ليش مالبست الأبيض!؟!؟

سوري حامل وتبين عرس؟؟؟
حلات العرس تكون ليلة الدخله والخجل مو تطلعين معاه و يصير اللي يصير وتالي تبين عرس حتى لو كان زوجج بالشرع انتي للحين ماصرتي عنده في بيته مفروض في الملجه مايصير شي لين العرس عشان هو من نفسه يتسنع ويستعجل عالعرس

والله مادري شقولج

حلم كل بنت تسوي عرس ماصار وتلبس البدلة البيضه

بس. اعتقد لانج حامل الكل حاس ان العرس ماله داعي

وانا بعد برايي خلاص راحت وناسة العرس

عموما احتفلي انتي وزوجج هذا كافي

روحي فندق ولبسي القميص الابيض ويكون فخم حيل وروحي صالون سوي شعرج ومكياجج

واستانسي

سوي لج حفله صغيره و لبسي اللي تبين و صوري لا تخلين شي بخاطرج

حبوبه حلات الحمل بعد العرس انتي الحين سوي لج حفله ببيتكم اذ كان كبير او في استراحه كبيره زينها بتل والورود وسوي جسر كوشه وزيني المصبح بالوردو وحولينه بشيفون والشموع ولبسي فستانج الابيض كله بتكلفتج انتي وقولي له يي وياج وان ما رضى انتي استانسي وحسي بعرسج

حبيبتي حاسه فيج لانه اختي نفسج بالبدايه اتفقوا على عرس وجك بم قال ريلها مابي عرس واقنعها ان الفلوس اللي بنقطها للعرس نسافر ونستانس ونشتري كل شي

وللحين مسكينه كل ما صار عندنا ولا عندهم عرس تدمع عينها مع ان اهيا كانت تبي عرس واهوا اللي رافض وخواته كانوا يقولون شتبين بالعرس وكل من تكلم هذا حلو وهذا مو حلو انتي خففتي على روحج الكلام واهيا تقول كلها ليله بالعمر وماراح تتكرر

الله يسامحهم ان شاء الله

بس انا اقولج سوي نفس طريقه اختي اجرت فستان عروس وراحت الصالون وسوت شعرها وتمكيجت وحجزت على بشت لزوجها بعيد زواجهم وراحت للمصورة وسوت لها البوم كامل وكأنه عرس واستانست واشفت غليلها لوول حبيبتي

سويلج حفله استقبال بصاله الحين صار الاستقبال حاله حال العرس تلبسين الابيض ومعازيم ووايد حريم يسوون جذي حتى لو حوامل لان من اسمه استقبال وكيفهم اهل ريلج مايبون لا ايوون مو مجبورين

يمكن يكون خيره

وحفله صغيره هم حلوه

استقبال بكل سهوله لبسي الابيض وروحي الصالون وحققي كل اللي تبينه ولو تعزمين بس اهلج ورفيجاتج كافي والله يوفقج يارب

اختي انتي نفس حالتي او يمكن انة اخس صارلي سنتين متزوجه بدون ماسوي عرس وللحين متحسرة على حالي ماحب اروح عرس او ادا رحت يعورني قلبي لاني مالبست الابيض وسبه صارت مشاكل بين هله وهلي وسافرت بدل عرس اهى اهئ

لاتقولين حامل وجهي اصفر فيجج قصه بقلبك حاسه فيج سوي عرس لو اهلك بسونه لج افرحي وعزمي كل الناس وصوري واجري لبس ابيض ولاتقولين وجهي اصفر الله يخلي الكريمات ولا تقولين ابحتني النساة ميخالف اصبري بس لفرحتك

عااادي حبيبتي سوي عرس ومالج شغل بحجي الاوادم

انا اعرف وحده سوت عرسها واهي حامل بالرابع وماكان طالع لها بطن

سوي الحين قبل لا يكبر بطنج وتولدين

اعملي يلي بناسبك ،

بس حتى لو عملتي زوجك ما اتوقع يبادر بحركه منه او شي منه على حسب كلامك على زوجك ، يعني ما رح تنبسطي ، وخلص مع الحمل ما اتوقع تكون الفرحه نفسها لأي وضع طبيعي .

على حال الله يهدي بالك ويناولك الخير ،

التوافيج والسعاده مو بالعرس ولا بالحفله ولا اللبس الابيض

واذا بخاطرج تفرحين وتلبسين الابيض سوي حفله محفوفه على قدكم بيت اهلج ورفيجاتج

حطي استيديو وصوري ببدلتج مع ريلج واهلج وعقب بدلي وكشخي وحطي دي جي وعشا وخلي رفيجاتج يرقصون لج

بس انتي لاترقصين طبعا عشان البيبي هههههه

سويها الحين ولاتاكلين بعمرج .. ترا محد بيفرح غيرج واللي بيقول حامل ومادري شنو خل يستريح اهم شي تحتفظين بالبوم حلو تورينه عيالج وبنوتج بعدين 

حضرت عرس وحده كانت حامل لها ٣ شهور وسوت حفله بالشيراتون والكل رقص وفرح لها ولبست ابيض ماخلت بخاطرها شي 