|
|
هلا بالغاليات
حبيباتي انا ساكنة ويا حمولتي من تزوجت والحين بكمل السنتين السالفة وما فيها ان من يوم توفت المرحومة عمتي وعمي العيلة كلها تشتت اهم كلهم 3 بنات و3 رجال
البنت الوسطى تزوجت وعند زوجها بقت الكبيرة والصغيرة
زوجي ترتبيه الثاني واخوه الكبير متزوج بس ما عندهم عيال الصغير (اخر العنقود) توه مخلص الثانوية عامة
السالفة وما فيها الكل يدوام وانا بعد اداوم اقوم الصبح اودي ولدي عند الوالدة واسير الدوام اخلص حدود الساعة 5 من ارد البيت كانه مهجور مافي حد كلهم من بعد الدوامات ما ادري وين يروحون يردون بليل حدود الساعة 11 او 12 والحالة هذه تكون من زوجي يكون في الدوام لان نظامه اسبوعين في العمل واسبوعين اجازة
القهر حتى اخوهم العود وحرمته ماحد يردون ساعة 1 او 2 بليل انا قلبي على البنات مو متزوجات للحين صج انهم كبار اعمارهم بين 30 و 25 بس سمعتهم راح يشوهونها بروحهم يعني الناس راح تقول ماتت الام والاب والعائلة تشردت
ان قلت انصحهم زعلوا وما يكلموني يومين او اكثر وان تركتهم اتحسف عليهم … اخوهم الكبير خبر كان ولا يهتم فيهم من الاصل..
ما ادري ايش اسوي؟؟؟ والله قلبي يتقطع عليهم ما يقعدون كلش في البيت كله دوارة ووين يروحون الله اعلم
تهقون اذا خبرت ريلي راح تسببلي مشكلة ولا كيف؟؟!!!
لا تفتحين على نفسج باب المشاكل..
عندهم إخوان مسؤولين عنهم..
بس إنتي حاولي تطلعين معاهم إنتي و ولدج تغيرون جو و تتقربين منهم أكثر..
ساعتها لو تكلمتي معاهم ماراح يتحسسون يمكن..
حبيبتي النصيحه مهمه ، لانه نحن مو عايشين لحالنا ، بل عايشين في مجتمع نتأثر فيه وبتأثر فينا وباافعالنا ، فما علينا غير النصيحه لكن بطريقه ماتخليهم ينفرو منك .
واذا خايفه من النصيحه وردت فعلهم من النصيحه ، حاولي مثلا اذا علاقتك فيهم طيبه ، قوليلهم اليوم حابه ارجع من الدوام وتكونو موجودين عشان نطلع سوا ، يعني كل يوم اشغيلهم انتي يكونو معك .
والله يناولك الخير يارب العالمين ويكثر من امثالك 
بيتنا شبه مهجور
واغلب وقتي بروحي اكل بروحي اشوف التي في بروحي
وكاني عايشه بروحي خصوصا اني كائن ليلي
بس ساعات اصادفهم
انتي لاتتدخلين بس علمي زوجج بالوضع وقوليله انا سويت اللي علي وووخلاص وعلمتك
باللي يصير …وقليله هذول مثل خواتي اخاف عليهم ووووبس وكان الله غفور رحيم
افتكي
ابعد عن الشر وغنيلووووووووووووووو
البنات كبار وفاهمات شتبين تنصحينهم
الكبير موجود واكيد شايف الوضع
ماله داعي تقولين لزوجك وتدخلين نفسك بمشاكل
وانتي سبق نصحتيهم وعرفتي ردة فعلهم
احسني الظن وادعي لهم بالستر والهداية
حتى الريال و مرته ما سلمو منج
حتى لو قلتي حق ريلج يمكن يفسرها انج غيرانه منهم و مراقبه تحركاتهم
و اكيد ريلج و اخوه شايفين و عارفين مع هذا ساكتين ما تكلموا ف لا تدخلين روحج بينهم
موضوع البنات بشكل خاس ..
يعني ما اعتقد بتخافين عليهم اكثر من نفسهم ولا اعتقد بعد انج بتخافين
ع سمعتهم اكثر من إخوانهم
..
بإختسااار مالج شغل بشي و ع فكره اذا قلتي حق زوجج بيطلعج بالشينه وابسط شـي بيقول
انا عارف خواتي
موفقه اوووختي
وباجر بييهم نصيبهم
انا عندي لج حل دوريلهم خل يتزوجون