بروح الطب النفسي والسبب اهل زوجي

شلونكم بنات شخباركم بدش بالموضوع انا ساكنه ويا اهل زوجي المهم ام زوجي حبيبه بعض الشي بس تنعفس فوق تحت من بناتها الله يفكني شرهم وعمي نفس الشي معاهم معاهم والله اني اقوم الفجر وقبل الصلاة اسوي حق عمي خبز بالفرن اكله قديمه اهوا يحبها بس علشان ارضيه وهمن معاهم ومزاجي المهم اهم كلهم حاطين بالهم ان زوجي تغير عليهم ومايحبهم وانا مغيرته ومن هلفكار اللي من ابليس المهم خواته وحده مطلقه والثانيه متزوجه وعايشه اهو وزجها معانا بنفس البيت والبيت فيه جنات مو بس انا بس جناتهم بنات عمهم الا انا برا القبيله المهم اخت المطلقه الله يرزقها اذا جلست بالمجلس قالت الله يرحم ايام اخوي يوديني ويجيبني ومن هلحجي الله ياحلو ايام قبل اخوي قبل لاياخذج شوووفو وانا ساكته ومنطمه اليوم نزلت كيك حق اهل زوجي جان تجيني اخته تقولي اخوي متغير اسلوبه مو حلو وياي مدري شصاير فيه قلتلها حرام عليج لايوسوس فيج بليس جان تعطيني ظهرها وتروح جان تجيني بعد خمس دقايق تقولي انتي زعلتي قلت لا بس انتو بهلبيت نيتكم شينه خافو الله جان تعصب وتقولي والله انتي اللي نيتج شينه قولولي بنات انا غلطت
اللي باط جبدي ان اول ماخلصنا رمضان بدو يصومون وانا ماصمت جان تقولي اخت زوجي جدام حمواتي انتي ماعليج ايااااام من ارمضان قلتلها لا ماعلي اللي قالتلي المطلقه الله يرزقها جان تجيني اخته الثانيه تقوللي مبروووك يقولون انتي حامل وماجتج الدوره شوفو اهي كانت مسافره وجت بسرعه وتبارك لي حلفت لها يبا والله جتني بالعيد والله مو حامل ماصدقني جتني عمتي ثاني يوم وهمن اسالتني وقلتلها جان تخز بطني علا طول بنات انا صار لي سنين مو حامل ولا عندي جهال راعو شعوري واخوان زوجي ثلاثه اصغر منه حريمهم حمل بروحي اللي فيني مكفيني وعلا اطول اتحلم فيهم احلام مو زينه تخوف خلاص تعبت تعبت تعبت عمتي قايله حق زوجي الله لايرزقك عيال منها يارب ليش انا شنو اذنبت فيه اهم خايفين احمل والله خايفين احسهم جذي
سوري بنات علا الطواله بس انصحوني شسوي
واهم شي ادعوللي يااارب احمل واشوفج يمه بمنامي تجيني وتلميني الله يرحمج ويرحم موتى المسلمين

الله يرزقج الذرية الصالحة وهونيها

الله يرزقج بالعيال انشالله

حياتي ادعي ربج والله يوفقج يارب وكله اجر حقج صدقيني شتسوين كل بيت حموله فيه مشاكل وكلمي ريلج بهدوء وقوليله عالسالفه

وآآاااااي الصراحه الله يعينج عليهم
شوفي هالنوعيه هذي صعب ارضائهم سواء مشيتي على هوآهم او سويتي الي براسج
اقول لج شي
طنششششششششششششي ولآتاكلين بعمرج خل يقولون ويسون الي يبون وانتي عليج من ريلج وبس اوكي عاملي امه بالتي هي احسن بس مو لدرجة ان تذلين او تنزلين من كرآمتج لهم ترى مهما يكون مايسوى عليج بس بعد هويها وتهون وماحلى شي التطنيش اصلا بيموتون قهر وواضح من الي قلتيه انهم مايعجبهم العجب
والله يوفقج

الله يرزقج الحمل الصحيح ويسخر اهل ريلج لج واتوكلي على ربج
والله يرحم والدتج

الحقران يقطع المصران

اهم شي زووجج

مشكورين اللي رديتو علي الف شكر بس انا عيبي افكر واهتم واعطيهم كل تفكيري هذا عيبي ابي اطنش اقول بس ماكو ما اعرف اطنش اخاف واهتم اذا احد عفس وجهه علي لو مالي شغل بس افكر وهذا اللي بيتعبني

طنش تعش تنتعش احترميهم علشان زوجج وبس ولاجل عين تكرم مدينة

لاتعطينهم وايد من وقتج بالزوارات والمناسبات بس مو كل وقت مرتزة بينهم
اختصري السوالف اللي مالها داعي جاوبي على قد السؤال وافتحي مواضيع تكون بعيده عن حياتج الشخصيه وزوجج
تغاضي عن الامور التافهه حتى لو سمعتي نغزات انتي المقصودة
اكسبي زوجج اكثر واعطيه اهتمام اكثر من قبل ولاتشتكين اهله
ملاحظه جدا مهمه : لاتكسبين زوجج بخدمة اهله مو مجبورة بهالشي بالاول وبالخير ماراح يبين بعينهم حتى لوانتي من نفس قبيلتهم
اهل الزوج يحبون التفرقه بين الجناين

شوفي اهم شي زوجك وماعليك فيهم سوي مع امه وابوه الخير وانتي ناويه بنيتك كله لوجه الله ماتبين شي من ورااهم اقل شي لمن تقابلين ربي تقابليه بشي زين وهي نيتك واحسانك لاهل زوجك
سووي بطيب وارمي بالبحر
وحاولي ماتحتكي معهم كثير الي هم اخواته وكيت ترتاحي وتريحي بالك
الله يسخرهم لك ويعينك ياررب

يا اختي اخذيها مني لو شبتي اصابعك كلها شموع ما راح يحبل خوات الزوج ولا العم القشر الي يشوف طبعه بعين الناس
اهم شي زوجك كل الكلام طوفي
استغفري ومو معناة دعاء لج ان الله ما راح يرزقج لا
الرزاق عند الرحمان مو عنده

والله حالتك تشبه حالت بنت اختي من جد المسكينه كانت وش زينها قبل لا تتزوج وبس تزوجت تعبو نفسيتها مع انها موساكنه عندهم
بس شرهم طايلها تخيلي انه حسبي الله عليها بنت اختي لها سنه ونص متزوجه وماحملت وولدها الثاني توه متزوج قعدت تدعي قدام
بنت اختي وعيالها انه يارب ماتحملين قبل العروس انشاء الله تحملين بعدها شوفي الوقاحه هذا غير الكلام اللي يحاولو يجرحوها فيه
تخيلي انهم يحاسبونه مايبونه يصرف عليها ولا يبونه يودييها لاهلها بس هي صارت تحقرهم تعاملهم معامله عالديه جدا واشغلت نفسها
بالنت عنهم وماعاد تجيهم مثل اول والحين لهم سنه متعدلين شوي معها مشكلت هاالاشكال تصيرين طيبه ع بالهم هبله والميانه الزايده بينهم
خلتهم يقلون ادبهم عليها *