احبه حييل

الله يكوون بعوونك….

صبري..اناا من رااي انك تبعدين عنه ..روحي عند اهلك مده يمكن يقفدك…..ويحس باللي سوااه فيك وياانبه ضميره….

تهقين جذي اروح ؟

شوفى أنا بعلمك بحكم أنى مزوجة من سنوات صديقيني ريلج من نوع اللى مايحب الوحدة تقط نفسها عليه وتبين له ان تبي هالشي بالذات انت بينيله ان مايهمج واكتفي بالكلمه الحلوًه والمعامله الطيبة وشيلي من راسج ان يقربلج والله فتره وتعدي وهو بروحه اييي ويقرب انت سمعي كلامي ويمكن حبيبتي من صج مريض

لا لاتروحين بيت امج خليج عادية